Búnaðarrit - 01.01.1992, Blaðsíða 79
staðaflötum og ámótinu sjálfu. Unnið var að dómstörfum eðasýningum í 52
daga. Við Þorkell Bjarnason störfuðum saman við dómstörf við þriðja
mann í 36 daga í forskoðun á Suðurlandi og á þeim héraðssýningum, þar
sem mest var um að vera og flest hross voru dæmd. Þar fyrir utan starfaði ég
að dómum í níu daga, en Þorkell sjö. Einnig skal þess getið, að tvær
formlegar úttektir á tamningahestum voru gerðar á Stóðhestatamninga-
stöðinni á Hólum, og dæmdi ég þar. Úttektir þessar miðast við, að hægt sé
að gefa ráðleggingar um framhaldið fyrir hvern hest, en hér er ekki um
dóma að ræða, sem teknir eru til sameiginlegs uppgjörs. Þá er ógetið um
ýmsar hrossaskoðanir, heimsóknir á tamningastöðvar og skoðun ungfola,
og var ég við slík störf í eina 12 daga, þar af sjö fyrir Stóðhestastöðina. Ég sá
og um kynningu kynbótahrossa á sýningu í Reiðhöllinni í Víðidal í
Reykjavík um eina helgi í apríl.
Það hlýtur að teljast eðlilegt, þar sem um eins vandasamt starf er að ræða
og kynbótadóma hrossa, að hrossaræktarráðunautar Búnaðarfélags íslands
starfi að töluverðu leyti saman í dónmefndum við núverandi aðstæður,
a.m.k. hvað mannahald varðar hjá Búnaðarfélaginu og búnaðarsambönd-
unum o.fl. Auk þess sem sú stefnumótun í dómstörfum, sem nú stendur
yfir, gerir samstarf okkar enn mikilvægara en ella. Á árinu var lögð mikil
vinna í nákvæma yfirferð hinna nýju reglna um dóma á kynbótahrossum, og
haldnir voru átta fundir á starfssvæðum nær allra (búnaðar-) hrossaræktar-
sambanda landsins og með Félagi tamningamanna. Ekki var haldinn fundur
á Vestfjörðum, en þar er lítil hrossarækt stunduð og ekkert skipulegt
félagsstarf í greininni, og í Austur-Húnavatnssýslu var fundur haldinn fyrir
áramót. Ég sat alla fundina og hafði framsögu og stundum við Þorkell báðir.
Einnig voru umræddar reglur um dóma og sýningar á dagskrá beggja funda
Hrossaræktarnefndar á árinu. Á nýbyrjuðu ári mun umræddri skilgreiningu
dómstigans og vinnureglum um dóma og sýningar væntanlega lokið,
skriflega sem verklega, þ.e.a.s. í þeim mæli, sem hægt er að ljúka slíkum
verkum í lifandi starfi sem kynbótum íslenska hestsins.
Dómstörfin á árinu gengu í heild vel, hvort sem urn hina eiginlegu
dómavinnu eða framkvæmd þeirrar stefnu, sem frá hefur verið greint, er að
ræða. Útkoma kynbótasýninganna, hvað dómsniðurstöður varðar, var í
heild sinni góð og sýnir, að hrossastofninn er í framför, þó að enn sé hann of
misleitur og ásetningur hrossa úr hinum lakari hluta of mikill.
Gagnavinnsla og skýrsluhald. í öllum búfjárkynbótum er skýrsluhald
undirstöðuatriði, hvort sem um skráningu undaneldisgripanna sjálfra er að
ræða eða upplýsingar um þá. Á árinu urðu þáttaskil, hvað skýrsluhald í
hrossarækt varðar, en Búnaðarfélag íslands er nú komið með öflugt,
miðlægt gagnavörslukerfi til að skrá, geyma og miðla upplýsingum í
hrossarækt. Kerfið hefur að geyma eins konar þjóðskrá hrossa, og allar
opinberar upplýsingar hrossaræktarinnar verða tengdar því.Þar er annars
77