Alþýðumaðurinn - 02.12.1987, Blaðsíða 7

Flosi Ólafsson:
Af ástarbréfi
til Sölvínu
Nú er mér öllum lokið. Áfeng-
isvandinn ekki til. Betra að satt
væri og að maður hefði vitað
þetta fyrr. Ja, hvernig hún Sölv-
ína getur komið manni í uppnám
með sálfræðikenningunum sfn-
um ár eftir ár. Maður er ekki upp
á marga fiskana þegar svona tíð-
indi berast. Sálin bara í rúst.
Best ég láti Sölvínu sálgreina
mig, fari í viðtal. Vonandi lendum
við ekki í tilfinningarugli. Ja það
yrði þá bara að hafa það.
Áfengisvandinn er ekki til. Þat
var ok.
Frá blautu barnsbeini hef ég
horft upp á ómælda óhamingju
minna nánustu vina, vanda-
manna og vandlausra út af
áfengi. í hálfa öld hef ég fylgst
með því, hvernig heimili hafa
lagst í rúst út af brennivíni, séð
góðvini mína og samferðamenn
drekka frá sér ráð og rænu,
heilsu og hemingju og endalaust
orðið vitni að því hvernig heilu
frændgarðarnir hrynja og ætt-
bogar kikna af harmi, þegar einn
eða fleiri ástvinir eru að tortíma
sér í brennivíni.
Og nú slær Sölvína því föstu
að áfengisvandi sé ekki til.
Það er margt skrítið í kýr-
hausnum, ég segi það nú bara.
Og ég sem er búinn að vera í
þessu líka sólskinsskapinu í rúm
sex ár og leika við hvern minn
fingur allan tímann.
Það eru sem sagt sex ár síðan
ég ákvað að reyna að láta
brennivín ekki skola mér oní
göturæsið og var ekki seinna
vænna, því ég var sko kominn
vel á flot og flaut að feigðarósi að
því er mér skilst.
Við mér blasti andleg, líkamleg
og félagsleg tortíming og þar að
auki var ég að drepa mig á
brennivíni að dómi lækna.
Þá var það að það flökraði að
mér, í fávisku minni, að ég byggi
við áfengisvanda. Og ég lét
renna af mér.
Bjáninn.
Nú verð ég að kyngja því -
fávís maðurinn, að ég hafi aldrei
búið við neinn áfengisvanda, ein-
faldlega vegna þess að áfengis-
vandi sé ekki til.
Og allt er þetta Sölvínu að
kenna, en hún er sálfræðingur,
meira að segja útlærð, svo ég hlýt
að taka það sem hún segir á
prenti gott og gilt og rúmlega
það.
Mér er innanbrjósts eins og
væri ég Davíð og Batseba frilla
mín, kæmi undir sængina hjá
mér og hvíslaði:
- Davíð, þú drapst aldrei
Golfat, einfaldlega af því að
Golíat var aldrei til. Og Filistear
eru heldur ekki til, ef þig langar til
að vita það.
Og þess vegna segi ég við all-
ar þær milljónir, sem eiga við
áfengisvanda að stríða í dag og
„Það er ekkert til
sem heitir áfengisvandi“
Sölvína Konráðs sálfræðingur
í viðtali við „Nýtt líf“
berjast við brennivínstortíming-
una upp á líf og dauða:
- Takið gleði ykkar. Áfengis-
vandi er ekki til.
Sölvína vegur í tímaritsviðtal-
inu að SÁÁ og AA samtökunum
og ég er svo barnalegur að ég
tek alltaf svolítinn kipp þegar mér
finnst ómaklega vegið að þeim
sem eru með einhverjum hætti
að bjástra við mannrækt.
Svo er ég líka þeirrar skoðunar
að ég eigi líf mitt og lán að veru-
legu leyti SÁÁ og AA samtökun-
um að þakka.
Þess vegna langar mig að
senda Sölvínu lítið lettersbréf,
sem ég að sönnu raunar skulda
henni.
Elsku hjartans Sölvína mín.
Nú eru orðin tvö ár síðan ég
skrifaði þér síðast og það er nú
talsvert langur tími þegar penna-
vinir eiga í hlut. Já og meðan ég
man, þá þakka ég þér bréfið þitt.
Það var bæði fallegt og skemmti-
legt og bar því glöggan vott að
þú ert bæði elskuleg og velmein-
andi mannesja, eins og amma
mín sagði stundum um elskuleg-
ar og velmeinandi manneskjur.
Oft hefur þú nú komið flatt upp
á mig í gegnum tíðina, með
kenningum um aðferðir til að
gæta sálarheillar þeirra sem eru í
brennivíninu.
Ég man hvað mér fannst það
stórkostlegt í Mogganum um árið
þegar sú kenning leit dagsins Ijós
að ráðið til að hætta að drekka
væri ekki að fara í bindindi.
Líklega hef ég, Sölvína mín,
svona okkar á milli sagt, farið í
bindindi þarna um árið af því að
sálfræðingar álitu það ekki ráðið
til að hætta að drekka.
En undrið skeði. Undantekn-
ingin sem sannar regluna. Sölv-
ína! Við það að fara í bindindi
hætti ég að drekka. Ég veit þú
trúir þessu ekki, en þetta er
dagsatt.
Af þessu geturðu séð hvað
hinir ýmsu varíantar sálvísind-
anna eru ótrúlega furðulegir.
En ég er, Sölvína, alveg að
drepast út af því að ég fór band-
vitlaust að þessu öllu.
Ég fór ekki til sálfræðings,
heldur rann af mér eftir vafasöm-
um leiðum SÁÁ og AA- Og nú sé
ég að ég hef vaðið í villu og
svima í rúm sex ár. Ég er sem
sagt búinn að vera mestanpart
edrú allan tímann eftir kolvitlaus-
um leiðum. Ég hefði átt að koma
til þín og fá þig til að sálgreina
mig, svo hægt væri að gera sér
sálfræðilega grein fyrir því hvort
ég væri, þetta sem þú talar um í
greininni í Nýju lífi... hvað var
það nú aftur?... já „fíkinn“
eða „misnotandi“. Ég skil auð-
vitað hvorugt, en í fáfræði minni
gæti ég látið mér detta í hug að
annað væri orsök og hitt afleiðing
og að sjálfur hafi ég ef til vill orðið
misnotandi af því hvað ég var
fíkinn.
í tímaritsgreininni er athygl-
isverð athugasemd, sem varpar
nokkuð skæru Ijósi á hugtökin
„misnotendur" og „fíknir". Þar
segir orðrétt:
- Misnotendur valda meiri
skaða en fíknir vegna þess að
þeir eru fleiri.
Þetta er skarplega athugað og
hefði sjálfsagt engum dottið í hug
nema sálfræðingi.
Og hver hefði annar en þú,
elsku Sölvína mín, getað látið frá
sér fara á prenti annað eins gull-
korn og þetta:
- Hins vegar eru þeir sem
misnota áfengi að sönnu í
meiri áhættu en hinir sem ekki
gera það.
Þá veit maður það.
Mér finnst sárt að þurfa að
hryggja þig með því, kæra Sölv-
ína að það rann ekki af mér í
náðarfaðmi þínum eða einhvers
annars sálfræðings heldur eftir
vafasömum leiðum SÁÁ og AA
samtakanna ásamt fleiri hundruð
vinum mínum og þúsundum, eða
kannski réttara sagt hundruðum
þúsundum annarra, sem fóru
sömu leið frekar en að drekka sig
í hel.
Fyrir mér og mörg þúsund
íslendingum sem þakka guði og
AA fyrir að fá að vera ófullir er
þetta svona frekar einfalt.
Þegar við vöknum á morgnana
hugsum við sem svo:
- Ætli það sé ekki réttast að
vera edrú í dag?
Afskaplega einfalt, ekki satt?
Og ef okkur finnst meira freist-
andi að vera ófullir en fullir, þá
erum við bara ófullir þann dag og
getum varla - eins og ég hef
áður sagt, Sölvína mín, verið
nokkrum til ama, þó að við séum
ekki á hvínandi skallanum og
ölóðir í tíma og ótíma.
Já og okkur hlýtur að fyrirgef-
ast þótt það sé ekki sálfræðingi
að þakka, hvað við erum blá-
skínandi edrú.
Er það ekki?
ALÞÝÐUMAÐURINN - 7
AKUREYRARBÆR
Félagsmálastofnun Akureyrar auglýsir
eftir forstöðumanni
við dagvistina Sunnuhlíð frá 1. febrúar
1988.
Dagvistin er ein deild með 20-25 börnum, fyrirhugað
er að taka hana í notkun í mars 1988.
Skriflegar umsóknir skuli berast til dagvistardeildar,
Eiðsvallagötu 18, fyrir 31. desember 1987.
Ennfremur auglýsum við eftir forstöðu-
mönnum við dagvistirnar Flúði og Síðu-
sel frá 1. janúar 1988.
Umsóknarfrestur er til 10. desember 1987.
Allar nánari upplýsingar veittar í síma 96-24600 alla
virka daga frá kl. 10-12.
Dagvistarfulltrúi.
RARIK
RAFMAGNSVEITUR RÍKISINS
Orðsending
vegna heimtauga 1988
á orkuveitusvæði Rafmagnsveitna ríkisins
Þeir viðskiptavinir RARIK sem hug hafa á kaupum á
stórum heimtaugum eða stækkun núverandi heim-
taugar frá RARIK á árinu 1988, eru eindregið hvattir
til að leggja inn umsóknir sem fyrst.
Nú er verið að undirbúa efniskaup fyrir framkvæmdir
ársins 1988 og því er mikilvægt að umsóknir liggi
fyrir hið fyrsta.
Umsóknareyðublöð og allar frekari upplýsingar eru veittar
á afgreiðslustöðum RARIK, í Reykjavík að Laugavegi 118
og á svæðisskrifstofum og útibúum um land allt.
Rafmagnsveitur ríkisins.
KÝ RARIK
RAFMAGNSVEITUR RÍKISINS
Orðsending
til eigenda sumarbústaða
á orkuveitusvæði Rafmagnsveitna ríkisins
Þeir eigendur sumarhúsa, sem hug hafa á að fá
heimtaug frá RARIK næsta sumar, eru eindregið
hvattir til að leggja inn umsóknir sem fyrst og kynna
sér jafnframt þær reglur sem í gildi eru varðandi
afgreiðslu slíkra heimtauga.
Nú er verið að undirbúa efniskaup fyrir framkvæmdir
ársins 1988 og því er mikilvægt að umsóknir liggi
fyrir hið fyrsta.
Umsóknareyðublöð og allar frekari upplýsingar eru veittar
á afgreiðslustöðum RARIK, í Reykjavík að Laugavegi 118
og á svæðisskrifstofum og útibúum um land allt.
Rafmagnsveitur ríkisins.'