Heilbrigðismál - 01.09.1981, Blaðsíða 6

Blóðsýnum til mœlinga á ónœmis-
ástandi var safnað um allt land.
Myndin var tekin á heilsugæslustöð-
inni í Kópavogi þegar herferðin stóð
sem hœst.
hver þeirra sem mótefni höfðu vissi
til að hafa sýkst, og tíundi hluti
þeirra sem töldu sig hafa fengið
sjúkdóminn reyndist ekki hafa
mótefni. í niðurstöðum rannsókn-
arinnar var getum að því leitt að í
faraldrinum 1963—64 hafi fjöldi
sjúklinga verið nálægt 40 þúsund
eða sjö sinnum fleiri en skráð tilfelli
sögðu til um.
VERÐANDI MÆÐUR. Mæl-
ingar á mótefnum gegn rauðum
hundum urðu reglubundinn þáttur
í mæðraeftirliti hérlendis árið 1975.
Bólusetningar hófust ári síðar.
SKÓLABÖRN. Haustið 1976
var ákveðið að hefja bólusetningu
gegn rauðum hundum hjá stúlkum
í 12 ára bekkjum skólanna í
Reykjavík. Við rannsókn sem gerð
var á stúlkum fæddum 1964
reyndust 53% neikvæðar við mót-
efnamælingu og voru flestar þeirra
bólusettar. Af þeim fékk tæpur
fjórðungur einhver einkenni auka-
verkana, en engar alvarlegar eða
síðbúnar aukaverkanir komu fram.
Um 94% þeirra sem bólusettar voru
höfðu mótefni í verndandi magni
eftir eitt ár. Síðar náðu þessar að-
gerðir til landsins alls.
SÍÐASTI FARALDUR. Á
miðju ári 1978 hófst faraldur
rauðra hunda. Um líkt leyti hafði
landlæknisembættið í samráði við
rannsóknastofu í veirufræði og
borgarlæknisembættið ákveðið að
hefja allsherjarátak meðal
kvenna á barneignaaldri. Um
haustið fékkst loforð fjárveitinga-
nefndar fyrir fé til verksins en
vegna faraldursins varð að ráði að
fresta aðgerðum. Þess í stað voru
ófrískar konur hvattar til að láta
mæla rauðuhundamótefni sem
allra fyrst á meðgöngu. Tóku konur
tilmælunum mjög vel. Á einu ári
(meðan faraldurinn gekk) voru
niæld 14709 sýni frá 5126 ófrískum
konum. Sýndu 114 kvennanna
marktæka hækkun rauðuhunda-
mótefna einhvern tímann á með-
göngu. Nú, tveimur árum síðar,
hefur verið kannað heilsufar barna
þeirra mæðra sem sýndu marktæka
mótefnahækkun á 12. til 20. viku
meðgöngu og fæddu. Einnig var
athugað hve rnörg börn hafa
greinst með meðfæddar rauðu-
hundaskemmdir eftir faraldurinn,
og hafa einungis tvö slík börn
fundist (samanborið við 37 í líkum
faraldri fimmtán árum áður). Aug-
Ijóst er að aðgerðir þær sem gripið
var til í faraldrinum 1978—79 báru
mjög mikinn árangur. „Ánægju-
legast var að geta fullvissað þær
konur sem höfðu nægilegt mótefni
um að ástæðulaust væri að kvíða
fyrir því að barnið fæddist van-
heilt,“ sagði Margrét Guðnadóttir,
sem stjórnaði rannsókninni.
FÓSTUREYÐINGAR. Vegna
faraldursins 1963 — 64 voru veitt
leyfi fyrir 91 fóstureyðingu, 28 voru
framkvæmdar vegna faraldursins
1972—74 en þær urðu alls 104 í
rauðuhundafaraldrinunt sem gekk
1978-79.
ALLSHERJARÁTAK. Síðla
vors 1979, undir lok faraldursins,
var hafist handa um fyrirhugað
Blóðsýnum er ná safnað í skólum og
/>au síðan athuguð á Rannsóknastofu
í veirufræði.
6 Fréttabréf um HEILBRIGÐISMÁL 3/1981