Búnaðarrit - 01.01.1992, Blaðsíða 63

lokafrágangs á niðurstöðum, hversu seint tekst að fá skilað síðustu skýrslum
hverju sinni, þó að meginhluti skýrslna berist fljótt og vel. Þannig bárust
síðustu skýrslur vegna haustsins 1990 ekki fyrr en undir lok árs 1991. Þegar
uppgjöri vegna ársins var lokað, þá höfðu verið gerðar upp skýrslur frá 896
búum fyrir 142.085 fullorðnar ær auk skýrslna um 25.279 veturgamlar ær,
og voru nokkur bú, sem eru að hefja fjárbúskap að loknum fjárskiptum,
sem aðeins skila slíkum skýrslum. Skýrslur eru því samtals um 167.364 ær.
Afurðir voru þær mestu sem þær hafa verið nokkru sinni eða 24,7 kg af
dilkakjöti eftir hverja skýrslufærða á. Mikið skilaði sér af bókum til
uppgjörs í sumar til að láta vinna lambabækur fyrir haustið, og virðast
bændur, sem byrja að nýta sér þá þjónustu, flestir halda því áfram.
Skýrslur frá haustinu 1991 hafa skilað sér vel til uppgjörs. Þærbyrjuðuað
vísu að berast öllu seinna en undanfarin haust, og nú tókst því miðurekki að
Ijúka uppgjöri á öllum skýrslum, sem borist höfðu fyrir jól. Þrátt fyrir það
var þegar lokið uppgjöri skýrslna fyrir um hundrað þúsund ær frá haustinu.
Augljóst er, að afurðir hafa víða verið með eindæmum miklar haustið 1991.
Margháttuð minniháttar uppgjör fara fram í tengslum við sauðfjárræktar-
starfið, sem ekki verða rakin hér.
Hrútasýningar. Aðalsýningasvæði var á þessu hausti á Suðurlandi. Eg
mætti sem aðaldómari á sýningum hjá Bsb. Kjalarnesþings og á allnokkrum
sýningum í Árnessýslu og nær öllunt sýningum í Vestur-Skaftafellssýslu.
Aðaldómarar á vegum Búnaðarfélags íslands á öðrum sýningunt á Suður-
landi voru Leifur Kr. Jóhannesson og Sigurjón Bláfeld. Gerð verður grein
fyrir sýningunum í heild sinni í Saudfjárrœktinni, en stefnt er að því að geta
gefið það rit út á fyrri hluta ársins 1992.
Ég vann allmikið að kjötskoðun vegna afkvæmarannsókna víða um land
haustið 1991.
Af verkefnum tengdum sauðfjárræktinni skal að síðustu getið um, aö
síðla árs þá var aðeins unnið að undirbúningi að stofnun fagráðs í
sauðfjárrækt. Slíkan vettvang held ég sé mjög brýnt að skapa sauðfjárrækt-
inni nú á hinum miklu tímamótum, sem við blasa í þeirri grein.
Ritstörf, ferðalög, fundir, nefndarstörf o. fl.
Áttundi árgangur Nautgriparcektarinnar kom út á venjubundnum tíma
árið 1991, þ.e. í lok apríl. Ég annaðist eins og áður ritstjórn ritsins og
skrifaði stærstan hluta af efni þess. Að þessu sinni var ritið 210 síður að
stærð. í því er að finna samandregnar niðurstöður úr flestum þeim þáttum,
sem unnið er að í ræktunarstarfinu á hverjum tíma. Það er því mikilsverðasti
miðlari slíkra upplýsinga til bænda á hverjum tíma auk þess að vera
mikilvægasta heimildarrit um framgang starfsins, þegar fram líða stundir.
Aðeins var byrjað að huga að efni í Sauðfjárrœktina, sem koma mun í
minn hlut að koma til útgáfu, en Sigurgeiri Þorgeirssyni tóks ekki að ljúka
61