Alþýðumaðurinn - 18.12.1985, Blaðsíða 2
2 - ALÞÝÐUMAÐURINN
Leiðari:
Jól um heimsbyggð
- jól í hug
Senn munu þau bresta á blessuð jólin og bera birtu sína,
kærleika og yl inn í jafnvel hinn dimmasta rann. Enn einu
sinni munum við heyra lesna fegurstu söguna sem sögð
hefur verið, þessa endalausu sögu um sigur Ijóssins yfir
myrkrinu, sigur elskunnar yfir illskunni. Og heimsbyggð-
in hlýðir á. Nóttin helga tengir þjóð við þjóð.
Boðskapur jólanna er nú bráðum orðinn tvö þúsund
ára gamall, en sennilega hefur hann aldrei átt brýnna er-
indi við mannkynið en einmitt í dag, og sennilega hefur
hann aldrei verið nýrri og ferskari en einmitt í dag. Því er
nefnilega þannig varið, að þrátt fyrir alla tölvutæknina,
þá eru enn til allt of margir menn sem halda að það leysi
einhvern vanda að skjóta niður saklaus börn og gamal-
menni, hvort sem það er nú í Suður-Afríku, Afganistan
eða El Salvador. Það er jafnvel drepið í nafni barnsins
frá Betlehem.
En þetta er nú í útlandinu, segja sjálfsagt margir, og
víst er það rétt. Hér á landi eru að sönnu ekki háðar blóð-
ugar styrjaldir, en samt er tæpast hægt að segja að hér
sé allt í sómanum. Tæpast líður sá dagur, að fjölmiðlar
skýri ekki frá fjármálahneyksli eða spillingu af einhverju
tagi. Peningar eru á góðri leið með að verða það vímu-
efni sem mestum vanda veldur á landi hér, og ef til vill
hin eina og sanna undirrót annarra vímuefnavandamála
í þjóðfélaginu. Peningar geta eins og önnur vímuefni á
stundum veitt einhverja stundargleði, jafnvel gert eitt-
hvert gagn, en verða eins og þau að hinum skelfilegasta
bölvaldi ef menn missa á þeim stjórn. Þennan bölvald
getum við séð í öllu sínu veldi í hinni frábæru sýningu
Leikfélags Akureyrar á Jólaævintýri Dickens. Þessi sýn-
ing á alveg sérstakt erindi við okkur í dag, því þó við
drepum ef til vill ekki beinlínis fólk í nafni barnsins frá
Betlehem eins og þeir í útlandinu, þá syngjum við gjarn-
an „Áfram Kristsmenn krossmenn" við athafnir sem ekki
geta beint talist í anda Hans. Og nirfillinn Scrooge er ekki
aðeins á ferð inni á stjórnarfundum gjaldþrota fyrirtækj-
anna. Eitthvað af honum hlýtur að búa í brjóstum þeirra
sem næstum fylltu heila farþegaþotu á leið til Spánar nú
á dögunum í því skyni að skoða fasteignir, á sama tíma
og jafnvel einhverjir af starfsmönnum þeirra fyrirtækja
sem þessir menn eiga sumir hverjir, berjast ef til vill í
bökkum við að halda í tveggja herbergja húskofann sinn,
eða þá að eiga fyrir næstu máltíð. Eitt er næsta víst, að
í hópi þessara fyrrnefndu Spánarfara hefur tæpast verið
nokkur verkamaður frá Hafskip, hvað þá pökkunarstúlka
frá Fiskiðjusamlagi Húsavíkur.
En þó að margt sé bölið í heimi hér, þá vekja samt jólin
alltaf nýja og nýja von, því vissulega er maðurinn inn við
beinið góður, þó að græðgi, valdafíkn og sinnuleysi hafi
oft á tíðum afvegaleitt margan góðan dreng í tímans rás.
Vonandi nær hið flöktandi friðarljos sem við tendrum í
görðunum okkar á komandi aðfangadagskvöld, að lýsa
okkur leiðina að jötunni, svo við megum þar líta í blíð og
saklaus augu barnsins, þessa barns sem í okkur öllum
býr, en sem við eigum því miður oft svo erfitt með að
finna.
Gleðileg jól!
Verktakar í byggingariönaði
Sími (96) 24082 Pósthólf 108 602 Akureyri
Sendum öflutn viðskiptavinum
og veíutmurum okíuir
tuujfteifar jófa- og rtýárskveðjur
með þafikfceti jyrir gott samstaif
á fiðtuun árum.
Fyrir sælkemnn1-
Nú þegar jólabakstrinum er að
mestu lokið og búið að innsigla
kökukassana og laufabrauðið
stendur í stöflum og bíður þess
að fara á jólaborðið, er ágætt að
huga að öðru matarkyns. Pá
megum við ekki gleyma síldinni.
Hér koma nokkrar síldarupp-
skriftir:
Tómatsfld
2’ácII súrmjólk
svolítið salt og pipar
1 msk. saxaður hrár laukur
3 msk. tómatsósa
3-4 marineruð síldarflök.
Saltinu, piparnum, lauknum og
tómatsósunni er hrært út í súr-
mjólkina. Síldin skorin í bita,
sett í skál og sósunni hellt yfir.
Skreytt með laukhringjum og
persille.
Karrýsfld
4 stk. marineruð síldarflök
eða útvötnuð saltsíld
100 g mayonese
2 msk. sýrður rjómi
1 stk. saxaður hrár laukur
karrý og sinnep eftir smekk
2 stk. epli skorin smátt.
Síldin er skorin í bita, sett í skál.
Mayonesið hrært með sýrða
rjómanum, lauknum, eplunum,
karrýinu og sinnepinu. Þessu er
hellt yfir síldina (má gjarnan
hræra síldina saman við líka).
Graslaukur eða annað grænt
klippt yfir.
Sfldarsalat
m/rauðrófum
Mayonesi og rjóma (betri þeytt-
ur) er hrært saman. Út í þetta
brytjaðar sýrðar rauðrófur og
smátt brytjuð epli og ef til vill
söxuð harðsoðin egg. Kryddsíld
skorin í bita. Öllu þessu er hrært
vel saman, gott er að hræra svo-
lítið af rauðrófusafanum út í
mayonesið. í þessa uppskrift er
ekki gefið sérstakt magn, það fer
eftir smekk og þörfum hvers og
eins.
Auðveldur sfldar-
kokkteil fyrir 4
Salatblöð skorin smátt
4 litlar soðnar kartöflur skomar
í hringi
1 stk. saxaður Iaukur
2-3 síldarflök, annað hvort
útvötnuð saltsíld eða kryddsíld
4 hráar eggjarauður, klippt dill
eða púrrulaukur.
Salatblöðunum skipt niður í fjór-
ar litlar skálar eða glös, síðan
kartöflunum, þá saxaða lauknum
og síðast síldarbitunum. Búið til
(með skeið) litla holu í miðjuna
á hverju glasi eða skál og látið
hráu eggjarauðuna þar í. Klippið
síðan graslauk eða persille yfir.
Með þessu er borið rúgbrauð og
smjör.
Gott er að drekka með þessu
gott öl eða pilsner svo ekki sé nú
minnst á ískaldan ákavítissnaps.
Með öllum síldarréttum er seytt
rúgbrauð ómissandi. Hér kemur
uppskrift af rúgbrauði.
Rúgbrauð
15 bollar rúgmjöl
3 bollar hveiti
3 bollar sykur
3 tsk. salt
1151 mjólk
3 barnaskeiðar ger (periuger).
Perlugerið leyst upp í 37° heitu
vatni, þetta deig á að hræra en
ekki hnoða, best er að hræra
þetta með hendinni, því þetta er
dálítið þykkt. Bakað í brauð-
dunki, lokið verður að ganga
utan yfir því brúnir á ílátinu
mega ekki vera innan í. Dunkur-
inn verður að vera það stór að
þegar deigið er komið í sé gott
borð ca. !ó því deigið lyftir sér.
Bakaraofninn settur á rétt liðlega
100°C um leið og brauðið er sett
inn. Bakað í 12-13 tíma, Sumir
baka í mjólkurfernum.
Svona í lokin gott ráð, fyrir þá
sem eru enn að baksa við að
koma hnoðaða kökudeiginu sam-
an sem ekki vill samlagast. Takið
plastúðarann sem þvotturinn er
steinkaður með og úðið aðeins á
deigið. Þá gengur þetta fínt.
Og þegar öllum jólaundirbún-
ingi er lokið, bara beðið eftir
jólahátíðinni, þá er aldeilis ágætt
að setjast meö góðum vinum,
setja plötu á fóninn, fá sér rúg-
brauð og síld og einhverja vöky-
unmeð. Gleðileg jól!