Búnaðarrit - 01.01.1992, Blaðsíða 27
Mikill barningur var við að reyna að fá viðunandi fjárveitingu til
framkvæmda á jarðræktarlögum. Aðeins 50 millj. kr. voru ætlaðar til að
greiða framlög vegna framkvæmda, sem unnar voru á árinu, en sem
kunnugt er skulu framlögin nú(samkv. br. á lögunum frá 1989) greiðast á
sama ári og unnið er.
Fyrir baráttu Búnaðarþings og stjórnar B.í. fékkst það þó viðurkennt
a.m.k. í orði, að ákvæði 10. gr. laganna um hámarksframlag til endur-
vinnslu túna, 2000 ha og skurðhreinsunar 2 millj. m\ bæri að skoða þannig,
að bærust gildar pantanir og síðan úttektir upp að þessum mörkum, bæri að
verða við þeim. Með öðrunt orðum, að ákvæðin sköpuðu ríkinu greiðslu-
skyldu á framlögum til framkvæmda upp að þessum mörkum. Þessi
skilningur á málinu var studdur lögfræðilegu áliti frá ríkisendurskoðun.
Landbúnaðarráðherra fyrri ríkisstjórnar, Steingrímur J. Sigfússon, hét
því í Ijósi þessa skilnings, að beita sér fyrir því, að aukafjárveiting að
upphæð 35 millj. kr. fengist, þannigaðhægt yrði að svara umsóknum bænda
með viðunandi hætti.
Ekki tókst að ljúka því máli fyrir stjórnarskipti. Það kom því í hlut nýs
landbúnaðarráðherra, Halldórs Blöndal og hans manna, að vinna þessu
fylgi við fjármálaráðuneytið, og fengust ekki lyktir í því máli fyrr en við
afgreiðslu fjáraukalaga nú fyrir skömmu. Þá fengust 42,5 millj. kr. í
aukafjárveitingu, 7,5 milljónir kr. vegna hækkana á skuldabréfum umfram
það, sem gert var ráð fyrir, og 35 milljónir til viðbótar fjárveitingu ársins.
Vegna þess skilnings á ákvæðunt 10. gr., sem að framan er lýst, kom
allmikið meira til greiðslu af framlögum til framkvæmda, sem unnar voru
1990 en ætlað var eða samanlagt um 90 millj. kr.
Uttektir frá árinu í ár nema nálægt 95 millj. kr. eða samanlagt þessi tvö ár
um 185 millj. kr. á meðan fjárveiting hefur aðeins fengist 135 millj. kr. Það
þarf því alla fyrirhugaða fjárveitingu næsta ár (1992), sem er 50 millj. kr. til
að greiða afganginn af úttektunum frá í ár.
Skuldabréfin, sem gefin voru út vegna framkvæmda 1988 að nafnverði
96,3 millj. kr., voru greidd á gjalddaga 1. ágúst og námu þá 119 millj. kr.
Lífeyrisskuldbindingar. Ekki mun hafa verið getið hér í starfsskýrslum
undanfarinna ára þess máls, er upp kom vegna kröfu Lífeyrissjóðs starfs-
manna ríkisins á hendur bæði B.I. og búnaðarsambandanna um að greiða
sjóðnum lífeyrishækkanir vegna fyrrverandi starfsmanna sinna. Til að skýra
þetta mál nokkuð er tekinn hér inn kafli úr greinargerð um málið til
landbúnaðarráðherra.
„Með lögum nr. 15/1928 var starfsmönnum Búnaðarfélags íslands
veitt aðild að Lífeyrissjóði embættismanna og ekkna þeirra. Hefur sú
aðild haldist æ síðan þó breytingar hafi orðið á lögum um sjóðinn og
hann breytt um nafn.
Allt frá því lög um Lífeyrissjóð starfsmanna ríkisins nr. 29/1963
25