Alþýðumaðurinn - 28.04.1988, Blaðsíða 3
ALÞÝÐUMAÐURINN - 3
Váleg tíðindi
Undanfarna daga hafa gerst
váleg tíðindi í stjórnmálum fjær
og nær, öll að kalla má í sömu
vikunni. í Noregi sýnir skoðana-
könnun, að Framfaraflokkurinn,
sem kenndur er við Hagen sé
orðinn næst stærsti flokkur
landsins. En sá flokkur hefir á
sinni stefnuskrá skefjalausa ein-
stakiingshyggju, andfélagsleg
sjónarmið, og þjóðrembing.
Dæmigerður fasistaflokkur.
Sama daginn og Framsókn
þingaði hér á íslandi hlaut flokk-
ur de Pens í Frakklandi stóraukið
fylgi við fyrri hríð forsetakosn-
inganna, en eitt megin stefnumál
hans er kynþáttahatur. Það er
uggvænlegt, að slíkar hreyfingar
skuli allt í einu hafa fengið byr
undir báða vængi, og ekki er
ugglaust um að víðar sé eitthvað
líkt í uppsiglingu.
En hér úti á íslandi gerist það
að Kvennalistinn er orðinn
stærsta stjórnmálaaflið í landinu
eftir skoðanakönnunum. Fjarri
sé það mér að líkja blessuðum
dúfunum okkar á kvennalistanum
við þá herra, Hagen og de Pen.
En eitt er þeim þó öllum sameigin-
legt, það er að þeir eða öllu held-
ur þau baða sig öll í lýðskrumi.
En þar sem þeir Hagen og de Pen
beita fyrir sig hörðu málunum,
berjast blessaðar konurnar okkar
fyrir þeim mjúku, þær eru ekkert
nema mannúðin og mildin. En
allir þessir flokkar segjast muni
kippa öllu í lag sem miður fer. En
þar sem ætla má að þeir fasista-
foringjarnir muni beita nokkrum
harðræðum, fangelsununt, brott-
rekstrum úr landi o.s.frv., þá
ætla blessaðar konurnar að búa
okkur öllum mjúkar dúnsængur,
og bera krásir á borð. Þær
gleyma bara einu, og það eru
þessir smámunir, hvernig eigi að
afla fjár til allra framkvæmd-
anna.
En alvarlegast af öllu í fram-
sókn þessara flokka, sem að vísu
eru harla ólíkir, er það að þeir
fiska allir í sama vatni. Þeir lifa af
vanhyggju og óánægju fólksins,
og vopn þeirra eru ábyrgðarleysi
og fagurgali. Það kostar ekkert
að tala fallega, og því minna, sem
þeir, sem til er talað hugsa
minna. En alltaf kemur að skulda-
dögunum fyrr eða síðar. Og eitt
er víst, þessir flokkar og vel-
gengni þeirra eru merki upp-
lausnar og óreiðu í þjóðfélaginu.
f því er mesta hættan fólgin. xxx
Landsins forni fjandi:
Hafís og háskóli
Sá vetur sem nú er til forvera
sinna genginn inn í eilífðina
kvaddi með mildum látum.
Almættinu þóknaðist að
minna okkur aðeins lítillega á
það hvar á hnettinum við
búum. í sama skyni sendi það
okkur vikapilt einn sem fáum
er auðfúsugestur. Landsins
forni fjandi gerði sig nefnilega
heimakominn við norður-
strendur landsins, bjarndýr var
unnið í Fljótunum og togari frá
Akureyri lenti í háska, nokkuð
sem raunar vekur upp enn og
aftur tilhugsunina um það í
hvflíkum ólestri öll björgun-
armál í landinu eru. Hin blá-
hvíta ógn rétt sýndi á sér
klærnar og ýtti rétt sem
snöggvast við værukærum
skrifstofublókum almanna-
varnanna syðra.
Hafísinn hefur á síðustu árum
verið í huga flestra eins og ein-
hversskonar fjarlægur draumur
eða martröð sem lesa má um í
sögubókum, og sennilega eru
þeir ekki margir sem leitt hafa að
því hugann hvaða afleiðingar það
gæti skapað ef hann legðist að
landinu í öllu sínu veldi. Atburð-
ir síðustu daga hafa þó ýtt við
mörgum, til að mynda þeim sem
lagt hafa í milljóna fjárfesting-
arævintýri í laxeldi við aðstæður
sem ef til vill eru með öllu
ómögulegar með tilliti til sjávar-
hita og ísmyndunar. Fiskeldis-
dæmið er þó aðeins eitt af mörg-
um dæmum um það hversu lítið í
rauninni við vitum, og hversu lít-
ið við höfum rannsakað hafísinn,
eðli hans og ekki hvað síst
afleiðingar.
Innan Veðurstofu íslands er
starfandi svokölluð Hafísdeild
sem unnið hefur hið merkasta
starf undir stjórn hæfra vísinda-
manna á borð við Þór Jakobsson
og Pál Bergþórsson, en þessi
starfsemi, svo góðra gjalda verð
sem hún er, er þó nokkuð tak-
mörkuð, og beinist einkum að
upplýsingamiðlun til skipa og
nokkuð að hafísspám. Um víð-
tækar rannsóknir hafíss, eðli hans
útbreiðslu og afleiðingu er þarna
ekki að ræða að neinu marki.
Við hinn unga Háskóla á
Akureyri eru uppi hugmyndir um
að koma á kennslu í sjávar-
útvegsfræðum, þar á meðal í haf-
fræði, auk kennslu í ýmsum
greinum hagfræði og viðskipta-
fræðilegs eðlis. Þeirri hugmynd
er hér komið á framfæri hvort
ekki mætti koma á fót við
Háskólann á Akureyri einskonar
kennslu-þjónustu og rannsóknar-
stofnun í öllum þeim málum er
vörðuðu hafís á einn eða annan
hátt, og sem tæki yfir megnið af
starfsemi hafísdeildar Veðurstof-
unnar, það mætti jafnvel útfæra
þessa stofnun meira, og láta
starfssvið hennar einnig ná yfir
jöklarannsóknir, og snjóflóða-
fræði. Slík stofnun gæti ef vel
tækist til orðið leiðandi á sínu
sviði, ekki bara á íslandi, heldur í
heiminum, og laðað hingað til
lands fremstu vísindamenn heims
á þessu sviði ekki síst með því að
gangast fyrir ráðstefnum og nám-
skeiðum um hina ýmsu þætti
þessara mála. Allir íslendingar
myndu að sjálfsögðu finna fyrir
efnahagslegum og félagslegum
afleiðingum þess ef hafísinn lægi
um langt skeið úti fyrir Norður-
landi. Engir þó eins og Norðlend-
ingar, og því ætti það að vera
rökrétt að rannsóknir á þessum
forna fjanda færu fram á
Norðurlandi. Slíkar rannsóknir
gætu ekki aðeins komið Akureyri
og Norðurlandi inn á heimskort
vísindanna, heldur gætu þær
einnig stuðlað að því að nafnið
ísland fengi nýja merkingu í aug-
um heimsbyggðarinnar allrar.
R.A.
Fjallið tók jóðsótt
Framsóknarforystan smalaði allri
miðstjórninni til Reykjavíkur um
síðustu helgi. Nú átti að sýna hug
og dug flokksins og ráðherra
hans. Mikið átti að gera, Stein-
grímur ætlaði að geyma vatns-
veitumál Keflvkinga um stund en
sýna alþjóð hvernig ætti að leysa
efnahagsvandann, sýna þjóðinni
að hann einn væri hæfur sem
forsætisráðherra. Þorsteinn væri
enn að læra, og óvíst hvenær því
námi lyki.
Miðstjórnin átti að gera þá
kröfu til samstarfsflokkana að
leysa vandann á tveimur mánuð-
um, að öðrum kosti ætlaði fram-
sókn að slíta stjórnarsamstarfinu,
yfirgefa hina brennandi borg.
Þeir ætluðu ekki að hjálpa til við
slökkvistarfið þó að þeir hafi
kveikt eldana, heldur hrópa bara
eldur, eldur.
Menn gætu haldið að formaður
Framsóknarflokksins væri
umboðsmaður erlendrar bíla-
verksmiðju. Fullyrt er að hann
hafi í raun selt um 6000 bíla með
blaðri sínu um gengisfellinu nú
um áramótin.
Allur vindur fór úr miðstjórn-
inni á fundinum, engin hótun um
stjórnarslit og óskalistinn var eins
og dagskrá síðasta ríkisstjórnar-
fundar, frumleikinn var nú ekki
meiri en það.
Fjallið tók jóðsótt og lítil mús
fæddist.
I.Á.
Sendum starfsfólki okkarsvo og
öörum launþegum
kveöjur í tilefni 7. maí.
Rafmagnsveitur ríkisins
Sendum starfsfólki okkarsvo og
öörum launþegum
kveöjur I. maf.
Hótel KEA
Sendum starfsfólki okkarsvo og
öörum launþegum kveðjur
I. maí.
Kaffibrennsla Akureyrar
Sendum starfsfólki okkarsvo og
öörum launþegum kveöjur
1. maí.
Sláturhús KEA.
KjötiönaöarstöÖ KEA
AKUREYRARBÆR
íbúðir fyrir
kennara
Nú standa yfir ráðningar á kennurum í lausar
stöður við grunnskólana næsta skólaár.
Skólanefnd Akureyrar mun hafa milligöngu um
að útvega nýjum kennurum leiguhúsnæði og leit-
ar því eftir, að þeir sem gætu hugsanlega leigt
2ja-4ra herbergja íbúðir hafi samband við skóla-
fulltrúa bæjarins í síma 21D00.
Hann mun einnig gefa nánari upplýsingar.
Skólanefnd Akureyrar.
---------------------------------------------------------------------------------\
AKUREYRARB/CR
Skólagarðar
Akureyrar
Flokkstjórar óskast til starfa í sumar.
Æskilegt er að umsækjandi hafi náð 20 ára aldri
og hafi reynslu í verkstjórn og ræktun.
Skriflegar umsóknir sendist til starfsmannastjóra
Akureyrarbæjar, Geislagötu 9, 600 Akureyri, eða
til umhverfisdeildar Akureyrarbæjar, pósthólf
881, 602 Akureyri.
Umsóknarfrestur er til 6. maí 1988.
Upplýsingar eru veittar hjá starfsmannastjóra í
síma 21000 eða á skrifstofu umhverfisdeildar í
síma 25600.
Garðyrkjustjóri.