Alþýðumaðurinn - 20.03.1987, Blaðsíða 5

tilegumannalíf
mínum huga er þetta ekki eitthvað
sem mun stöðva Norðlendinga í að
fara suður til náms. Ég held alveg
eins að ungt fólk úr Reykjavík þurfi
að komast í annað umhverfi þegar
það fer í framhaldsnám alveg eins
og þegar námsfólk héðan fer í nám.
Ég tel að allir hafi gott af því að
skipta um umhverfi á þessu mikil-
væga mótunarskeiði þegar farið er
í framhaldsnám. Það er bara nauð-
synlegt fyrir hvern og einn.
Búist er við því að kennsla verði
hér í viðskiptafræði eða jafnvel
hreinni rekstrarhagfræði. Einnig er
rætt um að greinar eins og mat-
vælafræði, hjúkrunarfræði og iðn-
rekstrarfræði verði í boði, en ég
held að stofnunin fari sér hægt af
stað fyrst um sinn, en hefjist af
meira krafti á næsta ári. Annars er
hér starfandi sérstök háskólanefnd
á vegum bæjarins sem hefur samið
merkilegt álit um háskólakennsl-
una hér. Ekki veit ég hve langt til-
lögur nefndarinnar nái fram að
ganga, það er allt í höndum
menntamálaráðuneytisins. Álitið er
í lokafrágangi hér fyrir norðan
þannig að of snemmt er um það að
segja hvernig ráðuneytið tekur því,
en ég trúi ekki öðru en flest gangi í
gegn samkvæmt áætlun.
Útgjöld til heil-
brigðismála of mikil
Er læknaþjónusta góð á Akur-
eyri?
Mín persónulega skoðun er sú að
læknar hér séu alltof margir. Þarfir
fólks fyrir heilbrigðisþjónustu virð-
ast óendanlegar. Þjóðin hefur misst
mikið af sínu besta menntafólki inn
í heilbrigðisþjónustuna og eigum
við mikið af hæfu fólki á þvi sviði.
En margt af þessu hæfa fólki væri
betur komið úti í atvinnulífinu því
atvinnuvegirnir þurfa að skila arði
til að standa undir velferðarþjóðfé-
Iaginu, svo við getum rekið fyrsta
flokks heilbrigðisþjónustu. Kostn-
aður við heilbrigðisþjónustuna hef-
ur stóraukist á síðustu árum og er
alveg að sliga fjárhag bæjarins.
Heilbrigðismálin eru einhver veik-
asti hlekkurinn í fjármálastjórn
þjóðarbúsins. Ég er ekki að kenna
læknagreyjunum hér um, þeir vilja
að sjálfsögðu halda uppi góðri
þjónustu. En þeir eru samt sem áð-
ur miðpunkturinn í þessu kerfi, því
þar sem þeir koma hlaðast alls kon-
ar milliliðir og þjónustuaðilar i
kringum þá, svo sem lyfsalar, gler-
augnasalar, sjúkraþjálfarar o.s.frv.
Og þegar öllum þeim hefur verið
komið upp virðist alltaf vera til nóg
af sjúklingum. Það er ekki eðlilegt
að menn eins og lyfsalar sem setja
einhverjar. pillur í krukkur skuli
vera ríkustu mennirnir í þjóð sem
lifir á sjávarútvegi. Mér reiknast til
að apótekin hér í bænum fái til
samans 30—35 milljónir í sinn hlut
fyrir viðskipti við Sjúkrasamlag
Akureyrar á árinu 1987. Og áætlað
er að lyfakostnaður Sjúkrasamlags-
ins á þessu ári verði rúmlega 6 þús-
und krónur á hvern íbúa bæjarins
og er þá hér aðeins átt við um lyf
sem seld eru gegnum lyfseðla.
Ég álít að besta lækningin sé nóg
hreyfing, hollt mataræði, hætta
Kvennaf undur m
á Akureyri 30. marc
Alþýðuflokkurinn boðar til almenns fundar með
konum (karlar einnig boðnir) í Hótel KEA 30.
mars n.k. klukkan 20,30.
Á fundinn koma:Jöhanna Sigurðardóttir, Lára V.
Júlíusdóttir, Rannveig Guðmundsdóttir, Elín
Alma Arthúrsdóttir og konur á framboðslista
flokksins í Norðurlandskjördæmi eystra.
Þetta erliður í fundaferð kvenna á framboðslist-
um flokksins um landið.
- Á þessum fundi verða einkum tekin fyrir
málefni er snerta konur og jafnréttisbaráttu
þeirra.
-Allireru velkomnirá þennan fund, hvar í flokki
sem þeir standa.
Kvenfélag Alþýðuflokksins á Akureyri.
reykingum og neyta áfengis í hófi.
Bifreiðanotkunin í bænum er orðin
svo gegndarlaus að ég tel hana vera
orðna heilbrigðisvandamál. Fólk
nennir bókstaflega ekki lengur að
ganga milli húsa. Ef tekið væri
meira tillit til þessara atriða mundu
útgjöld til heilbrigðismála stór-
minnka.
Hvernig er félagsleg þjónusta á
öðrum sviðum, t.d. dagheimili. Er
hún líka peningafrek?
Nei, þar lítur dæmið allt öðruvísi
út. Fjárveiting til dagvistunarmála
hjá okkur á þessu ári verður 12 mill-
jónir og svarar það til byggingar á
hálfu dagheimili. Ekki hefur verið
ákveðið hvaða leið verður farin, en
búist er við að byrjað verði á nýrri
byggingu eða þá að eldra húsnæði
verði keypt eða jafnvel leigt. Hér er
margra mánaða bið eftir dagheimil-
isplássum þannig að þessi hluti
bæjarfélagsins á erfitt uppdráttar
þessa stundina þó svo að ástandið
sé ekki eins alvarlegt og í Reykjavík.
Og að lokum. Eru einhverjar nýj-
ungar í gangi hjá Akureyrarbæ í ár?
Eitthvað sem þið viljið leggja
áherslu á sem lítið hefur verið gert
af áður?
Það eru þá helst ferðamálin. Hér
ríkir mikill hugur í þeim efnum.
Hingað til hefur bærinn ekki nýtt
sér ýmsa þá möguleika sem ferða-
mannaþjónusta gefur í tekjuöflun
og atvinnu. Það þarf að fjárfesta
meira í þessum hlutum, bæði af
hálfu bæjarins og einstaklinga. At-
vinnugrein sem þessi gefur oft mikl-
ar tekjur og ég tel að Akureyrarbær
standi ekki nægilega vel varðandi
ferðamannaþjónustuna enn sem
komið er. Mikil breyting átti sér pó
stað á síðasta ári þegar Hótel KEA
var endurnýjað, þannig að nú í
fyrsta sinn er komið hér í bæ hótel
á alþjóðlegan rnælikvarða sem við
höfum ekki haft áður. En það er
margt annað sem þyrfti að gera.
T.d. nú i sumar vonumst við eftir
mörgum ferðamönnum því við ætl-
um að reyna að halda upp á 125 ára
afmæli kapstaðarins. Sjálft afmæl-
ið verður þann 29. ágúst, en mikið
verður um að vera allt sumarið, þ.e.
atburðir tengdir afmælinu.
Skrifstofuhúsnæði óskast
á Akureyri
Byggðastofnun hyggst ásamt fleiri ríkisstofnunum
koma upp sameiginlegri skrifstofu á Akureyri.
Hér með er auglýst eftir 200-400 fm
skrifstofu til kaups eða leigu í miðbæ
Akureyrar.
Vinsamlegast skrifið eða hringið í Bjarna Einarsson
aðstoðarforstjóra Byggðastofnunar sem veitir allar
nánari upplýsingar.
Snemma í mars munu forsvarsmenn frá stofnununum
skoða það húsnæði sem boðið verður.
Byggðastofnun
RAUÐARARSTlG 25 • SlMI 25133» PÚSTHÓLF 5410 • 125 REYKJAVlK
AKUREYRARBÆR
Rafmagnstækrti-
fræðingur
Rafveita Akureyrar vill ráða rafmagnstæknifræð-
ing í starf tæknifulltrúa (forstöðumanns tækni-
deildar). Laun samkvæmt kjarasamningum Akur-
eyrarbæjar.
Upplýsingar um starfið veitir rafveitustjóri.
RAFVEITA AKUREYRAR