Heilbrigðismál - 01.09.1970, Blaðsíða 11

Er ósœmilegt að reykja
í viðurvist annara?
Einu SiNNi þótti það gott og gilt að menn
hræktu í allar áttir, á gólfin heima hjá sér og
öðrum og hvar sem þeir voru staddir. Loks
kom að því að þetta þótti ekki lengur hafandi.
Forystumenn heilbrigðismálanna fordæmdu
þessar aðfarir og bentu á þá miklu sýkingar-
hættu, sem væri því samfara, auk sóðaskapar-
ins. Almenningsálitið snerist smátt og smátt
á sveif með þessum mönnum. Hrákadallar
komu til sögunnar og nú urðu allir að nota
þá. Sú skoðun varð seinna ríkjandi, að þeir
væru ófögnuður, sem ætti að hverfa og al-
menningsálitið snerist einnig gegn þeim. Þar
með voru þeir úr sögunni. Almenningsálitið
er voldugt afl, sem erfitt er að standa gegn,
en það er breytilegt eftir tímunum, sem lifað
er á. Nú er kominn tími til að það breytist
gagnvart reykingum og að því þarf allt að
stefna. Reykingamenn anda ekki reyknum
frá sér inn í neina geyma, heldur púa þeir
honum framan í allt og alla. Fólk þyrfti að
geta fallizt á, að það sé ósæmilegt að reykja
þar sem annað fólk er viðstatt og sérstaklega
í viðurvist ókunnugra. Það ætti vitanlega eng-
inn að leyfa sér að eyðileggja andrúmsloftið
fyrir öðrum; það samræmist tæpast góðum
þjóðarvenjum. Og þegar nú hefur sannazt að
dvöl fólks í reykfylltum vistarverum, þó það
reyki ekki sjálft, veldur oft alvarlegum sjúk-
dómum, sem fara jafnan versnandi hjá þeim,
sem þeir einu sinni hafa náð tökum á, er eng-
um blöðum um það að fletta að slíkt má ekki
viðgangast. Það er nógu langt gengið að fólk
eyðileggi sína eigin heilsu, vitandi vits og
FRÉTTABRÉF UM HEILBRIGÐISMÁL
af fullum ásetningi, þó því leyfist ekki einnig
að fara eins með annað fólk, sem ekkert
hefur til saka unnið. Almenningsálitið er
aflið, sem getur hindrað þetta. Sú stund hlýt-
ur að nálgast, að það komi til liðs við þann
málstað, sem berst fyrir að firra fólk þeim
ógnum, sem af sígarettureykingum stafa.
Spjöld sem stendur á: „Bannað að hrækja á
gólfið" eru úr sögunni; þau eru ekki lengur
nauðsynleg. Spjöld með áletruninni: „Reyk-
ingar bannaðar" munu einnig hverfa, vegna
þess að almenningsálitið hlýtur að koma til
hjálpar, svo að þeirra gerist ekki heldur þörf.
Bj. Bj. þýddi
11