Búnaðarrit - 01.01.1986, Blaðsíða 181
BÚNAÐARÞING
159
nýtist kostir hverrar jarðar til búvöruframleiðslu svo og
markaðsskilyrði á hverjum stað, en byggð haldist sem
órofin
Á þessu sama Búnaðarþingi er samþykkt tillaga frá
stjórn Búnaðarfélags íslands um útflutningsmál landbúnað-
arins og hijóðar hún svo:
„Búnaðarþing 1977 beinir þeim eindregnu tilmælum til
landbúnaðarráðuneytisins, Stéttarsambands bænda, Sam-
bands íslenzkra samvinnufélaga og Framleiðsluráðs land-
búnaðarins, að þessair aðilar ásamt með Búnaðarfélagi
Islands bindist samtökum og komi á samstarfi um markaðs-
leit erlendis og annað það, sem lýtur að útflutningi land-
búnaðarvara.“
Tillaga þessi var samþykkt, og hlutaðeigandi aðilar
tilnefndu menn í nefnd, og hefur hún starfað síðan, og hlaut
nefndin nafnið markaðsnefnd. Á þetta bendi ég, því að
stundum heyrist það, að ekkert sé gert eða unnið að lausn
vandamála í landbúnaði. Þá vil ég líka á það minna, að
Búnaðarþing 1978 fékk til umræðu og ályktunar erindi frá
stjórn Búnaðarsambands Suðurlands um rannsókn á fram-
leiðslu- og markaðsmálum landbúnaðarins, og einnig kom
erindi frá formannafundi búnaðarsambanda um skipulags-
og framleiðslumál landbúnaðarins.
Erindi þessi hlutu bæði afgreiðslu, og annars vegar
samþykkti Búnaðarþing heimild um að leggja gjald á
innflutt kjarnfóður, og hins vegar lagði þingið til, að komið
yrði á nefnd 7 manna til að kanna leiðir þær, sem myndu
bezt tryggja stöðu landbúnaðarins og þeirra, sem að honum
vinna. Nefndin átti að gera tillögur og skila áliti sínu í
frumvarpsformi, sem og hún gerði. Frumvarp nefndarinnar
var af þáverandi landbúnaðarráðherra, Steingrími Fler-
mannssyni, lagt fyrir Alþingi, og þar var því gjörbreytt, eins
og kunnugt er. Búmarkið eða kvótakerfið var byggt á þeirri
lagasetningu, þar til nýju framleiðslulögin öðluðust gildi á
s. 1. ári. Samkvæmt þeim á að halda áfram að skipuleggja