Alþýðumaðurinn - 23.04.1987, Blaðsíða 6
6 - ALÞÝÐUMAÐURINN
Hin sígilda krafa:
Jöfnuður í stað
misréttis
í öllu því moldviðri, sem þyrlað hefur verið upp í
kosningabaráttu síðustu vikna, hefur mörgum
reynst erfitt að greina kjarnann frá hisminu. Nýir
flokkar hafa birt langa loforðalista, og margt af því
sem sagt hefur verið er vart boðlegt vitibornu fólki.
Það er ekki að undra þótt margur sé ráðvilltur og
fordæmi stjórnmálaflokka og stjórnmálamenn fyrir
gaspur og innihaldslaust hjal.
Alþýðuflokkurinn hefur eftir bestu getu haldið
uppi málefnalegri umræðu um mikilvæg þjóðfé-
lagsmál. Hann hefur bent á það misrétti, sem nú
birtist þjóðinni í ýmsum myndum; misrétti á milli
landshluta, misrétti í launum, misrétti í skattamál-
um, misrétti í húsnæðismálum, í málefnum aldr-
aðra og lífeyrisþega, öryrkja og einstæðra for-
eldra og það misrétti, sem nýfrjálshyggjan hefur
skapað á flestum sviðum félagslegrar þjónustu.
En Alþýðuflokkurinn hefur gert meira. Hann hef-
ur bent á leiðir tii úrbóta, ekki aðeins með kröfum
um aukin útgjöld, heldur um nýjar tekjuleiðir. Hann
hefur krafist aðgerða í skattamálum, sem fært geta
ríkissjóði milljarðatekjur, sparnað í ríkisrekstri,
sem einnig getur aflað ríkissjóði umtalsverðra
tekna. Hann hefur hafnað óábyrgri kröfupólitík,
sem ekki kemur með tekjuleiðir á móti.
Það er stundum sagt, að það borgi sig vart að
vera ábyrgur í stjórnmálum. Hinn óábyrgi málflutn-
ingur afli fleiri atkvæða. Það hefur oft sýnt sig að
óraunsæ og yfirborðskennd stjórnmálabaráttagetur
borið árangur, en hann er jafnan skammvinnur. - I
70 ár hefur Alþýðuflokkurinn barist fyrir réttlæti og
jöfnuði. Þessi barátta hefur haft afgerandi áhrif á
íslenskt samfélag og flestir stjórnmálaflokkar orðið
að viðurkenna réttmæti hennar og raunar tekið
mörg af baráttumálum jafnaðarmanna og gert þau
að sínum. Það er vel.
Það sem sameinar jafnaðarmenn til athafna í
stjórnmálum er sameiginlegt lífsviðhorf. Þetta
sameiginlega viðhorf til einstaklingsins og sam-
skipta einstaklinga í þjóðfélaginu köllum við lýð-
ræðislega jafnaðarstefnu. Jafnaðarstefnan er al-
þjóðleg. Hún boðar það, að aðeins með því að út-
rýma misrétti og ójöfnuði eigi mannkyn möguleika
á því að komast af. Með því að gera íslenska þjóð
að einingu í þessari heimsmynd segja jafnaðar-
menn:
íslendingar eru lánsöm þjóð. Þeir búa við frelsi í
góðu landi, þar sem framfarir hafa verið stórstígar
á síðustu áratugum. Þeir eiga meiri möguleika til
betra lífs en flestar þjóðir. En skugga hefur borið á.
Misréttinu hefur ekki verið útrýmt. Kann ástæðan
að vera sú, að svo stór hluti þjóðarinnar hafi efnast
verulega á síðustu árum, að hann láti sig einu
skipta hvernig hinir efnaminni komast af? Sé svo,
eru á ferðinni alvarleg hættumerki.
Jafnaðarmenn hafa varað alvarlega við nýfrjáls-
hyggjunni, sem kennir það að hver sé sjálfum sér
næstur, frumskógarlögmálið um sigur hins sterka
eigi að ríkja, - hver sé sinnar gæfu smiður, án tillits
til þeirra verkfæra, sem hann hefur í höndum til
smíða. Það eru þessi lögmál, sem hafa skapað
meira misrétti á íslandi en nokkur önnur stefna,
sem áhrif hefur haft inn í stjórnkerfið.
Gegn þessum öflum viljum við jafnaðarmenn
ráðast af öllu afli. Við krefjumst þess, að í öllum
stjórnarathöfnum sé þes gætt að hver einstakling-
ur njóti afraksturs heildarinnar. Krafan um jöfnuð
og baráttan gegn misréttinu getur ráðið úrslitum
um afkomu heildarinnar á næstu misserum, og við
hyggjumst fylgja henni eftir í verki. Til þess þurfum
við afl og eftir því leitum við í kosningunum á laug-
ardag. Við skorum á ykkur að vera með, gerast
þátttakendur t þessari baráttu.
Siðleysi Framsóknarflokksins:
Skattpeningar notaðir
til kosningabaráttunnar
Þaö hefur vakiö gífurlega athygli
hve miklu fjármagni Framsóknar-
flokkurinn, t.d. í þessu kjördæmi
hefur eytt í kosningabaráttuna.
Formaður flokksins lýsti því yfir
fyrir skömmu, aö fjárhagsleg
staöa hans væri mjög slæm,
einkum vegna tuga milljóna króna
taps á dagblaðinu NT.
En nú virðist flokkurinn hafa
meiri fjárráð en nokkur annar, og
er Sjálfstæðisflokkurinn þá ekki
undanskilinn. Á Stöð 2 í Reykja-
vík hefur flokkurinn sýnt sjón-
varpsauglýsingar, sem hljóta að
kosta milljónir króna og heilsíðu-
auglýsingar í dagblöðum skipta
tugum ef ekki hundruðum. Aug-
lýsingamagnið í útvarpi er einnig
með ólíkindum.
í þessu kjördæmi hefur flokkur-
inn haldið hverja stórhátíðina á
fætur annarri, og allt er ókeypis;
aðgangur, veitingar og skemmti-
atriði. Bítlavinafélagið hefur kom-
ið félögum sínum til aðstoðar!
Menn spyrja nú: Hvaðan kemur
flokknum þetta fjármagn, t.d. hér
á Norðurlandi eystra? Því verður
hver að svara fyrir sig. Ekki hefur
orðið vart við umtalsverðar her-
ferðir til fjáröflunar.
Ein aðferð flokksins lýsir þó
einhverju mesta pólitíska siðleysi
í samanlagðri stjórnmálasögu
þjóðarinnar. Síðustu daga hefur
öllum bændum á landinu verið
send bók um afkomu landbúnað-
arins 1983-1987, starf og árang-
ur. Á kápusíðu er eftirfarandi
slagorðum slegið upp: „Trygging
í stað óvissu" — „Uppbygging í
stað samdráttar" — „Staðgreiðsla
mjólkur og sauðfjárafurða" -
„Bætt lánakjör landbúnaðarins“ -
„Lækkun framleiðslukostnaðar11 —
„Hærra hlutfall launa“. Síðan eru
birt línurit og stórar fyrirsagnir um
betri afkomu landbúnaðarins og
bókinni lýkur með þessum
orðum: „Með starfinu 1983-1987
hefur verið lagður grundvöllur fyr-
ir landbúnaðinn að byggja á sókn
til framtíðar — með öryggi í stað
óvissu.“ Þetta eru kunn slagorð
úr Tímanum. Flestum hefur þótt
þetta myndarlegur kosningabækl-
ingur Framsóknarflokksins. — En
þeim bregður í brún, þegar þeir
sjá, að útgefandi er landbúnaðar-
ráðuneytið. Ríkisprentsmiðjan
Gutenberg hefur verið látin
prenta.
Hér er á ferðinni svo óskamm-
feilin misnotkun á skattfél borgar-
anna að dæmalaust er. — En það
er annar bæklingur, sem borist
hefur inn á heimili landsmanna
síðustu daga. Hann heitir „Nýtt
lánakerfi — breyttir tímar“. Hann
er litprentaður á besta pappír
með myndum, skreytingum og
súluritum. Mikill hluti þessa bækl-
ings er notaður til að svara þeirri
réttmætu gagnrýni, sem komið
hefur fram á hið nýja húsnæðis-
lánakerfi. En svörin eru í grund-
vallaratriðum röng og til þess
gerð að slá ryki í augu fólks.
Flestum hefur virst þetta vera
hressilegur áróðursbæklingur
Framsóknar til að verja mistök
Alexanders Stefánssonar, félags-
málaráðherra. En aldeilis ekki.
Útgefandi er félagsmálaráðuneyt-
ið. Og bæklingurinn er prentaður
í ísafold, sem er í eigu þekkts
framsóknarmanns. Enn eitt dæm-
ið um siðleysi framsóknarforingj-
anna í kosningabaráttunni. Millj-
ónum króna af skattfé borgar-
anna hefur verið varið til kosn-
ingaáróðurs fyrir Framsókn.
Framsókn hefur hneykslast á
siðleysi Alberts Guðmundssonar.
En hvað er þetta?