Búnaðarrit - 01.01.1992, Blaðsíða 111
staðinn og skoðað aðstæður, mælt og myndað. Oll lokahönnun þyrfti ekki
endilega að vera framkvæmd hér hjá BBÍ.
Ferðalög eru nauðsynleg í sambandi við starfið, og reyndum við Magnús
að koma á sem flesta staði, þaðan sem beiðni um verkefni höfðu komið.
Telst mér svo til, að við höfum komið á 90 bæi á árinu að langmestu leyti til
að skoða aðstæður vegna verkefna, mæla og mynda.
Einnig komum við á nokkra staði, eftir að bygging var hafin eða langt
komin. Þennan þátt væri æskilegt að auka bæði til að leiðbeina byggjendum
og einnig til að fylgjast með frágangi og fá hugmyndir um betri hönnun.
Á vegum norrænu ráðherranefndarinnar hefur verið starfandi nefnd til
þess m.a. að samræma hönnunargrundvöll haughúsa, flatgryfja og vot-
heysturna. Gunnar Jónasson, arkitekt hjá Stofnlánadeild landbúnaðarins,
tæknisviði, hefur setið í nefndinni af Islands hálfu. Ég hef fylgst með þessu
starfi (setið einn fund 1990) og verið G.S. til aðstoðar við verkfræðilega
þætti. Samþykktar hafa verið (Danmörk ekki með) nýjar reglur, sem eru
mun strangari en éghefi áður notað, einkum á þetta við umflatgryfjur. Ekki
tel ég, að þetta hafi verulegan kostnaðarauka í för meðsérfyrir byggjendur,
sérstaklega þar sem gera má ráð fyrir, að bygging á flatgryfjum verði lítil á
næstunni.
Það styrkir mann ístarfi að fylgjast með svona verkefni, þar sem fjallað er
sérstaklega um landbúnaðarbyggingar, en þær skera sig úr að nokkru leyti,
m.a. hvað varðar öryggiskröfur. Fáir íslenskir tæknimenn hafa reynslu í
þessum efnum, svo að hér á landi er lítinn stuðning að fá, hvað landbúnað-
arbyggingar varðar.
BBI fékk afnot af svokölluðum deiliblöðum, sem BL lét gera á sínum
tíma. Þar er gerð grein fyrir ýmsum þáttum, sem hafa almennt gildi í
sambandi við byggingar. Nokkur slík deilibiöð voru gerð á vegum BBÍ árið
1991. Undirritaður hefur tekið þátt í þessu starfi einkum blaði, sem fjallar
um steinsteypu. Þarna er mikið verkefni óunnið, bæði um endurskoðun á
blöðum, sem þegar eru fyrir hendi, og gerð nýrra deiliblaða.
Á sínum tíma sá ég um burðarþolshönnun í Stóðhestastöð ríkisins í
Gunnarsholti, að mestu áður en ég kom hingað til BBÍ. Nú liggur fyrir að
byggja fljótlega reiðskemmu (eða hlöðu) við hesthúsið. Fyrir liggur tilboð
um límtrésskemmu frá Límtré h/f Flúðum. Éggerði samanburð á því tilboði
og stálgrindaskemmu. Slík vinna er tímafrek, á varla heima í verkefnaskrá
eins og þeirri hér að framan. Sama er að segja um undirbúning að byggingu
fjárhúss að Hesti í Borgarfirði, en þar gerði ég tillöguteikningu og sat einn
fund í undirbúningsnefndinni.
109