Búnaðarrit - 01.01.1950, Blaðsíða 121
BÚNAÐARRIT
117
uppskera varð lítil og víða mygla samfara votviðr-
um. Víðast var uppskeru á kartöflum lokið í mánuð-
inum.
IJaustið (október—nóvember) allrigningasamt á
stundum, og fremur óstöðugt veðurfar. Fyrstu frost
haustsins urðu 1., 6., 7. og svo 15., 16. og 17. Stappaði
nærri að kartöflur næðust ekki upp, og sums staðar
skemmdust þær noltkuð af frosti. Snjóföl varð 14., 15.
og 17., en leysti brátt upp. Byggi, höfrum og grasfræi
bjargað í hús síðast í mánuðinum, og heldur slæm
nýting. Jörð var græn og góð til beitar allan mánuð-
inn, kúm því beitt víða lengur en venjulega, sums
staðar fram í næsta mánuð.
Nóvember. Fyrstu 10 dagana þýðviðri, en eftir það
tók að frjósa á auða jörð, er hélzt það sem eftir var
mánaðarins. 21. nóv. gerði afspyrnuveður á austan,
sem olli þó ekki teljandi tjóni hér um slóðir. Öllum
beitarfénaði var ekki gefið, því beit var næg. Haustið
hefur því verið liagstætt fénaðarhöldum og útiverk-
um.
Desember. Frost fyrstu dagana, þýðviðri frá 7.—26.
s. m., og varð þá jörð því sem næst klakalaus. Tíðar-
farið í mánuðinum hagstætt, því oftast var liægviðri
og milt veðurlag. Snjólcoma lítil, aðeins 3 daga, 22.—
26. og 27. des. Byrjað að gefa fé um 20. s. m.
Árið 1947 má telja með allra verstu árum fyrir
landbúnaðinn liér á Suðurlandi. Veturinn frá nýári
var mildur og hlýr í byrjun, en kaldur þegar á leið
og gjaffellt fyrir allan útifénað. Vorið var kalt, svo
gróður byrjaði með allra síðasta móti. Eldgos sam-
fara ösku- og vikurfalli gerði mikinn skaða í austur-
Bangárvallasýslu, og öskufall varð víðast töluvert í
allri sýslunni, er olli því, að fénaður naut seint
beitar. Sumarið allt úrkomu- og veðrasamt, svo allur
heyskapur varð með miklum vanhöldum. Garðrækt
geklc illa og gaf litla og viða skemmda uppskeru.