Búnaðarrit - 01.01.1971, Page 74
68
BÚNAÐARRIT
Nóvember 20. á haustfundi S.F.G. um gróðurhúsamál.
Desember 11. fyrir skógræktarfólk í Kópavogi um
berjaræktun.
Eins og fram kemur, liðsinnti ég garðyrkjubændum í
Borgarfirði meira en öðrum, enda hægara fyrir mig en
ylræktarráðunaut að sinna þessum aðilum, þar sem ég
er staðsettur í Reykjavík, en liann í Hveragerði. Veit
ég einnig, að álag á ylræktarráðunaut frá garðyrkju-
bænduin austanfjalls er mjög mikið. Umfram þetta var
ég kallaður oft út vegna garðræktarvandamála í nágrenni
höfuðborgarinnar, og fór oft töluverður tími í að sinna
þeim málum.
Skrifstofustörf o. fl.
Á skrifstofunni liefi ég sinnt ýmsum bréfaskriftum vegna
garðræktarinnar. Ennfremur koma hér margir í leit að
upplýsingum um allt milli himins og jarðar viðvíkjandi
garðrækt. Einkum er álagið mikið, er líða tekur á vetur
og þegar vorar, er þá síminn oft stanzlaust í gangi og
mikil umferð að öðru leyti. Veður ræður miklu um,
hvemig þessu er varið. Á góðviðrisdögum er eins og
að allir vakni til lífs og vilji bollaleggja um væntanlega
ræktun. Ég skipulagði nokkra garða fyrir heimili á ár-
inu, en beiðnir um skipulagsteikningar berast jafnan
það seint, að oft er varla hægt að sinna þeirri fyrir-
greiðslu með góðu móti. Á ferðalögum mínum rissaði
ég einnig upp nokkra garða, 10—12, og lagði á ráð með
gróðursetningu og fyrirkomulag gróðurs. Einnig gekk ég
frá teikningum að 2 gróðurhúsum.
Á kalráðstefnunni og búnaðarhagfræðinámskeiðinu,
sem gengist var fyrir dagana 17.—21. febrúar, var ég
fundarritari ásamt Árna G. Péturssyni, eins sat ég ráð-
stefnu landgræðslu- og náttúmverndarsamtakanna sem
einn af fulltrúum Búnaðarfélags Islands dagana 28. febr.
og 1. marz.