Heilbrigðismál - 01.06.1986, Blaðsíða 13

HE/LBRIGÐISMÁL / Jóhannes Long
Besta vömin er heilbrigður lífsstíll
Avarp Ragnhildar Helgadóttur
heilhrigðis- og tryggingamálaráðherra
Um allan hinn vestræna heim er
nú vaxandi áhugi á heilbrigðu lífi
og hollum lífsháttum. Fólk gerir sér
í meiri mæli en áður grein fyrir
nauðsyn heilsuverndar. Á liðnum
árum og áratugum hefur áhersla í
heilbrigðismálum einkum verið
lögð á að lækna þá sem þegar eru
orðnir sjúkir. í þeim efnum hafa
orðið stórstígar framfarir. Hlutfalls-
lega litlu fjármagni hefur verið var-
ið til að koma í veg fyrir sjúkdóma
og slys. Aðstæður okkar til að ná
árangri í þeim efnum eru þó sér-
stakar vegna fólksfæðar og góðs
Margir synda daglega og nota einnig
tækifærið til að hitta vini og kunningja
í heitu pottunum. Þessi mynd var tekin
í vor þegar sundlaugin í Laugardal í
Reykjavík var opnuð á ný eftir breyt-
ingar.
eftirlits. Til dæmis hefur árangur
okkar í baráttunni gegn krabba-
meini og reykingum vakið athygli á
alþjóðavettvangi.
Ríkisstjórn íslands hefur nýverið
samþykkt tillögu heilbrigðis- og
tryggingamálaráðherra um að gerð
verði landsáætlun í heilbrigðismál-
um með hliðsjón af stefnu Alþjóða-
heilbrigðismálastofnunarinnar sem
nefnd er „Heilbrigði allra árið
2000". Þessi íslenska áætlun á að
miða að því að stórauka varnir
gegn sjúkdómum og slysum ásamt
örorku og ótímabærum dauðsföll-
um af þeirra völdum.
Mörg brýn verkefni blasa nú við
okkur íslendingum á sviði heil-
brigðismála. Fyrst má nefna vax-
andi fjölda aldraðra, sem búa verð-
ur undir gott heilsufar í ellinni.
Ennfremur er rétt að nefna þá
hættu sem ungu fólki sérstaklega
stafar af neyslu áfengis- og fíkni-
efna.
Kjörorð alþjóðaheilbrigðisdags-
ins í ár er „Heilbrigt Iíf - hagur
allra". Skírskotað er til einstaklinga
ekki síður en heildarinnar. Efnt er
til baráttu fyrir því að menn byggi
upp eigin heilsu með hollum lífs-
háttum. Ástæða er til að við verjum
stundarkomi til að leita svara við
spurningunni um hvort við getum
sjálf gert lífsvenjur okkar hollari og
í hverju það sé fólgið.
I sókninni til betra heilsufars er
vörnin besta vopnið og besta vöm-
in er heilbrigður Iífsstíll. I þeirri
sókn sigrar hver sá, sem tekst að
auka hollustu í lífsvenjum sínum.
Með því sýnum við þakklæti fyrir
þá heilsu sem við höfum og vottum
virðingu því mikla starfi sem unnið
er til að lækna sjúka og bæta líðan
þeirra.
HEILBRIGÐISMÁL 2/1986 13