Samtíðin - 01.05.1943, Blaðsíða 7

SAMTiOIN
Maí 1943_ Nr. 92 10. árg., 4. hefti
ÚTGEFANDI: SIGURÐUR SKÚLASON MAGISTER. UM ÚTGÁFUNA SJÁ BLS. 32.
EYNSLAN hefur sýnt, að þegar líða
tekur að vori og líkami okkar er
orðinn fjörefnasnauður eftir langvarandi
sólarleysi og óhollt vetrarloft, kemur hinn
nijög svo hvimleiði gestur, inflúenzan, oft
hingað og herjar á okkur. Á undanförn-
um útmánuðum hefur þó nokkrum sinn-
um orðið að fyrirskipa samkomubann og
loka skólum hér á landi af þessum ástæð-
um. Heimsstyrjöldin hefur aukið mjög lík-
urnar fyrir því, að við megum innan tíð-
ar búast við magnaðri inflúenzu hér á
landi, sbr. Spænsku veikina, sem sigldi í
kjölfar styrjaldarinnar 1914—18.
I Ameríku er af læknum og vísinda-
mönnum háð hörð barátta gegn þessum
hvimleiða sjúkdómi, sem svo oft reynist
undanfari ýmissa illkynjaðra pesta. Ný-
lega skrifaði amerískur læknir, Myron
Weiss, grein, sem hann nefndi: Stríð
gegn inflúenzu, en undirfyrirsögn
var: Skyldi farsótt þessi ræna
heiminn 20.000.000 mannslíf-
um, næst þegar hún lcemur? —
Samtíðin birtir hér útdrátt úr grein lækn-
isins: Eins og riddarar geysast sjúkdóm-
arnir áfram á stríðstímum, og aðvaranir
um Spænsku veiki nr. 2 eru þegar orðnar
háværar í Ameríku. Menn muna enn þá
fullvel eftir drepsóttinni eftir fyrra stríð-
ið, sem svipti 500.000 Ameríkumenn lífi.
Heilbrigðismálastjórn Bandaríkjanna hef-
ur nú látið fjölda vísindamanna hefjast
handa gegn væntanlegri inflúenzu. I mörg-
um rannsóknarstofum er unnið sleitulaust
að rannsókn á þessum ísmeygilega og
hvimleiða sjúkdómi. Hinni miklu baráttu
læknanna gegn inflúenzunni getur hver
maður lagt liðsinni sitt. Það gera menn
bezt með því að verja sig og heimili sín
sem kostgæfilegast gegn sjúkdómnum. —
Inflúenza gerir fyrst vart við sig á þessa
leið: 1) Menn verða lasnir. 2) Þeir finna
til höfuðþyngsla og beinverkja. 3) Vatn
streymir úr nefjum þeirra. 4) Ýmist er
þeim hrollkalt eða sjóðheitt. 5) Þeir fá
harðan þurrahósta. — Þegar menn finna
til inflúenzunnar, eiga þeir tafarlaust að
leggjast í rúmið. Inflúenzu má þekkja frá
venjulegu kvefi á því, að hún byrjar með
verkjum og stingjum, en kvef með hnerr-
um. Sé um inflúenzu að ræða, er nauð-
synlegt, að læknir vitji sjúklingsins og að
liann njóti góðrar hjúkrunar. Inflúenzan
er venjulega 5 daga í sjúklingnum, en síð-
an er hann um það bil hálfan mánuð að
jafna sig. Varizt að fara of fljótt á fæt-
ur, því að lungnabólgan, fylgifiskur inflú-
enzunnar, liggur í leyni og situr um líf
yðar. Ekki hefur enn tekizt að finna upp
órækt lyf gegn inflúenzu. Það, sem áunn-
izt hefur, er að vernda menn gegn fylgi-
kvillum hennar. Beztu varnirnar gegn in-
flúenzu eru í því fólgnar að forðast að
snúa að fólki, sem er með hósta og hnerra.
Menn eiga að venja sig á að taka köld
steypiböð á morgnana og neyta hollrar og
bætiefnaríkrar fæðu. Auk þess er ágætt
að neyta bætiefna sérstaklega. Inflúenzu-
„virusar“ eða bakteríur hafa fundizt á
undanförnum árum. Enskir vísindamenn
fundu „virus“ A. Síðan fann dr. Thomas
Francis yngri, er nú starfar við Michigan-
háskólann, „virus“ B. Á vegum Rockefel-
lers-stofnunarinnar og í Fíladelfíu er nú
unnið markvisst að því, að finna bóluefni,
er fái verndað menn gegn inflúenzu. Hið
tiltölulega nýja lungnabólgulyf kemur að
miklu gagni í baráttunni, því að eins og
áður er sagt, fylgir lungnabóiga oft in-
flúenzu. Ameríkumenn hafa ásett sér að
verjast komandi inflúenzudrepsótt sem
einn maður. Leikmenn þar í landi munu
auka þá vörn bezt með því að fylgja
framangreindum aðvörunum. Förum að
dæmi þeirra.