Búnaðarrit - 01.01.1992, Blaðsíða 19
„Það er ætlun vor að Freyr skuli flytja vekjandi og fræðandi hugvekjur
um allt það er að búnaði lýtur, veiti mönnum færi á að kynna sér jafnan
allar hreyfingar í búnaði jafnt utanlands sem innan“.
Og ennfremur:
„Freyr vill verða bændum ágætastur allra blaða, óskar öllum árs og
friðar og hyggst að stuðla mjög að fésælu manna“.
Nýir útgefendur tóku er fram liðu stundir við af brautryðjendunum. Nú
er Freyr gefinn út af Búnaðarfélagi fslands og Stéttarsambandi bænda og
leitast enn við að vera trúr heitum fyrstu útgefandanna. Að sjálfsögðu ritaði
Magnús mikið í Frey, en í Búnaðarritinu er einnig að finna langar og
ítarlegar ritgerðir og hefur nokkurra verið getið, en Magnús var einn af
styrktarmönnum Búnaðarfélags íslands er það var stofnað árið 1899.
Vegna áhuga og starfa Magnúsar að opinberum málum er að finna eftir
hann margar greinar um margvísleg efni í blöðum og tímaritum. Þess má
geta að Magnús var einn af stofnendum félagsins Arvakur hf. sem enn gefur
út víðlesnasta blað landsins, Morgunblaðið. Ótalinn er fjöldi álitsgerða,
greinargerða, lagafrumvarpa og reglugerða sem Magnús samdi að beiðni
stjórnvalda eða Búnaðarfélags íslands.
Kunnast af ritverkum Magnúsar mun vera Dýralcekningabókin, sem
hann mun hafa lokið við að semja nokkuð löngu fyrir andlát sitt 1927.
Utgáfan dróst hinsvegar vegna ýmissa örðugleika við bókaútgáfu fram til
ársins 1931.
Þó að Dýralœkningabókin sé nú komin nokkuð til ára sinna og þeir þættir
sem lúta að meðferð hverskonar sjúkdóma nokkuð gamaldags, hefur bók
þessi reynst ungum dýralæknum og öðrum hin gagnlegasta ekki síst vegna
glöggra og myndrænna sjúkdómslýsinga. Fyrir þá sem árum saman hafa
dvalist erlendis og tileinkað sér fræði dýralækninga á erlendum tungum er
bókin þörf lesning og náma orða og hugtaka sem dýralæknum er nauðsyn að
hafa á hraðbergi þegar þeir þurfa að tjá sig um þessi efni.
Þeir sem sóttu námskeið, þar sem Magnús var kennari, höfðu mj ög á orði
hve auðvelt hann átti með að draga fram meginatriði hvers máls á Ijósan og
auðskilinn hátt.
Dýralæknisstörf í víðlendu héraði voru að sjálfsögðu aðalstörf Magnúsar.
Það hefur sagt mér fólk sem rak búskap í nágrenni Reykjavíkur að Magnús
hafi verið ákveðinn, fljótvirkur og sérstaklega hreinlátur við öll dýralæknis-
störf. Lengst af bjó hann í „dýralæknishúsinu“ að Túngötu 6, en það hús
byggði tengdafaðir hans árið 1876 en nú hefur húsinu verið breytt mikið frá
því sem áður var.
Öll starfsár sín hafði Magnús með höndum margvísleg störf sem ráðu-
nautur stjórnvalda og Alþingis. Hann tók í notkun og kenndi öðrum ýmsar
nýjungar, sem fram komu á starfsárum hans t.d. doðalækningar og
berklaprófanir.
2
17