Heilbrigðismál - 01.09.1970, Blaðsíða 20
Innflúenza d heimilum
Hiti, höfuðverkur, beinverkir, hósti
með stíflum í nefi, sviði í hálsi og fyrir
brjósti, og þegar hitinn fellur, þreytutilfinn-
ing og stundum þunglyndi. Allt eru þetta
fylgifiskar inflúenzu. Ýmsar leiðir eru til að
draga úr þessum einkennum með nærgætinni
heimahjúkrun.
Hiti.
Sjúklingar með inflúenzu fá alltaf háan
hita, iðulega 39-40 stig, sérstaklega fyrstu 2
sólarhringana. Hitinn fellur oft á 3. degi, en
meðan á honum stendur, fær sjúklingurinn
oft kölduköst; húðin ýmist brennandi heit
eða böðuð í svita. Sjúklingar með hita verða
að liggja í rúminu. Hitinn og vökvatapið
veldur því að munnurinn verður þurr, tung-
an sár, þvagið dökkt með sterkri salmíaks-
lykt; oft fylgir hægðaleysi. Vegna alls þessa
verður sjúklingurinn að fá mikinn vökva,
alit að 2—21/2 1. af vatni á dag, sem ávaxta-
safa eða í öðrum drykkjum, til að draga úr
óþægindum. Hægt er að draga úr sárindun-
um í munninum með því að skola hann með
þunnum sítrónusafa eða natrónvatni (sóda-
duft), 1 tsk. í Vz 1. af vatni. Hitann má lækka
með asperíni, codifeni eða öðrum álíka töfl-
um, sem draga jafnframt úr verkjunum. Það
getur reynzt nauðsynlegt að taka 1-2 töflur
á 3. til 4. tíma fresti. Mjög háan hita má
alltaf lækka með því að lauga allan líkamann
upp úr svölu en ekki sárköldu vatni, og skipta
jafnframt um nærföt. Öldruðu fólki og börn-
um hættir til að fá óráð með háum hita. Það
fer þó af þeim um leið og hitinn lækkar, en
sé líkaminn laugaður úr svölu vatni og kald-
ur klútur lagður á ennið, flýtir það fyrir
lækkun hitans.
Höfuðverkir — beinverkir.
Inflúenzunni fylgja verkir í höfði, augum,
útlimum, baki og koma alls staðar samtímis,
oft um leið og smitun á sér stað; og þeir eru
merki þess að rúmlega er nauðsynleg, því hiti
fylgir fljótt á eftir. Lyfin, sem nefnd hafa
verið, má taka eftir þörfum á 3. til 4. tíma
fresti, því venjulegir skammtar duga ekki
lengur til að draga úr óþægindunum. Ekki er
vert að taka verkjatöflur á tóman maga.
Drekkið því með þeim glas af vatni, mjólk
eða öðrum svaladrykk. Áfengi hefur ekkert
gildi við inflúenzu, getur jafnvel aukið höf-
uðverkinn og óþægindin af hitanum.
Hósti og stíflur í öndunarfcerum.
Þurr og ertandi hósti og þrautir í brjóst-
inu, sem eru algeng fyrirbæri með inflúenzu,
má milda með hóstasaft eða kvefmixtúru, sér-
staklega þegar mikill og ertandi hósti truflar
nætursvefninn, sem er svo nauðsynlegur fyrir
batann. Þessi lyf á að taka eftir þörfum, til
að mýkja hóstann. Oft er gott að setja
skammtinn í Vl bolla af heitu vatni og dreypa
hægt á. Þetta gefur oft góða fró. Heitir drykk-
ir draga úr hósta. Öldruðu fólki hættir alltaf
til að fá fyrir brjóstið, og öndunin verður þá
léttari ef bætt er 1 til 2 koddum undir höf-
uðið og herðarnar. Stundum er nauðsynlegt
að hækka sjúklinginn upp í hálfsitjandi stell-
FRÉTTABRÉF UM HEILBRIGÐISMÁL
20