Heilbrigðismál - 01.06.1984, Blaðsíða 5
gögnum varðandi sögu læknisfræðinnar á íslandi og má
með nokkrum rétti kalla vígsluhátíð Nesstofusafns.
í tilefni þeirrar sýningar var stofnaður sjóður til
heiðurs Agli Snorrason, af Poul M. Assens lyfjafræðingi
og forstjóra í Kaupmannahöfn. í fyrstu grein skipulags-
skrár sjóðsins segir svo: „Undertegnede cand. pharm.
Poul M. Assens tildeler herved Islandsk Medicinhistor-
isk Selskap en donation i form af árlig gæsteforelæsning
med titelen: Egill Snorrason Forelœsningen 19 Dette
sker i anledning af indvielsen af Islands Medicinhistor-
iske Museum for at hedre min mangeárige ven profess-
or, dr. med. & phil. Egill Snorrason og med det formál
at fremme samarbejdet indenfor den nordiske medicin-
historiske forskning og formidlingen af denne.“
Ofangreindir fyrirlestrar skulu fluttir árlega í Reykja-
vík af fyrirlesara frá einhverju hinna Norðurlandanna.
Kostar sjóðurinn ferð þeirra fram og til baka og þriggja
daga dvöl í Reykjavík.
Þegar hafa þrír Egill Snorrason fyrirlestrar verið flutt-
ir. Fyrsta fyrirlesturinn flutti dr. med. Eyvind Bastholm
frá Kaupmannahöfn þann 27. maí 1982 og ræddi um
René Laennec og upphaf nota hlustunarpípunnar í Dan-
mörku fyrir tvö hundruð árum. Næsti fyrirlesari, árið
1983, var prófessor Wolfram Kock frá Stokkhólmi, aðal-
ritstjóri Nordisk Medicinhistorisk Ársbok. Nefndist
fyrirlestur hans „Banbrytande studieresor av svenska
1800-tals lákare." Síðasti fyrirlesturinn var fluttur þann
7. júní síðastliðinn. Fyrirlesari var þá prófessor Louis
Perret frá Helsingfors sem fjallaði um þætti úr sögu
hjartadrepsins (infarctus myocardii).
I sambandi við áminnst Norðurlandaþing um sögu
læknisfræðinnar var útbúið félagsmerki það, sem fylgir
þessari grein. Stefán Jónsson arkitekt teiknaði merkið,
en táknið í því er tekið eftir titilblaðsmynd á rímtali
Þórðar biskups Þorlákssonar, Skálholti 1692, en frumút-
gáfa þess var prentuð á Hólum 1671 og var án mynda.
Síðasti kafli rímsins fjallar um lækningar og er hið fyrsta
sem prentað var um það efni á íslandi.
Að síðustu skal þess getið að bæjarstjórn Seltjarnar-
nesskaupstaðar hefir lagt uppbyggingu Nesstofu og Nes-
stofusafns umtalsvert lið sem ber að þakka. Einnig hefir
bæjarstjórnin sýnt minningu Bjarna Pálssonar verð-
skuldaða virðingu með því að reisa bautasteina við Nes-
stofu í tilefni af 200. ártíð Bjarna Pálssonar, 8. septem-
ber 1979.
Landlæknissetur var í Nesi við Seltjöm frá 1763 til 1834 og eina lyijabúð
á landinu fram til 1819. Nú er verið að endurbyggja Nesstofu sem er eitt
af elstu steinhúsum á landinu. Árið 1979 var minnismerkið við Nesstofu
reist og er steininn á myndinni til hægri hluti af þvi.
HEILBRIGÐISMAL 2/1984 5