Búnaðarrit - 01.01.1986, Page 47
SKÝRSLUR STARFSMANNA
25
fram fyrir 15. mars, en var frestað, þar sem jarðræktarlögin
lágu fyrir Alþingi og vitað var að einhverjar breytingar yrðu
gerðar á þeim. Útboð í framræslu fóru fram 9. maí, með
fyrirvara um breytingu á jarðræktarlögum, og voru opnuð
22. maí að bjóðendum viðstöddum. Skurðgröftur var
boðinn út á 10 svæðum og plógræsla á tveimur svæðum
sunnanlands. Tilboð bárust í öll svæðin, 56 tilboð í skurð-
gröftinn frá 11 verktökum. Fjögur tilboð bárust í plógræsl-
una frá tveimur verktökum. Án útboðs var samið við
Valgeir Vilhelmsson um gröft í Austur-Barðastrandarsýslu,
Vélar s/f um gröft í Strandasýslu, Grím Sigurbjörnsson um
gröft á svæði Búnaðarsambands Suður-Þingeyinga og Ólaf
Sigurðsson um gröft í Hofshreppi í Öræfum. Safnað var
upplýsingum um áætlað magn framræslu á þeim svæðum,
sem ekki eru útboðsskyld. Áætlað magn skurðgraftar á
árinu 1985 voru rúmir 6 millj. m3 og í plógræsum rúmir 456
kílómetrar.
Stjórn Búnaðarfélagsins samþykkti eftirtalda aðila verk-
taka í framræslu á árinu 1985 á þeim svæðum, sem tilgreind
eru í eftirfarandi yfirliti, fyrir ákveðið gjald á einingu, sem
er m3 í skurðgrefti, en m í plógræslu. Tilboð verktaka voru
miðuð við greiðslur bænda einum mánuði eftir verklok hjá
hverjum einum og greiðslu ríkisframlags í janúar og febrúar
1986.
A. Vélgröftur
1. Svæði Búnaðarsambands Kjalarnesþings: Verktaki Bsb. Kjalarnes-
þings, kr. 11,04.
2. Svæði ræktunarsambanda í Mýra- og Borgarfjarðarsýslu: Verktakar
Rsb. Hvalfjarðar og Rsb. Mýramanna, kr. 11,04.
3. Svæði Búnaðarsambands Snæfellinga: Verktaki Rsb. Snæfellsnes- og
Hnappadalssýslu, kr. 11,04.
4. Svæði Rsb. Suður-Dala og Rsb. Vestur-Dalasýslu: Verktakar í Rsb. í
Dalasýslu og Rögnvaldur Ólafsson, Búðardal, kr. 11,31.
5. Svæðið Austur-Barðastrandarsýsla: Verktaki Valgeir Vilhelmsson,
Kópavogi, kr. 11,00.
6. Svæðið Vestur-Barðastrandarsýsla: Verktaki Valgeir Vilhelmsson,
Kópavogi, kr. 18,00.