Samtíðin - 01.02.1943, Blaðsíða 10

Samtíðin - 01.02.1943, Blaðsíða 10
6 SAMTÍÐIN og lánstraust þjóðarinnar að sínum hluta, svo að á beri. 1 stríðinu frá 1914 til 1918 hækkuðu fasteignir i verði, jafnt jarðir í sveit og hús i kaupstöðum, en ekkert var sú hækkun hjá þeirri gífurlegu hækk- un, sem í þessu stríði hefir orðið á þeim, og þó einkum, á húsum í kaup- stöðum, og þá sérstaklega hér í Reykjavík. Jarðir eru nú ekki mik- ið eftirsóttar. Veldur því fólksleysi til vinnu og hátt kaupgjald í sveit- um. Enn fremur hin geysimikla at- vinna, sem verið hefur. Hins vegar hafa hús, einkum í Reykjavík, hækk- að svo í verði á s. 1. tveimur árum, að ævintýrum er það líkast. Keppzt hefur hver við annan að bjóða upp verð þeirra. Á s. 1. ári voru sum hús hér í bænum seld fimm sinnum, og munu hafa tvöfaldazt í verði á þessu tímabili. Á sama tímabili hefur húsa- leiga aðeins hækkað um 25%. Af þessu hefur skapazt hið geigvænleg- asta ástand. Sum, húsin gefa ekki i leigutekjur nema ca. 5% af þvi verði, sem þau hafa verið keypt fyrir. Sjá því allir, i hvílíkt óefni hér er kom- ið. Margir húseigendur anna ekki að standa straum af þessum húsa- kaupum sínum. Þeir verða því að selja þau eftir stuttan eignartíma, ef það er hægt, meðan eftirspurnin er. En er kreppan kemur, sem hlýtur að koma, fyrr en varir, verður gifur- legt verðhrun fasteigna, og fjöldi manna, sem keypt hefur i verðbólg- unni, missir eignir sinar, verður gjaldþrota og kemst á vonarvöl, eft- ir allt þetta falska fjárbrask og gengi. ÞuRUNN SVEINSDÓTTIR: Vetrarkvöld Drífa þekur dali, dökk er himinlind, nístir norðansvali nakinn fjallatind. Blóma, er sumar seldi, svæfðar eru brár. Á frostrósa felldi freðin blika tár. Hæst á himinboga hrærast stjörnur smá. Norðurljósin loga, Ieiftra til og frá. Hátit í himinveldi heiður máninn skín, yfir kyrru kveldi hvílir helgilín. Svell með geisla glömpum gleðja huga manns. Skin frá loftsins lömpum lýsir nú í dans. Þjóð með fætur fima, er fer um hála tjörn. Út úr skuggum skima skrítin álfabörn. Syngur dátt á svelli söngva þjóðin hraust, óð úr fjalli og felli flytur bergmálsraust. Finnst oss fögur sýnum foldin ísaköld, falin faðmi þínum, fagra vetrarkvöld. LEITIÐ UPPLÝSINGA UM VÁTRYGG- INGAR HJÁ: Nordisk Brandforsikring A/S. Aðalumboð á íslandi Vesturgötu 7. Reykja- vík. Sími 35G9. ~ Pósthólf 1013.

x

Samtíðin

Beinir tenglar

Ef þú vilt tengja á þennan titil, vinsamlegast notaðu þessa tengla:

Tengja á þennan titil: Samtíðin
https://timarit.is/publication/647

Tengja á þetta tölublað:

Tengja á þessa síðu:

Tengja á þessa grein:

Vinsamlegast ekki tengja beint á myndir eða PDF skjöl á Tímarit.is þar sem slíkar slóðir geta breyst án fyrirvara. Notið slóðirnar hér fyrir ofan til að tengja á vefinn.