Búnaðarrit - 01.01.1992, Blaðsíða 148

Búnaðarþing 1992
Samkvæmt kvaðningu stjórnar Búnaðarfélags íslands, dags. 16. des.
1991, kom Búnaðarþing saman til fundar í Bændahöllinni í Reykjavík,
mánudaginn 2. marz 1992 kl. 10:00.
Forseti þingsins, Jón Helgason, bauð Vigdísi Finnbogadóttur, forseta
íslands, Halldór Blöndal, landbúnaðarráðherra, búnaðarþingsfulltrúa og
aðra gesti velkomna til setningarfundar Búnaðarþings. Meðal margra gesta
var formaöur Kvenfélagasambands íslands, Stefanía María Pétursdóttir, og
nokkrir alþingismenn.
Því næst minntist forseti þriggja fyrrverandi búnaðarþingsmanna, er
látizt höfðu, síðan síðasta Búnaðarþing var haldið, og mælti á þessa leið:
Gunnar Guðbjartsson. Hann fæddist 6. júní 1917 að Hjarðarfelli í
Hnappadalssýslu, sonur hjónanna Guðbröndu Þorbjargar Guðbrandsdótt-
ur og Guðbjarts Kristjánssonar, bónda þar. Gunnar var sjötti í röð átta
barna þeirra hjóna.
Hann ólst upp í foreldrahúsum og vandist ungur öllum bústörfum. Hann
stundaði nám á Laugarvatni og var búfræðingur frá Hvanneyri. Gunnar hóf
búskap 1942 að Hjarðarfelli og bjó þar í 40 ár, fyrst með föður sínum, síðan
með eigin búrekstur og síðast í félagi við tvo syni sína. í tíð hans var jörðin
Hjarðarfell, sem er ein af stærstu jörðum á Snæfellsnesi, stórkostlega
endurbætt, bæði að ræktun og húsum.
Ungur að aldri hreifst Gunnar af anda ungmennafélagshreyfingarinnar
og tók þátt í störfum hennar og var um skeið formaður Héraðssambands
ungmennafélaga í Snæfells- og Hnappadalssýslu. Hann var mikill félags-
málamaður og lét þar að sér kveða, enda tillögugóður, glöggur og harðdug-
legur.
Hann var formaður Búnaðarfélags Miklaholtshrepps, í stjórn Búnaðar-
sambands Dala og Snæfellsness og síðar formaður Bsb. Snæfellinga frá
1968-1982, formaður fjárskiptafélags Snæfellsness- og Hnappadalssýslu,
formaður Sauðfjárræktarfélags Miklaholtshrepps 1961-1978. Sýslunefnd-
armaður var hann í rúma þrjá áratugi.
Hann var formaður byggingarnefndar Laugagerðisskóla og aðalfor-
göngumaður þess, að sá skóli var reistur. Hann sat um tíma í skólanefnd
þess skóla, og formaður fræðsluráðs Vesturlandskjördæmis var hann
1974-1978.
146