Alþýðumaðurinn - 30.04.1985, Blaðsíða 2
Leiðari:
Byggðastofnun
til Akureyrar
Jónsmessa Hólabiskups á vori var mikill hátíðis-
dagur á stjórnarheimili Steingríms Hermannsson-
ar, fulltrúa Reykjavíkur á Vestfjörðum. Og tilefnið
var ekki af verri endanum. Loksins voru í heiminn
borin afkvæmi þau sem lengi höfðu þráð verið, eftir
langa meðgöngu, allt frá haustdögum. Frumvörpin
um nýskipan byggðamála voru lögð fyrir Alþingi
og mun ætlunin að afgreiða þau með hraði nú á
síðustu dögum þingsins.
Þegar litið er í fljótu bragði yfir hin þrjú byggða-
málafrumvörp, dettur manni ósjálfrátt í hug gömul
og góð danskættuð saga af flíkum ágætum sem
hvert mannsbarn þekkir...
Ekki vantar mikið málskrúð í frumvörpin, en
minna fer fyrir margboðaðri nýsköpun. Þar er
reyndar að finna allar gömlu lummurnar, kommiss-
arakerfið, samkrull áætlana og lánveitinga, mögu-
leika á kjördæmapoti og að sjálfsögðu skal sjálfur
forsætisráðherra hafa æðstu stjórnina á hendi.
í stuttu máli sagt, betlistefna undanfarinna ára-
tuga skal enn í hávegum höfð. Enn skal það verða
hlutskipti landsbyggðarvargsins að koma með
betlistaf sinn í sjötíu og fimm milljóna höllina við
Rauðarárstíginn til að fá aftur smá mola af því fjár-
magni sem hann hefur lagt í þjóðarpúkkið.
Jú, honum verður ef til vill boðið til snæðings í
hinu dýrlega mötuneyti byggðastefnunnar. Það
vekur annars athygli hversu lítinn áhuga Mogginn
hefur sýnt hinum nýju fötum Steingríms keisara.
Ekkert var þar á þau minnst daginn eftir að þau
komu fyrir almenningssjónir.
Þegar farið var að ræða um það að komið yrði á
fót nýrri byggðastofnun í stað hinnar alræmdu
Framkvæmdastofnunar, komu fljótt fram hug-
myndir um að henni yrði valinn slíkur staður á Ak-
ureyri, enda hníga mörg veigamikil rök að því að
slíkt gæti verið þjóðhagslega mjög hagkvæmt.
Enda hefur þessi hugmynd fengið talsverða
hljómgrunn meðal manna úr öllum landshlutum.
Jafnvel einn af þingmönnum Reykvíkinga, vara-
formaður Sjálfstæðisflokksins Friðrik Sophusson
hefur lýst sig fylgjandi hugmyndinni. Varla vilja
þeir Jón Sigurðarson og Valur Arnþórsson telja sig
minni Akureyringa en hann. Því ættu þeir að koma
vitinu fyrir Steingrím og kommissaralið hans, og
beita sér með öðrum landsbyggðarmönnum fyrir
því að Byggðastofnun náist til Akureyrar. Afstaða
Alþýðuflokksins í því máli er skýr og ótvíræð. Á
hinum merka fundi fiokksstjórnar sem haldinn var
á Akureyri þann 16. mars síðastliðinn var sam-
þykkt einróma og mótatkvæðalaust tillaga þess
efnis að hinni nýju stofnun yrði þar valinn staður.
Ber því þingmönnum flokksins skýlaus skylda til
þess að flytja eða fylgja breytingartillögum við
frumvarp Steingríms um þetta efni.
Þó að frumvarpið hafi nú séð dagsins Ijós, þá er
afgreiðsla þess enn eftir. Því er baráttan fyrir nýrri
byggðastofnun á Akureyri, óháðri kommissörum
og kjördæmapoti, rétt að hefjast, og ríður á að allir
þeir sem af einlægni eru fylgjandi raunverulegri
byggðastefnu standi saman.
En Byggðastofnun á Akureyri er bara pínulítið
skref á þeirri óralöngu og grýttu leið sem byggðir
þessa lands verða að feta burt frá betlistefnu og
óráðsíu liðinna ára.
En sé fyrsta skrefið aldrei tekið, verður leiðarlok-
um aldrei náð. R.A.
Karlmaðurinn er aldrei eins
veikur fyrir, og þegar konan
segir honum hve sterkur hann
sé.
☆ ★ ☆
Speki mannsins er aðeins vatn í
samanburði við það sem konur
geta fundið upp á. Hjá konunni
er sjálfur vanmátturinn mátt-
ugur.
☆ ★ ☆
Þú álasar konuna um ótryggð og
að hún fari frá einum manni til
annars, veistu að hún er aðeins
að leita að trygglyndum manni.
☆ ★ ☆
Klók kona elur mann sinn upp
áður en hún giftist honum. Því
að á eftir er það of seint.
Fjallið tók jóðsótt!
Það vakti að vonum talsverða at-
hygli nú í vetur þegar Þorsteinn
hinn stólláusi Pálsson kunngerði
þá ákvörðun, að boðað skyldi til
landsfundar Sjálfstæðisflokksins
á vordögum, þvert ofan í venju
undanfarinna ára.
Þjóðin stóð á öndinni. Ætlaði
Sjálfstæðisflokkurinn að senda
burt maddömu þá sem hann í
nærfellt tvö ár hafði sængað með,
og við getið börn mörg, en mis-
vinsæl.
Menn spurðu sjálfa sig að því
hvort komnir væru brestir í hið
mjög svo ástríka hjónaband.
Hinni langþráðu popphátíð er
nú lokið, og það er skemmst frá
því að segja, að þessarar vakn-
ingarsamkomu verður ávallt
minnst sem „lítilla sanda, lítilla
sæva“.
Fjallið tók jóðsótt og afkvæm-
ið varð mús ein sem nefnd var
því hátíðlega nafni Stjórnmála-
ályktun.
Að sönnu, þá hefur mús þessi
klær, en tæpast beittari en það að
grænklædda maddaman mun vart
finna fyrir nema dálitlum kláða af
þeirra völdum.
Einhvern veginn hefur maður
það á tilfinningunni að maður
hafi lesið þessa ályktun áður,
jafnvel oft áður. Það er alltaf tal-
að um að Ieggja niður fram-
kvæmdastofnun, stokka upp í
iandbúnaðarinálunum og gefa út-
varpið frjálst.
Auðvitað, verður ekkert af
þessu framkvæmt í bráð, og
margt af því sennilega aldrei, en
eitthvað verður að segja til að
losna við nöldrið í frjálshyggju-
krökkunum, án þess að styggja
þá grænklæddu um of.
Ellert Schram hittir aldeilis
naglann á höfuðið þegar hann
segir í einni bestu stjórnmála-
grein sem lengi hefur sést í ís-
lensku blaði, að það sé nóg að
frjálshyggju í Sjálfstæðisflokkn-
um, en það fari minna fyrir frjáls-
lyndinu.
Og þarna liggur einmitt hund-
urinn grafinn. Vegna þess að
Sjálfstæðisflokkurinn kýs frjáls-
hyggjuna fremur en frjálslyndið,
er hjónaskilnaður á stjórnar-
heimilinu ekki Iíklegur á næst-
unni, þó til séu þeir sem vilja
ydda músarklærnar sem þrátt fyr-
ir allt eru til staðar svo að undan
þeim svíði að marki, jafnvel svo
að óbærilegt verði.
Grúskari.
Fyrir sælkerann!
Ofnbakaður
fiskur
með osti.
3A til 1 kg fískflök
3A til 1 tesk. salt
I matsk. smjör í mótið (eða
smjörl.)
1 matsk. smjör ofan á
Fiskflökin eru roðflett, saltinu
stráð á og látið bíða um stund.
Eldfast mót er smurt og fiskflökin
lögð þar í.
Smjörið eða smjörlíkið sett í smá-
bitum ofan á.
Mótið er sett í vel heitan ofn ca
250° C og fiskurinn hafður þar, þar
til hann er orðinn ljósbrúnn.
Á meðan er hrært saman: 1 dl
rjóma, V4 til 1 dl mjólk, 2 matsk
brauðmylsna, 3 matsk. rifinn
ostur.
Þessu er hellt varlega yfir fiskinn í
mótinu. Verði sósan of þykk, má
bæta meiri mjólk í mótið. Fiskur-
inn er hafður áfram í ofninum í 20
mín. ca. Borinn beint fram með
soðnum kartöflum og fleira græn-
meti.
Sælkera-
samlokur.
Smyrjið franskbrauðssneiðar (eða
heilhveitibrauð) með sinnepi, þar
ofaná er sett skinkusneið eða
hangikjöt, leggið sneiðamar sam-
an tvær og tvær með osti á milli.
Skerið sneiðarnar horn í hom ef
notað er formbrauð. Þeytið saman
egg, og veltið brauðinu upp úr
egginu og brúnið á pönnu í smjöri
eða smjörlíki. Ekki hafa of mikinn
hita, aðeins svo að sneiðamar hitni
vel í gegn en brúnist ekki um of.
Þetta er sérlega gott með te, kaffi
mjólk eða öli.
Rúgbrauðs-
terta
4 st. egg
200 gr. sykur
125 gr. rúgbrauð (raspað)
1 matsk. kartöfíumjöl
60 gr. hveiti
11/2 tsk. lyftiduft
Eggjarauðurnar em þeyttar með
sykrinum. Þurrefnunum blandað
saman við ásamt röspuðu rúg-
brauðinu.
Eggjahvítumar em stífþeyttar og
bætt út í síðast.
Bakað í tveim tertuformum í 10-
15 mín. við 200°C.
Fylling: 1-2 bananar, 3 stk. rifin
epli, safi úr Yi sítrónu, 50 gr rifið
súkkulaði, 2 dl þeyttur rjómi.
Þetta er sett í milli botnanna.
Skreyting: 3 dl þeyttur rjómi og
súkkulaði plötur ofan á.
Maðurinn klagar yfir léttúð
konunnar, ef hún er aftur á móti
of stillt, verður hann leiður á
henni.
☆ ★ ☆
Það er ekkert til sem heitir
hættulegar konur, aftur á móti
eru til áhrifagjarnir karlmenn.
☆ ★ ☆
Þögn er konum gefin, til þess að
þær geti betur látið í Ijós
skoðanir sínar.
☆ ★ ☆
Að gifta sig táknar að helminga
réttindi sín og tvöfalda skuld-
bindingar sínar.
☆ ★ ☆
Það er eins með hjónabandið og
bókmenntirnar, listin er lipur
yfirferð.
Kristnesspítali
Eftirtaldar stöður eru
lausar tíl umsóknar:
Hjúkrunardeildarstjóri
Staöan veitist frá 1. júní n.k. eöa síðar eftir
samkomulagi.
Upplýsingar gefur hjúkrunarforstjóri í síma
31100.
Yfirsjúkraþjálfi
Staöan veitist frá 1. júlí n.k. eöa síðar eftir
samkomulagi.
Upplýsingar gefur framkvæmdastjóri í síma
31100.
Hjúkrunarfræðingar
til sumarafleysinga og í framtíöarstörf.
Upplýsingar gefur hjúkrunarforstjóri í síma
31100.
Barnaheimili og íbúðarhúsnæöi á staðnum.
Kristnesspítall.
2- ALÞÝÐUMAÐURINN