Alþýðumaðurinn - 12.04.1983, Blaðsíða 8

Útgefandi: Alþýðuflokksfélag Akureyrar.
ALÞÝÐUMAÐURINN
—Á söluskrá:----------------------------
Tveggja herbergja íbúðir:
Tjarnarlundur: önnur hæð einstaklingsíbúð.
Smárahlíð: önnur hæð, íbúð í sérflokki.
Strandgata: Jarðhæð, ódýr íbúð.
Þriggja herbergja íbúðir:
Skarðshlíð: Fyrsta hæð.
Gránufélagsgata: Önnur hæð, skipti á dýrara.
Furulundur: 50 fm íbúð í 2ja hæða raðhúsi.
Víðilundur: Fyrsta hæð.
Fjögurra herbergja íbúðir:
Oddeyrargata: Neðri hæð, ásamt hluta af kjallara.
Akurgerði: Raðhúsaíbúð með bílskúr, laus strax.
Borgarsíða: Fyrirhuguð bygging á einbýlishúsi í
sumar, ástand við afh. samkomulags. Teikningar á
skrifstofunni.
Álfabyggð: Stórt einbýlishús. Skipti á minna hús-
næði.
Simsvari tekur við skilaboðum
allan sólarhringinn.
Fasteignasalan hf opið frá
Gránufélagsgötu 4,
efri hæð, sími 21878
kl. 5-7 e.h.
Hreinn Pálsson, lögfræðingur
Guðmundur Jóhannsson, viðskiptafræðingur
Hermann R. Jónsson, sölumaður
AKUREYRARBÆR
Viðtalstímar
bæjarfulltrúa
Miðvikudaginn 13. apríl kl. 20-22 verða bæjarfull-
trúarnir Freyr Ófeigsson og Valgerður Bjarnadóttir
til viðtals í fundastofu bæjarráðs, Geislagötu 9, 2.
hæð.
Bæjarstjóri.
AKUREYRARBÆR
Byggingalánasjóður Akureyrar
Lánsumsóknir
Auglýst er eftir umsóknum um lán úr Bygg-
ingalánasjóði Akureyrar. Samkvæmt reglu-
gerð sjóðsins er megintilgangur hans að
veita lán til kaupa, viðhalds og endurbóta á
gömlum húsum á Akureyri. Að jafnaði skal
ekki lána til yngri húsa en 35 ára.
Skilyrði fyrir lánveitingu eru:
a) Að lánbeiðandi hafi verið búsettur í
bænum síðastliðin þrjú ár.
b) Að uppdráttur að íbúð eða húsi hans
hafi verið samþykktur af bygginga-
nefnd.
c) Að lánbeiðandi geti veðsett viðkom-
andi eign fyrir láninu.
d) Að fyrir liggi umsögn byggingafull-
trúa um ástand hússins.
Sé um að ræða umsókn til viðhalds eða endurbóta
á gömlu húsi skal umsækjandi gera grein fyrir 1)
að hvaða endurbótum skal vinna, 2) hver áætlaður
kostnaður við endurbæturnar er og 3) hve langan
tíma áætlað er að endurbæturnar taki. Þegar
endurbótum á fasteigninni er lokið skal lántaki til-
kynna um það til byggingafulltrúa.
Lán úr sjóðnum eru verðtryggð en bæjarráð
ákveður lánsupphæð og lánskjör að öðru leyti.
Umsóknareyðublöð fást á bæjarskrifstofunni og
skal skila umsóknum þangað fyrir 1. maí.
Akureyri, 11. apríl 1983.
Bæjarstjóri.
Aðrir valkostir
Fæðingarhríðir núverandi ríkis-
stjórnar voru sem kunnugt er
bæði langar og strangar og svo
virðist einnig ætla að verða um
fjörbrot hennar sem hófust í raun
í ágústmánuði síðastliðnum þegar
sett voru hin margfrægu, eða eig-
um við að segja illræmdu bráða-
birgðaiög. Nú í dag á hún líf sitt
fyrst og fremst að þakka miskunn-
semi Sjálfstæðisflokksins guðföð-
ur síns, sem á útmánuðum sá til
þess að greyið fengi að tóra eitt-
hvað fram á vordaga, þó hann
hefði aðeins stuttu áður marglýst
því yfir að hún væri óbermi hið
mesta sem aldrei skyldi þrífast.
Hér skal ekki farið út í það að
tíunda afreksverk þessarar
stjórnar, en vísað til afbragðs
heimildar þar um sem er neyðar-
áætlun Alþýðubandalagsins sem
birt var nú í vetur. Taka verður
hana trúanlega í flestum greinum
þó svo ekki sé hún unnin á Mogg-
anum eins og ætla mætti heldur
bent á það að til eru aðrir valkost-
ir en þeir sem á oddinn hafa verið
settir í tíð núverandi ríkisstjórnar
og raunar þeirra ríkisstjórna sem
setið hafa hinn síðasta áratug sem
ýmsum hefur verið kenndur við
Framsókn. Nefna má skynsam-
lega auðlindanýtingu í stað hinnar
skefjalausu rányrkju til lands og
sjávar. Raunverulega byggða-
stefnu, byggða á álætlunum sem
markaðar eru af Alþingi en fram-
kvæmdar af ríki, landshlutum og
sveitarfélaögum í stað útdeiling-
arbákns þess sem Framkæmda-
stofnun nefnist og helst hefur af-
rekað það í byggðamálum að
byggja glæsihöll eina í Reykjavík
ásamt tilheyrandi eldhúsi sem
tæpast á sinn líka á landi hér. Og í
stað núverandi vísitölukerfis þarf
að koma einhvers konar afkomu-
trygging, þannig að kaupmáttur
lágtekjufólks verði varinn án þess
að það hafi í för með sér óðaverð-
bólgu sem fyrr eða síðar hlýtur að
leiða til kollsteypu. Vísitölufrum-
varp það sem Framsókn hugðist
knýja fram með fulltingi íhaldsins
var auðvitað gagnslaust með öllu,
enda höfnuðu jafnvel allaballar
því og kalla þeir þó ekki allt
ömmu sína þegar um kjaraskerð-
ingar er að ræða. Það bjóðast
vissulega betri leiðir en neyðar-
áætlanir, niðurtalning lífskjara
eða íslenska leiðin hans Alberts,
fengin beint úr kokkabókum
þeirra Friedmans og Hayeks og
þegar hefur verið reynd í Bret-
landi og Bandaríkjunum með ár-
angri sem allir þekkja.
Viðhorf:
Veiðar í gruggugu vatni
Fyrir sérhverjar Alþingiskosning-
ar er ávallt nokkur hópur óánægðra.
kjósenda. Þetta fólk skellir allri
skuld óánægju sinnar á flokkana
og talsmenn þeirra á Álþingi eða í
ríkisstjórn hvers tíma. Það er erf-
itt að áætla hve þessi hópur fólks
er stór fyrir hverjar kosningar, en
ýmislegt bendir til þess að hann sé
í þetta sinn með stærra móti og
kemur þar margt til svo sem erfið-
leikar í efnahagsmálum, óða-
verðbólga með tilheyrandi niður-
talningu lífskjara og almenn
vantrú fólks á það að stjórnmála-
menn yfir höfuð geti ráðið við
ástandið í kjölfar einhverrar
dæmalausustu óstjórnar frá stofn-
un lýðveldisins. Eins og svo oft
undir slíkum kringumstæðum
taka að heyrast raddir sem heimta
hinn sterka mann fram á sjónar-
sviðið. Þetta gerðist í Þýskalandi í
kringum 1930 og í Frakklandi
1958 og í bæði skiptin fengu þjóð-
irnar sterka manninn sinn ogl
hver er kominn til með að segja að
slíkt geti ekki einnig gerst á ís-
landi.
Upp úr þessum jarðvegi er
sprottið fyrirbrigði nokkuð sem
nefnir sig Bandalag jafnaðar-
manna. Aðstandendur þess hafa
vafalítið talið með réttu eða
röngu að óvenju mikið líf væri að
þessu sinni að finna í hinum
gruggugri hlutum kosningavatns-
ins og að hugsanlega mætti ef til
vill fá þar einn og einn fisk. Ýmis-
legt nýtilegt má að sönnu í stefnu-
skrá bandalags þessa finna svo
sem aukinn aðskiinað löggjafar-
valds og framkvæmdavalds og
aukna ábyrgð aðila vinnumarkað-
arins á gerðum samningum, en
bæði er að í þessum tillögum er
gengið of langt og þar að auki
eru þær alls ekkert frumlegar því
ýmislegt úr þeim er tekið upp úr
stefnuskrá Álþýðuyflokksins en
auðvitað stílfært taisvert líkt og
Iag sem svo rækilega er útsett að
erfitt er að þekkja hina uppruna-
legu laglínu. Þegar allt kemur til
alls eru það svo íhaldsöflin sem
fyrst og síðast græða á öllu þessu.
Það hlýtur að vera öllum jafnaðar-
mönnum harmsefni að þeir sem
að þessu bandalagi standa skuli
ekki hafa viljað halda samtökum
sínum innan vébanda Alþýðu-
flokksins þar sem þau hefðu án
efa getað gert mikið gagn. Ljóst
er að Bandalag jafnaðarmanna
muni ekki ná að koma að þing-
manni hér á Norðurlandi eystra
en hins vegar gætu atkvæði greidd
því orðið til þess að þingmenn
kjördæmisins skiptust jafnt milli
íhaldsflokkanna tveggja. Þetta
ættu þeir jafnaðarmenn og íhalds-
andstæðingar sem hyggjast kjósa
Bandalagið að hafa í huga er þeir
ganga í kjörklefann.
Alþjóðamál:
Kúreki í stjörnustríði
Einn er sá skuggi sem yfir mann-
kyninu grúfir og er öðrum skugg-
um stærri, skuggi hins geigvæn-
lega vígbúnaðarkapphlaups.
Meðan stórveldin sitja á kjafta-
þingum sínum í Genf og Madrid
keppast þau við það að henda
ómældum fjárfúlgum í að full-
komna drápstól sín, svo þau geti
útrýmt öllu lífi á jörðinni sem
oftast.
Fram til þessa er það sennilega
einmitt vitneskja um algera tor-
tímingu sem hefur haldið stór-
veldunum frá því að hella sér út í
allsherjarstyrjöld þó svo þau hafi
öðru hvoru verið að reyna með
sér á ýmsum stöðum á jarðar-
kringlunni, svo sem í Miðaustur-
löndum Afganistanog Afríku. En
nú virðist breyting vera í uppsigl-
ingu. Nýlega flutti Ronald Reagan
Bandaríkjaforseti ræðu, þar sem
hann boðaði í raun fráhvarf frá
ógnarjafnvæginu. Svo sem kunn-
ugt er var Reagan hér í eina tíð
nokkuð vinsæll leikari og Iék
meðal annars talsvert í kúreka-
myndum eða vestrum eins og
þessar myndir eru kallaðar. Flest-
ar þóttu þessar myndir nú í slök-
um gæðaflokki, en sjálfsagt hafa
einhverjir skemmt sér við að
horfa á þær. En nú er forsetinn og
kúrekaleikarinn fyrrverandi bú-
inn að snúa sér að vísindaævintýr-
um sem hann lætur þó ekki sér
nægja að framleiða á hvíta tjald-
inu, heldur vill hann framkalia
þau í veruleikanum. í áðurnefn-
dri ræðu boðaði hann smíði kerfis
sem miðaði að því að eyðileggja
kjarnorkuflaugar óvinarins með
geislum sem skotið skal frá gervi-
hnöttum. Lét hann í það skína að
með tilkomu slíks kerfis yrðu
kjarnorkuvopn úrelt.
Nú hlýtur það að verða öllu
mannkyni mikið fagnaðarefni,
eða svo mætti ætla, ef tekst að
gera kjarnorkuvopn óskaðleg
áður en þeim er skotið. Svo mun
þó ekki vera með þetta kerfi að
öllu leyti. Þannig gagnar það ekk-
ert gegn litlum, svokölluðum
„taktískum" kjarnorkuvopnum,
og kynni því tilkoma þess að auka
til muna hættuna á staðbundnum
kjarnorkustyrjöldum svo og styrj-
öldum háðum með efnavopnum
og sýklavopnum sem vitað er að
geta gert svipaðan usla og kjarn-
orkuvopn. En uppsetning þessa
stjörnustríðsbúnaðar mun víst
kosta dálaglegan skilding, og fyrst
Bandaríkjamenn hyggjast fara út
í það að koma honum upp, er það
auðvitað öruggt að Rússar munu
fylgja í kjölfarið, ef þeir eru þá
ekki þegar byrjaðir, sem þó verð-
ur að telja harla ólíklegt meðan
herstjórn þeirra er upptekin við
það að murka lífið úr vopnlausri
hirðingjaþjóð í Afganistan austur
og bakka upp hallærisdáta í
Varsjá, sem ekki telja sig hafa
annað þarfara að gera en reka
styrjöld gegn eigin þjóð, þar sem
vannæring forheimskun og tára-
gas eru meðal vopna. Til að kosta
slík vopn eru ávallt til peningar.
Til slíkra þarfa hefur þá sjaldan
skort.