Alþýðumaðurinn - 21.12.1987, Blaðsíða 4

4 - ALÞÝÐUMAÐURINN
Jóla-leiöari:
Gjöfin til okkar
Senn koma jólin. Senn munu klukkurnar hringja
inn þessa langþráðu hátíð sem svo mjög er tengd
friði og kærleika, en í huga margra Islendinga
umfram allt við Ijós, og gerðum reyndar löngu áður
en kristni kom í landið og náði yfirhöndinni í þjóð-
lifinu. Mörgum mun ef að líkum lætur ekki veita af
hvíldinni eftir amstur og eril þessa kapphlaups við
tímann sem svo mjög einkennir síðustu vikurnar
fyrir hátíðarnar, kapphlaup að því marki að gera
jólahátíðina enn glæsilegri en þá fyrri, og því er
víst ekki að neita, enn veglegri en hjá náunganum
í næsta húsi.
Gjafir hafa frá ómunatíð verið ómissandi hluti
jólahaldsins. Kristnir menn tengja gjafasið þennan
gjöfum þeim er vitringarnir þrír úr Austurlöndum
færðu Jesúbarninu, en sannleikurinn er nú sá að
gjafasiðurinn er eldri en kristnin, hann fylgdi einnig
þeirri hátíð er Rómverjar héldu á þessum árstíma
og var fyrirrennari jólanna og það tíðkaðist einnig
að gefa gjafir í tengslum við þá hátíð er norrænir
menn héldu um vetrarsólstöður. En hver svo sem
uppruni gjafasiðarins er nú, og hvað sem um það
má nú segja að farið sé að gefa heilu geislaspilar-
ana eða þá tuttugu þúsund króna sólarlandaferðir í
jólagjöf, þá er þesi siður alltaf skemmtilegur og
blátt áfram ómissandi hluti jólahaldsins. En hafa
mættu menn í huga hið fornkveðna að „sælla er að
gefa en þiggja“. Góð gjöf, þó ekki sé hún endilega
stór í sniðum ber ávallt vott um kærleika og vinar-
þel sem manni finnst svo oft skorta í okkar harða
samfélagi talna og tölvuvæðingar.
Ein er sú gjöf sem komin er til okkar allra á þess-
um jólum. Fyrir fáeinum dögum undirrituðu þeir
fjandvinirnir Reagan og Gorbasjof fyrsta samning-
inn sem gerður hefur verið í sögunni þess efnis að
vopn sem fyrir hendi eru, skuli eyðilögð undir
gagnkvæmu eftirliti. Að sönnu er þetta nú ekki
neitt risaskref í átt til afvopnunar, en altént er það
nú byrjunin. Alla veganna er vafasamt að
mannkyninu, okkur öllum, hafi verið gefin stærri
jólagjöf síðan í Betlehem forðum, þegar það barn
var í heiminn borið sem enga hafði silfurskeiðina í
munninum, við skilyrði sem líklega þættu harla bág
í augum þeirra sem að áætluninni um heilbrigði
handa öllum árið 2000, en barn sem átti eftir að
vaxa upp og verða sá sem meiri áhrif hefur haft á
allan hugsunarhátt mannkynsins en nokkur maður
annar, maður með guðlegt eðli, en þó líklega
mannlegri og mennskari en nokkur maður annar
hefur nokkurn tímann verið. Og hver veit nema ein-
hver snefill af anda hans hafi lagt til leiðtoganna
tveggja þá er þeir færðu mannkyninu þessa stóru
gjöf, þessa gjöf sem við íslendingar getum með
nokkru stolti sagt að við höfum lagt til nokkurn
efnivið í þegar við léðum þeim land okkar. Og von-
andi nær þessi andi að ríkja áfram í samskiptum
þeirra og samskiptum allra manna, því nóga sam-
eiginlega óvini eigum við samt, þó við séum ekki
að berjast innbyrðis.
í þessari von og trú óskar Alþýðumaðurinn les-
endum sínum og landsmönnum öllum gleðilegra
jóla árs og friðar.
Óskum félagsmönnum okkar og
allri alþýðu
gleðilegra jóla
og farsæls nýjárs.
Byggingamannafélagið Árvakur
Hver kaupirjólagjafirnar?
- Smásaga -
Jólin eru hátíð hjartans (sbr. í
dag er glatt í döprum hjörtum),
og í þessum dásamlega undirbún-
ingi jólanna eigum við ekki ein-
ungis að vera glöð, heldur líka
góð hvert við annað. - Samt sem
áður þori ég að veðja tveimur
heimatilbúnum jólasveinum að
jólin gefa tilefni til margs konar
rökræðna hingað og þangað, út
og suður, hjá öllum fjölskyldum
og heimilum.
Fyrsta og mikilvægasta spurn-
ingin er sem sagt, hjá hverjum af
fjölskyldunni á að halda hátíðlegt
aðfangadagskvöld. Á það að vera
hjá foreldrum, tengdaforeldrum,
mágum, mágkonum eða hjá
frænku eða frænda - eða bara
heima? Annars er það mjög
þægilegt að halda jólin annars
staðar og láta aðra liafa fyrir
hlutunum, en hins vegar verða
börnin að muna eftir jólunum á
æskuheimilinu.
Strax í nóvember voru allar
símalínur á milli fjölskyldnanna
rauðglóandi til að áforma jóla-
dagana. Matseðilinn skal vera til-
búinn tímanlega. Á að borða
önd, rjúpur, kalkún, gæs eða
svínasteik?
- Heima hjá mér fengum við
alltaf gæs, segir einn fjölskyldu-
meðlimurinn meðan annar segir
að gæsasteik sé of dýr og reyndar
sé meiri matur í kalkún. - Kal-
kúninn er of þurr, segir gæsaað-
dáandinn, og svona halda þessar
bollaleggingar áfram, enda svo á
stórkostlegri móðgun sem endist
fram á sumar.
Svo eru það jólagjafirnar.
Hvað á að gefa hverjum? Hver
að gera jólainnkaupin?
Eg ætla aðeins að dvelja smá-
stund við þetta síðasta og segja
meðsystrum mínum, sem eins og
ég, þekkja vandamálið nreð eig-
inmennina, sem eru þess fullviss-
ir að eiginkonan leysi ein og sjálf
gjafavandamálið.
- Hvað hefur þú hugsað þér
að gefa foreldrum þínum í jóla-
gjöf? spurði ég lífsförunaut minn
í desember í fyrra og spurningin
var afgreidd með innilegu brosi,
samt var blessaður maðurinn
algjörlega ráðþrota og sagði um
Ieið og hann leit á mig bænaraug-
um:
- Ég hélt að við hefðum
ákveðið, að þú sæir um allar jóla-
gjafirnar, þú ert vön því.
- Er ég vön? Ó, Tarsan dauð-
ur og Jane komin í kvennaher-
búðir, hreytti ég út úr mér og
fannst þetta sniðugt, ég hafði lesið
þetta á klósetthurð í einum af
stórmörkuðunum og mér fannst
tilvalið að „fýra“ þessu einmitt
nú.
Þar að auki sagði ég: - Ég er
uppgefin á að horfa á þig jóla-
stressaðan, heyra þig tala um
jólaat, þegar þú yfir höfuð kemur
ekki nálægt neinu, kaupir engar
jólagjafir og skrifar ekki á eitt
einasta jólakort, hvað þá að þú
sleikir eitt einasta frímerki!
Já, það eru margir, sérstaklega
karlmenn, sem strax í nóvember
líta út sem þeir séu kúfuppgefnir
ef minnst er á jólin.
Einn góður vinur minn sagði
við mig á dögunum, þegar ég
hafði haft þetta á orði:
- Þetta stafar allt af því, að fyr-
ir jólin fáum við svo mikið sam-
viskubit út af öllu sem við ætluð-
um að gera fyrir jólin í fyrra, en
höfum ekki komið í verk.
Annars - þegar ég minnti
manninn minn á gjafirnar til for-
eldra hans, var ég raunar búin að
kaupa allar gjafir og pakka þeim
inn. Því mun árið 1986 tilheyra
sögunni sem árið þegar ég var svo
tímanlega búin með allt. En ég
lét þennan ágæta mann minn
vera í óvissu með þetta í nokkurn
tíma.
Nokkrum dögum eftir þetta
samtal okkar (sem ég skildi
. seinna að hann hafði hugsað mik-
ið um) spurði hann mig rétt si
svona:
- Viltu koma með mér í bæinn
og við skulum líta á jólagjafir?
Nú gat ég ekki þagað lengur og
sagði blátt áfram:
- Heyrðu annars. Þetta með
jólagjafirnar, ég er búin að kaupa
þær allar.
Lífsförunautur minn hækkaði
sig í sætinu þar sem hann sat við
eldhúsborðið og sötraði úr kaffi-
bollanum. Það geislaði af honum
og í gleði sinni yfir að þetta stóra
og mikla áhyggjuefni var leyst,
sagði hann um leið og hann sló út
höndunum á „elegant" máta:
- Farðu nú út og kauptu þér
eitthvað verulega fallegt og fínt,
á minn kostnað auðvitað!
En hrædd er ég um að eftir
þessu síðasta hafi hann átt eftir
að sjá.
Lauslega þýtt: Á.E.
Guðsþjónustur
í Akureyrarprestakallj
um jól og ámrnót
Akureyrarkirkj a:
24. des., aðfangadagur jóla:
Aftansöngur kl. 6 e.h.
Björn Steinar Sólbergsson leikur á orgel-
ið frá kl. 5.30 e.h.
25. des., jóladagur:
Hátíðarguðsþjónusta kl. 2 e.h.
26. des., annar jóladagur:
Barna- og fjölskyldumessa kl. 1.30 e.h.
(ath. breyttan messutíma).
Kór Barnaskóla Akureyrar syngur.
Stjórnandi og organisti: Birgir Helga-
son.
27. des., sunnud. milli jóia og nýárs:
Guðsþjónusta kl. 2 e.h.
31. des., gamlársdagur:
Aftansöngur kl. 6 e.h.
1. jan., nýársdagur:
Hátíðarguðsþjónusta kl. 2 e.h.
3. jan., sunnudagur milli nýárs og þrett-
ánda:
Guðsþjónusta kl. 2 e.h.
Fjórðungssjúkrahúsið:
25. des., jóladagur:
Hátíðarguðsþjónusta kl. 10 f.h.
1. jan., nýársdagur:
Hátíðarguðsþjónusta kl. 5 e.h.
Hjúkrunardeild aldraðra, Sel I:
25. des., jóladagur:
Hátíðarguðsþjónusta kl. 2 e.h.
1. janúar, nýársdagur:
Hátíðarguðsþjónusta kl. 2 e.h.
Dvalarheimilið Hlíð:
24. des., aðfangadagur jóla:
Hátíðarguðsþjónusta kl. 2.
Kór Barnaskóla Akureyrar syngur.
Stjórnandi og organisti: Birgir Helga-
son.
31. des., gamlársdagur:
Aftansöngur kl. 4 e.h.
Minjasafnskirkjan:
26. des., annar jóladagur:
Hátíðarguðsþjónusta kl. 5 e.h.
Glerárkirkja
Aðfangadagur:
Aftansöngur Glerárkirkju kl. 18.00.
Lúðrasveit Akureyrar leikur í hálfa klst. fyr-
ir athöfnina.
Stjórn Atli Guðlaugsson.
Jóladagur:
Hátíðarguðsþjónusta Glerárkirkju kl.
14.00.
Skírnarguðsþjónusta Glerárkirkju kl. 15.30.
Annar jóladagur:
Fjölskylduguðsþjónusta Glerárkirkju kl.
14.00.
Barnakór Lundaskóla syngur undir stjórn
Elínborgar Loftsdóttur.
Sunnudagur milli jóla og nýárs:
Hátíðarguðsþjónusta Miðgarðakirkju í
Grímsey kl. 14.00.
Gamlársdagur:
Aftansöngur Glerárkirkju kl. 18.00.
Nýársdagur:
Hátíðarguðsþjónusta Glerárkirkju kl.
14.00.
Bernharð Haraldsson skólameistari prédik-
ar.
Tvísöngur: Helga Alfreðsdóttir og Eiríkur
Stefánsson.
Kirkjukór Lögmannshlíðar syngur við
athafnir í Glerárkirkju.
Söngstjóri Jóhann Baldvinsson.
Sérstök athygli er vakin á skírnarmessu á
jóladag kl. 15.30 í Glerárkirkju.
Viðtalstími sóknarprests er í Glerárkirkju
þriðjudaga til föstudaga milli kl. 11 og 12,
sími 27575.
Með jóla- og nýársóskum
Pálmi Matthíasson.