Búnaðarrit - 01.01.1992, Blaðsíða 69
skoða gróðurfar lands innan vallargirðingar, sem friðað hefur verið síðan
1946, og bera það saman við land utan hennar, sem hefur verið friðað fyrir
beit síðan 1977. Furðu vakti, hve friðunin hefur haft lítil áhrif, og raunar er
lítill sem enginn munur á gróðurfari þessa friðaða lands og hóflega beitts
lands annars staðar á skaganum. betta staðfesti fyrra álit mitt eftir
skoðunarferð um þetta svæði vegna matsmáls í lok júní 1987.
Víðast hvar á landinu fer ástand beitilanda batnandi nema þar, sem hross
eru of mörg í högum, en þar er um staðbundin vandamál að ræða, sem taka
þarf fastari tökum. Þótt þurrkar ógnuðu gróðri og jarðvegi á stórum
landssvæðum framan af sumri, varð spretta í úthaga með allra besta móti,
enda óvenju hlýtt og sumarið og haustið áfallalaust. Vænleiki dilka reyndist
ágætur. í lok ágúst skoðaði ég býsna sérstæða tilraun í Garðabæ með dr.
Einari Val Ingimundarsyni, umhverfisverkfræðingi, en þar er hann að gera
athuganir á notkun úrgangspappírs, uppleystum í vatni, við uppgræðslu á
gróðursnauðum mel. Fram eru komnar athyglisverðar vísbendingar. í
september sótti ég ráðstefnu í Þýskalandi, sem síðar verður vikið að.
Fundir og ráðstefnur. Að venju var töluvert um fundarsetu auk framan-
greindra nefndarstarfa, m.a. vegna ýmissa fræðslu- og umræðufunda í
sambandi við landnýtingu, umhverfismál og sauðfjárrækt. Sem oftast áður
sat ég Ráðunautafund Búnaðarfélags íslands og Rannsóknastofnunar
landbúnaðarins og fylgdist með umræðum á Búnaðarþingi eftir föngum.
Þar mætti ég á nokkrum nefndarfundum til skrafs og ráðagerða og
aðstoðaði allsherjarnefnd þingsins. Snemma í febrúar flutti ég erindi í
Rótarýklúbbi Kópavogs um gróðurvernd og landnýtingu, en í lok þess
mánaðar sat ég fund að Úlfljótsvatni í Grafningi um skipulagsmál í sveitum
umhverfis Þingvallavatn. í byrjun mars flutti ég erindi hjá Vísindafélagi
Hvanneyrar um beitarmál, og seint í þeim mánuði sótti ég fund hjá Hinu
íslenska náttúrufræðifélagi, í Odda, þar sem gefið var yfirlit um gróður- og
uppgræðslurannsóknir á Blönduheiðum. Um sumarmál flutti ég erindi um
búfjárhald og beitarmál á námskeiði fyrir gróðurverndarnefndir, sem
haldið var á Hvanneyri í Borgarfirði (sjá ritskrá) og um hrossabeit hjá
Hestamannafélaginu Dreyra í Æðarodda við Akranes. í maí sat égfund hjá
Landsvirkjun um uppgræðslu á Blönduheiðum og mætti á rabbfundi um
búfjárhaid og umhverfismál hjá starfsfólki Húsdýragarðsins í Laugardal.
Seint í þeim mánuöi var ég á blaðamannafundi um hrossabeit, sem
hestamenn og fleiri efndu til í Glaöheimum, félagsheimili Hestamannafé-
lagsins Gusts í Kópavogi. í lok júní fór ég í stutta kynnisferð með Stefáni
Skaftasyni, ráðunaut hjá Búnaðarsambandi Suður-Þingeyinga, í Húsavík-
urland, Reykjahverfi og Aðaldal, um ieið og ég mætti á fund í Ýdölum í
Aðaldal um fyrirhugaða girðingu á mörkum við Kelduneshrepp. Um þetta
leyti var mér boðið að mæta á fundi hreppsráðs Ölfushrepps í Þorlákshöfn
til að ræða um lausagöngu og vörslu búfjár í Ölfusi, og notaði ég þá
67