Alþýðumaðurinn - 28.04.1988, Blaðsíða 12
ALÞÝÐUMAÐURINN
Útgefandi: Alþýðuflokksfélag Akureyrar
Blaöstjórn:
Oskar Alfreðsson,
Haraldur Helgason,
Jórunn Sæmundsdottir
Avarp
1. maí nefndar verkalýðsfélaganna á Akureyri
í dag sem svo oft áður minnumst við baráttu for-
vera okkar fyrir mannsæmandi kjörum. Baráttu
sem bæði var hörð og óvæginn og er, þrátt fyrir
sýndarvelmegun okkar nú, langt frá því að vera
lokið.
Með samstilltu átaki hefur okkur tekist að
byggja upp þjóðfélag í átt til jöfnuðar en þann
árangur er nú reynt að eyðileggja. Pað er gert á
markvissan hátt t.d. með því að auka fresli fjár-
magnsins, með því að auka skattheimtu á almenn-
ar neysluvörur, með því að vega að jafnri byggð í
landinu og með því að rífa og tæta í félagslega
öryggisnetið. Við verðum að bregðast hart gegn
öllum árásum. Hverri árás verðum við að hrinda
með margföldu afli til baka.
En hvernig gerum við það? Hvernig eigum við
að koma lífi í stirðnaða limi hreyfingarinnar sem
er margklofin og sundurleit?
Við verðum að breyta skipulagi hennar, þannig
að þeir sem starfa í sömu starfsgreinum verði sam-
einaðir í sérgreinasamböndum og starfi saman að
samningum.
Við verðum að auka miðstýringu hreyfingarinn-
ar til mótvægis við sameinaða stöðu vinnuveit-
enda.
Við verðum að hrista af hreyfingunni ok núver-
andi stjórnmálaflokka og skapa innan hennar
stjórnmálalegt afl til hliðar við hið faglega starf.
Hreyfingin má ekki láta blindast af hagsmunum
einstakra flokka til hægri eða vinstri. Við verðum
að gera þá kröfu til forustumanna okkar að þeir
hafa einungis fagleg og pólitísk markmið samtaka
verkafólks í huga í starfi sínu en ekki skammtíma
flokkshagsmuni.
í ár fögnum við 140 ára afmæli kommúnistaá-
varpsins en það var gefið út í ársbyrjun 1848. í
þessu ávarpi kemur fram, hvort sem mönnum lík-
ar betur eða verr, grundvallarstefna verkalýðs-
hreyfingarinnar. Þetta litla rit gaf svo Ijósa skil-
greiningu á þróun aðuvaldsskipulagsins, að slíkt
hafði ekki sést fyrr, og þar var í fyrsta sinn lýst
með rökum orsökum stéttaskiptingarinnar, og
sýnt fram á nauðsyn stéttabaráttunnar. í ávarpinu
voru verkalýðnum fengin þau fræðilegu vopn, sem
hann þarfnast í hagsmuna- og valdabaráttu sinni.
Þar var í fyrsta sinh sú skoðun sett fram að verka-
lýðurinn verði að taka völdin með byltingu. Við
höfum viðurkennt að leita beri annarra leiða en
byltingar til að ná fram markmiðum okkar en því
er auðvitað ekki að leyna að í einstökum tilvikum
verður að víkja af vegi lýðræðisins.
Lýðræði sem ekki tryggir vinnandi stéttum batn-
andi hag er ekkert lýðræði, heldur hjúpur fyrir
arðrán og kúgun auðvaldsins. Lýðræðið er aðferð
tilað tryggja velferð fólksins, öryggi ogmenningu.
Hvað er framundan í kjarabaráttunni? Svarið er
einfalt en ekki er eins auðvelt að hrinda því í
framkvæmd. Það þýðir ekkert, eins og staðan er í
dag,m að berjast einungis fyrir auknu tímakaupi
ef það verður strax frá okkur tekið. Við verðum
því að huga að eigin skipulagi og þrýsta á stjórn-
völd um aðgerðir m.a. með því að:
setja á verðstöðvun á nauðsynjavörum, lækka
vexti og taka lánskjaravísitöluna úr sambandi.
- setja reglur um starfsemi fjármagnsmarkaðar-
ins og takmarka erlendar lántökur.
- setja lög um lágmarkslaun og lágmarks kaup-
mátt þeirra.
- bæta við þrepum inn í staðgreiðslukerfi skatta
þannig að hátekjumenn greiði sambærilegan skatt
og áður var. Auk þess sem að beita verður skatt-
kerfinu til meiri launajöfnunar en nú er gert.
- bæta núverandi húsnæðiskerfi með öllum ráð-
um sem til eru og gera öllum kleyft að kom sér
þaki yfir höfuðið, með kaupum eða kaupleigu, án
tillits til þjóðfélagsstöðu eða launa.
Ef stjórnvöld eru ekki tilbúin til þessara
aðgerða þá verðum við að vera undir það búinn að
knýja á um nýjar kosningar og nýja stjórn. Þar má
engir.n undan skorast. Engin má láta blindast af
sérhagsmunum einstakra flokka. Skylda félags-
manna hreyfingarinnar jafnt og forustumanna
hennar er að bæta kjörin með þeim ráðum sem eru
nauðsynleg og tiltæk.
Langtímamarkmið okkar eru þau:
- að bæta kjörin þannig að 8 stunda vinria eins-
taklings dugi til framfærslu meðal-fjölskyldu, að
auka atvinnulýðræðið, auka og bæta starfs- ogiðn-
menntun og gera starfsmönnum kleyft að taka
vaxandi þátt í stjórnun fyrirtækjanna.
- að auka vald og mátt ASÍ og annarra heildar-
samtaka launafólks á ákvörðunartöku íþjóðfélag-
inu þannig að aldrei verði vikist undan þeirri
skyldu stjórnvalda á hverjum tíma að leita sam-
þykkis hreyfingarinnar í þeim málum sem mikil-
vægust eru.
- að gera vinnustaðina þannig úrgarði með tilliti
til öryggis og aðbúnaðar að til fyrirmyndar verði.
Því fyrr sem atvinnurekendur gera sér grein fyrír
því að heilbrigt vinnuumhverfi er ein afforsendum
hagsældar vinnustaðanna og fyrítækjanna því
betra.
Við verðum einnig að vinna með þeim öflum
sem stuðla að afvopnun og mannréttindum. Við
verðum jafnt innanlands sem utan að berjast gegn
illmennsku og auðsöfnun fárra. Sameinuð rödd
okkar er voldugt afl, sem blæs burt ánauð og
kúgun. Stöndum því saman - til sigurs.
Sendum starfsfólki okkarsvo og
öðrum launþegum kveöjur
f tilefni i. maí.
Skipaafgreiösla KEA
Sendum starfsfólki okkarsvo og
öörum launþegum kveöjur
I. maí.
Eimskip - Símar 24131-21725
Starfsfólki okkar svo og
öörum launþegum sendum við
kveöjur 1. maf.
Olfusöludeild KEA
1. maí 1988
Hátíðahöld verkalýðsfélaganna
Messa: Klukkan 11.00 verður messað í Akureyrarkirkju í tilefni dagsins.
Prestur verður séra Birgir Snæbjörnsson.
Hátíðarsamkoma í Alþýðuhúsinu kl. 14.00.
1. Hátíðin sett og flutt 1. maí ávarp
verkalýðsfélaganna á Akureyri. For-
maður 1. maí nefndar Ármann
Helgason flytur ávarpið.
2. Eiður Guðmundsson, starfsmaður
Alþýðusambands Norðurlands flyt-
ur ræðu dagsins.
3. Ávarp: Jóna Steinbergsdóttir, for-
maður Félags verslunar- og skrif-
stofufólks á Akureyri.
Inn á milli dagskráratriða verð-
ur skotið skemmtiefni.
Þann 1. maí verða flest stéttarfélög í
Alþýðuhúsinu með opið hús.
Laugardaginn 30. apríl og 1. maí verð-
ur í húsakynnum Einingar sýning Ein-
ingarfélaga á söfnunargripum, hand-
avinnu o.fl.
Sýningin verður opin báða þessa daga
frá kl. 14.00 til kl. 22.00.
Fjölmennið til hátíðahaldanna.
Berið merki dagsins.
1. maí nefnd verkalýðsfélaganna á Akureyri.