Búnaðarrit - 01.01.1992, Blaðsíða 197
sem eru starfandi í greininni, samanber 9. gr. búfjárræktarlaga nr. 84
frá 1989 og 5. gr. reglugerðar við þau lög.
2. Reksturinn verði í höndum hlutafélags þeirra, sem í hlut eiga.
3. Eigendur þeirra hesta, sem sæði er tekið úr, eigi sæðið, greiði fyrir
sæðistökuna og geymslu þess, en hirði söluhagnað.
Mál nr. 24
Erindi stjórnar Búnaðarfélags íslands um könnun á hentugustu og örugg-
ustu aðferðum við merkingu hrossa.
Málið afgreitt með eftirfarandi ályktum, sem samþykkt var með 19
samhljóða atkvæðum:
Búnaðarþing minnir á, að ákvæði um notkun frostmerkinga eru í
nýlegum reglugerðum. Athygli er vakin á mjög hraðfara tækniþróun vegna
notkunar örmerkinga hjá búfé.
Búnaðarþing beinir því til ráðunauta Búnaðarfélags íslands að fylgjast
vel með þróun þessara mála og móta tillögur um notkun þessara merkja.
Athygli er vakin á, að þessi merkingaraðferð mun henta fyrir allt búfé.
Mál nr. 25
Erindi stjórnar Búnaðarfélags íslands um blóðflokkagreiningu kynbóta-
hrossa.
Málið afgreitt með eftirfarandi ályktun, sem samþykkt var með 20 sam-
hljóða atkvæðum:
Búnaðarþing lítur svo á, að full þörf sé á, að ættfærsla íslenzkra hrossa sé
sannreynd með blóðflokkagreiningu og hvetur hrossaræktarsamböndin til
að ganga á undan í þessu máli með því að láta blóðflokkagreina undaneldis-
hesta sína og foreldra þeirra.
í framhaldi af því væntir Búnaðarþing þess, að aðrir eigendur kynbóta-
hrossa láti blóðflokkagreina sín hross.
Búnaðarþing telur það einboðið, að Búnaðarfélag íslands sjái um
skráningu á niðurstöðum og haldi utan um þær.
Búnaðarþing álítur, að ekki sé hagkvæmt, m.a. vegna tækniþróunar, að
aðstöðu vegna blóðflokkagreiningar verði komið upp hérlendis eins og
sakir standa, en hvetur til, að sameiginlegt útboð greininganna verði gert og
leitað tilboða erlendis frá.
195