Búnaðarrit - 01.01.1992, Blaðsíða 74

svæðaráðunautar um landið, eftir verkefnum og möguleikum á hlutastörf-
um. Nú hafa Norðlendingar riðið á vaðið og ráðið Víking Gunnarsson frá
Akureyri, sem áður vann við hrossarækt, ásamt almennu ráðunautastarfi
hjá Búnaðarsambandi Skagfirðinga. Er hann að hluta til (4/12) ráðinn sem
kennari í hrossarækt við Bændaskólann á Hólum og að öðru leyti sem
hrossaræktarráðunautur hjá fimm búnaðarsamböndum á öllu Norðurlandi.
Við fögnum þessum áfanga í hrossaræktinni og bjóðum Víking velkominn
til starfa og væntum mikils af honum í tvíþættu áhrifastarfi.
Þá hefur Jón Finnur Hansson frá Neskaupsstað hætt störfum sem
aðalráðunautur hjá Búnaðarsambandi A.-Skaftafellssýslu og flutt á Suður-
land með ýmis verkefni, en gegnir ráðunautsstörfum í hrossarækt þareystra
áfram (ca. 12% starf). Að öðru leyti er óbreytt með samstarfsmenn okkar
um landið. Breytingum á stóðhestahaldi hrossaræktarsambandanna geri ég
gleggri skil í Hrossaræktinnni. Þó get ég ekki annað en getið þess, að hinn
mikli kynbótahestur Sörli 653 frá Sauðárkróki er fallinn frá 28 vetra (f. ’63).
Er þar með horfinn einn allra áhrifamesti kynbótagæðingur í sögu íslenskr-
ar hrossaræktar fyrr og síðar. Ég sat aðalfundi sambandanna á Suðurlandi
10. apríl og á Vesturlandi 3. maí.
Stofnverndarsjóður, nú undir stjórn Hrossaræktarnefndar, veitti sömu
fyrirgreiðslu og á sl. ári, 20% lán og 20% styrk af kaupverði stóðhestanna
Reyks 85187007 frá Hoftúni, er Sunnlendingar keyptu, og Geysis 86186020
frá Gerðum, er Vestlendingar (40%) og bæði samböndin í Húnavatnssýsl-
um, 20% + 20%, keyptu, en sá, sem fyrir átti, heldur eftir 20% eignarhlut.
Báðir eru þessir folar synir Ófeigs 882 frá Flugumýri, sem heiðursverðlaun
hlaut 1990 og sækir vel á í ræktunarlegu tilliti.
Hrossarœktarsamband íslands hélt aðalfund 9. nóvember í Hornafirði.
Ég var þá erlendis og finnst sem þessi fundur samtakanna vera sá fyrsti, sem
ég hefi ekki komið á frá stofnun þeirra 1971.
Á Hólabúi voru ráðunautar 18. október að mæla og skoða hrossin og
funduðu að kveldi. Slys varð með efnilegasta Ljórasoninn (og Þráar), hann
brotnaði í mjöðm og verður sennilega aldrei taminn, en talinn hæfur til
undaneldis.
Á Kirkjubæ var leitað færis við hrossaskoðun og af ýmsum ástæðum
endaði svo, að hross þar á bæ voru mæld og skoðuð 5. janúar ’92 af okkur
Jóni Vilmundarsyni. Flest folöld eru undan Glúmi Goðasyni. Goði frá
Sauðárkróki er alinn upp í Kirkjubæ og var notaður þar nokkuð í ein þrjú ár.
Hefur hann haft bætandi áhrif á reisingu og jafnvel lendargerð, aftur hefur
fríðleiki fremur dvínað og trúlega fótagerð, þótt verra sé að segja til um það
á ungum hrossum. Alla vega sýnast hófar fara í gamalt horf, verða
Ijósteinóttir og efnisverri en verið hefur um sinn, eftir að áhrifa Þáttar 722
fór að gæta. Sá hestur stórbætti hófagerð stofnsins.
Hjá Skuggafélagsmönnum var aðeins mælt á Syðra-Skörðugili, og var ég
72