Alþýðumaðurinn - 13.03.1985, Blaðsíða 8
ALÞÝÐUMAÐURINN
Útgefandi: Alþýðuflokksfélag Akureyrar
Arnljótur Sigurjónsson:
Húsavíkurpistill
Atvinnuhorfur á
Húsavík
Margar blikur eru a lofti í at-
vinnumálum hér á Húsavík.
Óvissa um afdrif Kolbeinseyjar-
málsins. Litlar sem engar íbúðar-
byggingar framundan. Fólksfækk-
un á Húsavík í fyrsta skipti um
fjölda ára. Svartsýni manna um
atvinnu og eigin hag.
Kolbeinseyjarmál:
Togarinn Kolbeinsey er undir
hamrinum hjá bæjarfógeta. Ekki
verður séð hvernig þeim málum
lyktar. Við munum, svo sem
fram hefur komið í fjölmiðlum,
gera allt sem hægt er til þess að
halda skipinu á staðnum, enda fæ
ég ekki séð að nokkur sanngjörn
rök finnist fyrir því að ráðstafa
því annað.
Útgerð Kolbeinseyjar gengur
vel. Aflabrögð góðk og öll um-
gengni og viðhald skipsins svo
sem best má verða.
Greidd hafa verið til fjárfest-
ingasjóða 20% af skiptaverði afla
frá því skipið hóf veiðar.
Talið er að um 40% af bolfisk-
afla til Fiskiðjusamlags Húsavík-
ur 1984, hafi komið af Kolbeins-
eyA
Ostjórn í fjármálum þjóðar-
innar og pólitískt kjarkleysi, eru
höfuðástæður þess að fjárhags-
dæmi Kolbeinseyjarer ekki leyst.
Fari svo að við missum skipið,
án þess að nokkuð komi í
staðinn, mun skapast hér neyðar-
ástand í fiskvinnslu og hundruð
manna verða án atvinnu.
Afli Húsavíkurbáta hefur verið
góður það sem af er árinu. Fisk-
veiðar og fiskvinnsla hefur verið
og verður okkar höfuðstoð í sjá-
anlegri framtíð, en ef snúa á vörn
í sókn þarf fleira að koma til. Ég
álít að það sé fyrst og fremst
möguleg uppbygging iðju er
byggist á hitaorku sem hér er
virkjanleg á Húsavík og í næsta
nágrenni.
Ef það tekst - og það verður að
takast - fylgir önnur uppbygging
eftir.
Byggingariðnaður:
Helstu verkefni sem nú er unnið
að eða verður byrjað á, á þessu
ári eru, flugstöðvarbygging,
íþróttahúsið, smáhýsi við Dvalar-
heimilið Hvamm, bygging yfir
bæjarfógetaembættið og lög-
reglu, viðbyggingar hjá Foss h.f.
og mjólkurstöð og fl.
íbúðarhúsabyggingar verða
mjög litlar og nær engar á vegum
einstaklinga.
Hlutur landsbyggðarinnar í
byggingariðnaði hefur hrapað úr
46% árið 1979 í 22% 1983 og enn
sígur á ógæfuhliðina.
Fjármagnið streymir til höfuð-
borgarinnar og fólkið flytur á
eftir.
Á tímabilinu 1. des. 1983 til 1.
des. 1984, fluttu 137 manns frá
Húsavík en 90 manns til bæjar-
ins. Mismunurinn 47 manns eða
sem nemur 2% bæjarbúa.
Gegn þessari öfugþróun verð-
ur að sporna með öllum tiltækum
ráðum.
Húsféiag eldri borgara
í Þingeyjarsýslu:
Gengið hefur verið frá samningi
við Borg hf. um byggingu 7 ein-
býlishúsa á vegum Húsfélags
eldri borgara í Þingeyjarsýslu.
Húsin eru á lóð Dvalarheim-
ilisins Hvamms og í nánu sam-
bandi við það. Ljúka á smíði hús-
anna á árinu og flytja inn í des-
ember.
Þegar hefur verið gengið frá
grunni húsanna. Skipulag við
Dvalarheimiið Hvamm gerir ráð
fyrir 30 íbúðum með svipuðu
fyrirkomulagi og her hefur verið
lýst.
Þessi hús kosta fullbúin um 1.7
millj. kr. hvert. Vistmenn í
Hvammi eru nú 45, en um 80
bíða eftir plássi. Þörfin er því
brýn fyrir áframhaldandi fram-
kvæmdir.
Nýjungar:
Alltaf er verið að kanna nýjar
leiðir í atvinnumálum, bæði á
vegum einstaklinga og fyrirtækja.
Þetta gengur aðeins svo grátlega
hægt.
Fiskiðjusamlagið er með fram-
leiðslu tilbúinna fiskrétta í undir-
búningi Stefnt er að framleiðslu
skyndirétta í neytendaumbúðum.
Er þetta enn eitt skref í fjöl-
brevtniátt, en stutt er síðan F.H.
hóf niðurlagningu síldar í ýmiss
konar kryddsósur.
Þessi framleiðsla er lögð í
Arnljótur Sigurjónsson.
smekklega plastbakka og hefur
hlotið góðar viðtökur neytenda.
Lokaorð:
Hvergi á landinu er atvinnuleysi
nú í janúar eins mikið og á Norð-
urlandi eystra, 4,7%, en var í
sama mánuði í fyrra 2,8%.
Þessu ástandi verður ekki
hrundið á annan hátt en með
markvissri atvinnuuppbyggingu í
kjördæminu.
Fyrsta átakið ætti að vera stórt
fyrirtæki, svo sem álver eða hlið-
stætt fyrirtæki í öðrum iðnaði,
sem byggði á ódýrri orku.
Hlutdeild erlendra fjármagns-
eigenda mætti vera mikið.
Þegar slíkar framkvæmdir fara
af stað, myndast fjárstreymi inn
í kjördæmið og allar aðrar at-
vinnugreinar njóta beint og
óbeint góðs af.
Atvinnuleysi hverfur, kaup-
geta einstaklinga eykst, og sveit-
arfélögin bera meira úr býtum.
Slík fyrirtæki skapa festu í at-
vinnulífi byggðalaganna. Fyrir
því eru ótal dæmi. Við eigum nú
þegar mörg smærri fyrirtæki,
víða um kjördæmið, sem tekið
gætu við fjölda starfsmanna, ef
eftirspurn eykst. En slíkt skeður
ekki með öðru móti en því að
auka aflatekjur inn í kjördæmið
með einu eða öðru móti.
Með réttri stjórnun og sam-
stilltu átaki snúum við vörn í
sókn.
Arnljótur Sigurjónsson.
Leiklistr
Stórkostleg Piaf
Hún fæddist í ræsinu, jafnvel í
bókstaflegri merkinu, og allt sitt
vægast sagt litríka líf átti hún
heima í ræsinu, jafnvel þótt
þetta ræsi væri stundum skreytt
gulli og dýrum steinum, spör-
fugl læstur inni í búri hins misk-
unnarlausa skemmtanaiðnaðar
og eigin sjálfseyðingarhvatar
sem iíklega blundar að ein-
hverju leyti í okkur öllum, en
braust framhjá henni í sinni
öfgafyllstu mynd. Hið villta líf
hennar er síður en svo einsdæmi
í heimi dægurtónlistarinnar.
Frægar hliðstæður eru til dæmis
Janis Joplin og Jimi Hendrix.
Einnig þau lifðu hátt og lifðu
stutt.
Edith Piaf er fyrir löngu orði
goðsögn í Frakklandi. Reyndar
miklu meira en goðsögn. Hún
er orðin hluti af franskri þjóð-
arsál, rétt eins og bagguette-
brauðin og rauðvínið, enda hef-
ur líklega engum listamanni
tekist betur að túlka líf litla
mannsins í Parísarborg, gleði
hans og sorgir, vonir hans og
umfram allt ástir. Textar henn-
ar eru sjálfsagt ekkert sérstakur
skáldskapur, en í meðförum
hennar verða þeir að sannri al-
þýðulist.
Leikrit Pam Gems um Edith
Piaf sem Leikfélag Akureyri
hefur nú tekið til sýningar er
sjálfsagt ekki meðal bestu verka
leikbókmenntanna, samt sem
áður er þessi sýning ein sú eftir-
minnilegasta sem ég minnist
hjá Leikfélaginu. Þar leggst allt
á eitt, stórgóð leikstjórn Sigurð-
ar Pálssonar sem tvímælalaust
lyftir verkinu upp um marga
gæðaflokka, góð tónlistárstjórn
Roars Kvam og ágætar útsetn-
ingar, þótt sumum kunni ef til
vill að finnast notkun raf-
magnshljóðfæra í sýningunni
dálítið ankannaleg. Leikmynd
Guðnýjar Bjarkar Richards
túlkar á meistaralegan hátt hinn
mjög svo fráhrindandi sjarma
Parísar og ljósahönnun Viðars
Garðarssonar er með ágætum.
Það þarf í rauninni ekki að
hafa nema eitt orð um leik
Eddu Þórarinsdóttur í titilhlut-
verkinu. Hann er stórkostlegur.
Það er orðið æði langt síðan
nokkur leikari á sviði hefur náð
þvílíkum heljartökum á manni
og hún gerir. Annað hvort
hrífst maður svo að manni lang-
ar að stökkva upp úr sætinu,
eða þá sekkur niður í dýpstu
hyldýpi örvæntingarinnar, eins
og í hinu átakanlega atriði seint
í sýningunni þegar hún er að
sprauta eitrinu í sig áður en hún
gengur á svið. Söngur Eddu er
einmitt með ágætum, engin
fyrirfram vonlaus tilraun til að
stæla Piaf, en samt skynjar
maður einhvern veginn nærveru
hennar. Textaþýðingar Þórarins
Eldjárns hníga reyndar í sömu
átt. Texta Piaf er nefnilega
varla hægt að þýða, þá er aðeins
hægt að skynja og það hefur
tekist. Aðrar persónur leiksins
þjóna fyrst og fremst þeim til-
gangi að vera eins konar um-
gerð utan um Piaf sjálfa. Sumar
þeirra eru þá hinar litríkustu.
Nefna má í því sambandi Sunnu
Borg sem leikur meistaralega
vinkonu Piaf og „heilbrigðu
skynsemi" vændiskonuna
Toine. Þá vakti athygli mína
leikur Pétur Eggerz í tveim afar
ólíkum hlutverkum þeirra
Angelos og Theos, en hvergi
var leikur slæmur.
Það er sjálfsagt óþarfi að vera
neitt að hvetja fólk til að sjá
þessa frábæru sýningu, hún er
víst þegar búin að slá í gegn eins
og það er kallað. Akureyring-
um skal aðeins bent á það, að
. ólíklegt er að farið verði með
q þessa sýningu til Reykjavíkur,
þannig að menn munu ekki fá
tækifæri til að leita langt yfir
S skammt að þessu sinni. R.A.