Búnaðarrit - 01.01.1986, Page 96
74
BÚNAÐARRIT
vann með öðrum að samningu reglugerðar fyrir Stóðhesta-
stöð í Gunnarsholti, sem hlaut samþykki landbúnaðarráð-
herra, og gengur þar með í gildi. Ég kom á stöðina um það
bil í hverjum mánuði til að fylgjast með störfum tamninga-
manna og fóðrun hestanna.
Afkvœmarannsóknir. Til þeirra var veitt samtals kr.
129.240,-, sem skiptist jafnt á þrjá stóðhesta: Fjölni 941 á
Sigmundarstöðum, tamningamaður Aðalsteinn Reynisson,
úttekt nr. 89 gerð 20. mars, aðaleink. 7,39; Flosa 966 á
Lambleiksstöðum, tamningamaður Björn Forsteinsson. út-
tekt nr. 90 gerð 13. apríl, aðaleink. 7,42; og Verðanda 957 á
Skarði II í Lundarreykjadal, tamningamaður Sigurður
Halldórsson, úttekt nr. 91 gerð 16. apríl, aðaleink. 7,41.
Undanfarin ár hefi ég verið að leita eftir stuðningi á
Búnaðarþingi við að skipuleggja og takmarka, jafnvel
banna, útflutning á kynbótahrossum, með það fyrir augum
að flytja út tamda góða reiðhesta fyrir sportmennsku, en
íslenskir bændur ættu sinn stofn, ræktuðu hann og seldu
afurðina í þessu formi. Finnst mér það gæti aukið afrakstur
búgreinarinnar og vera þess virði að taka þetta mál
ákveðnum tökum á sama tíma, sem verið er, með ærnum
kostnaði, að koma upp nýjum búgreinum í landinu þegar
hinar hefðbundnu dala vegna offramleiðslu. Hér þarf
engan stofnkostnað, aðeins ákvörðun til að hægt sé að ná
tökum á verkefninu. Ég tel að þetta mál standi í járnum
með fylgi á Búnaðarþingi, því miður ekki betur. Einnig
væri þá eftir að fá löggjafann til að styðja það.
Málið um hrossasæðingar er í athugun. Ég hefi undirbúið
það nokkuð, aflað upplýsinga til að leggja fram og kynnt
það á fundum hrossaræktarmanna á árinu. Vænti ég að það
sígi fram á næstu árum.
Ég færi öllu samstarfsfólki mínar bestu þakkir fyrir liðið
ár.
Þorkell Bjarnason