Búnaðarrit - 01.01.1969, Page 89
SKYRSLUR STARFSMANNA
79
félaga á árinu 1966 og greinar í Frey um nythæstu kýr
árin 1965 og 1966. Þá skrifaði ég þátt um nautgripa-
rækt í ritið Bœttir eru bamdahœttir, sem gefið var út
í sambandi við Landbúnaðarsýninguna í Reykjavík. 1
febrúar flutti ég erindi um ný viðhorf í nautgriparækt
á umræðufundi, sem Islandsdeild Norræna búfræðifélags-
ins, N. J. F., efndi til í Reykjavík. Stjórn Búnaðarfélags
Islands fól Halldóri Pálssyni, búnaðarmálastjóra, og
undirrituðum að semja bækling á ensku um íslenzkan
landbúnað, og kom liann út í byrjun ágústmánaðar. Var
mikið og tafsamt verk að safna gögnum í ritið, enda
reynt að vanda til þess, eins og kostur var á. Það léttir
stórum á í sambandi við hinar fjölmörgu fyrirspurnir
erlendis frá um ýmsa þætti landbúnaðarins að geta vísað
til þessa heimildarrits, sem lilaut nafnið Farming in Ice-
land. Á bændavikunni flutti ég erindi í útvarp um djúp-
frystingu nautasæðis.
Nautgripasýningar. Að þessu sinni átti að halda naul-
gripasýningar á Norðurlandi, en var frestað til næsta árs
nema í flestum félögum í S.-Þingeyjarsýslu, þar sem
Jóhannes Eiríksson var aðaldómari, auk þess sem hann
dæmdi nautin á búfjárræktarstöð S. N. E. að Lundi.
Bann var lagt við sýningarlialdi í Eyjafirði vegna bring-
skyrfis, og óráðlegt þótti að efna til sýninga í Skaga-
firði og Húnavatnssýslu vegna vorharðinda og afleiðinga
þeirra.
Afkvæmasýningar bar að lialda á Vesturlandi, ef ástæða
þætti til. Óskaði Bsb. Borgarfjarðar og Búfjárræktar-
stöð Vesturlands eftir sýningum í Borgarfirði og Dala-
sýslu á dætrabópum þriggja nauta stöðvarinnar. Var
undirritaður aðaldómari á sýningum þessum, sem fóru
fram 26. og 27. september.
Fundahöld og ferSalög. Hinn 5. janúar var haldinn
aðalfundur Nsb. Rang.- og V.-Skaftafellssýslu að Hvoli,
en lionum hafði verið frestað fram yfir áramót. Að þessu
sinni var fundurinn opinn, og sóttu liann um 50 manns.