Búnaðarrit - 01.01.1986, Page 18
XVI
BÚNAÐARRIT
Helstu ritstörf hans voru: Handbók fyrir bændur er hann gaf
út ásamt fleirum árið 1926. Meðútgefandi og ritstjóri Freys
1926—1933 og lengi í ritnefnd Freys. Hann samdi ritgerðina
„Vatnsmiðlun", sem kom út í Búfræðingnum 1941 og var lengi
notuð við kennslu í bændaskólunum, og kaflann urn Island i
jordpolitiken í Norden 1955, svo og fjölda af greinum um
landbúnað í blöðum og tímaritum. Hann flutti og mörg erindi á
bændafundum og í útvarpi.
Þegar Pálmi kom til Búnaðarfélags íslands voru fyrstu
jarðræktarlögin að koma til framkvæmda, en þau voru sam-
þykkt á Alþingi 1923. Samkvæmt þeim skyldu bændur og
aðrir, sem búskap stunduðu, fá styrk út á framkvæmdir í
jarðrækt. Það féll í hlut Pálma að móta framkvæmd laganna og
leiðbeina bændum í jarðrækt. Hann átti létt með þetta, því
áhugi hans var mikill á þessum málum og þekkingu skorti hann
ekki. í ráðunautsstarfi sínu kynntist Pálmi landi og þjóð. Hann
þótti ráðhollur og vinsæll í störfum. Árið 1947 komu til
framkvæmda lög um landnám og nýbýli með embætti land-
námsstjóra. Pálmi var sjálfkjörinn í embætti landnámsstjóra,
enda þaulkunnugur þessum málum frá fyrri störfum.
Á þessum árum vantaði íslensku þjóðina smjör, osta og
stundum kjöt, svo flytja varð vörur þessar til landsins. Flest
allir landsmenn voru á þeirri skoðun, að efla bæri landbúnað-
inn, svo hann gæti séð þjóðinni fyrir þessum nauðsynlegu
fæðutegundum.
Erlend tækni ruddi sér rúm hér á landi um þessar mundir og
þeirra á meðal stórvirkar jarðyrkjuvélar. Landnám ríkisins tók
strax í þjónustu sína þessa nýju tækni, sem olli byltingu í
ræktun landsins og öðrum framförum í landbúnaði. Starfssvið
landnámsins var víðtækt og átti það m. a. ríkan þátt í því að
auðvelda kynslóðaskipti á bújörðum og þar með tryggja
búsetu í strjálbýli.
Pálmi landnámsstjóri var alla tíð störfum hlaðinn. Það átti
líka vel við hann, því áhugi, dugnaður og ósérhlífni voru
honum ( blóð borin. Hann var farsæll í störfum, mikill