Samtíðin - 01.09.1943, Blaðsíða 7

SAMTIÐIN
September 1943 Nr. 95 10. árg., 7. hefti
ÚTGEFANDI: SIGURÐUIt SKÚLASON MAGISTER. UM ÚTGÁFUNA SJÁ BLS. 32.
VT OIÍKRIR ÁHUGASAMIR menn á Akra-
' nesi hófu árið, sem leið, útgáfu blaðs,
sem þeir nefndu „Akranes“. Ritnefnd
blaðsins skipuðu þeir Arnljótur Guðmunds-
son bæjarstjóri, Ólafur B. Bjiirnsson kaup-
maður og Ragnar Ásgeirsson ráðunautur.
Áæílað var, að blaðið kæmi út 10 sinn-
um á ári. Fyrst í stað var blaðið prent-
að í Reykjavík, með því að þá var engin
prentsmiðja á Akranesi, en hinir stórhuga
útgefendur undu slíku eigi til lengdar,
keyptu sér prentverk og „fluttu blaðið
heim“ s.l. haust.
í öllum þeim aragrúa íslenzkra blaða,
sem út er gefinn um þessar mundir, verð-
ur ekki betur séð en að „Akranes“ hafi
sérstöðu. Það er ekki pólitískt áróðurs-
málgagn, heldur menningarlcgt safnrit
fyrir allt það helzta, sem varðar byggðar-
lag þess að fornu og nýju. Samtíðin árn-
ar útgefendum blaðsins allra heilla og ósk-
ar því sjálfu langlífis, því að það hefur
þegar sýnt, að því er ætlað gott hlutverk
í varðveizlu sögulegra gagna. Tel ég, að
blaðaútgáfa þessi gæti orðið öðrum áhuga-
sömum mönnum í öðrum byggðarlögum
mjög til fyrirmyndar. Á slíkum blöðum er
kaupstöðunum líka full þörf, ef þeir hirða
nokkuð um varðveizlu menningarlegra
verðmæta sinna, og fæ ég ekki betur séð
en að hér sé um mjög merkilegt frum-
kvæði að ræða. Árið 1930 báðu hafnfirzk-
ir bæjarfulltrúar mig að semja sögu Hafn-
arfjarðar, er út skyldi koma á 25 ára
afmæli kaupstaðarins árið 1933. Ég taldi
ýmis tormerki á að takast þetta geysi-
örðuga verk á hendur, en lét þó tilleiðast,
sakir mjög eindreginna tilmæla. Er 'ekki
að orðlengja, að örðugra starf hef ég ekki
komizt í kynni við. Heimildir voru dreifð-
ar um skjalasöfn í Hamborg, Kaupmanna-
höfn og Reykjavík, og þegar til átti að
taka, reyndust skjölin í þjóðskjalasafni
voru í Reykjavík að því, er verulegan hluta
heimilda minna snerti, í slíkri óreiðu og
hrærigraut, að næsta ógerlegt var að nota
þau. Ótalið er, að ég þurfti að Ieita til
fólks, svo að tugum skipti, til þess að
skrifa um ýmsa þætti úr sögu bæjarins
eftir frásögn þess. Dóu nokkrir heimild-
armanna minna á milli þess, að ég hafði
haft af þeim spurnir og þar til Saga Hafn-
arfjarðar kom út. Ég er hræddur um, að
mér hefði í hinni örðugu heimildaleit
minni verið mikill styrkur að því að eiga
aðgang að blaði á borð við „Akranes",
þar sem hvers konar fróðleikur um eldri
og yngri sögulegar minjar Hafnarfjarðar
hefðu verið skráðar. En þar í bæ höfðu
Iítt verið gefin út annars konar blöð en
pólitísk áróðursblöð, svo sem tíðkast í ís-
lenzkum bæjum, en þau blöð eiga einkum
að orka á hugi manna á líðandi stund
og hafa lítið heimildargildi síðar meir.
Ólafur B. Björnsson kaupmaður hefur
skráð stórlega athygliverðar ritgerðir í
blaðið Akranes. Hann hefur m. a. skrifað
þar greinar um upphaf bindindishreyf-
ingarinnar á Akranesi, um rekstur sjávar-
útvegsins, meðan hann var rekinn á gamla
vísu, um verzlunarsögu staðarins, um
Garða og Garðapresta, sögu barnaskólans
og um kennara hans, frásögn um sönglíf
á Akranesi o. m. fl. — Þessi blaðaútgáfa
á tvímælalaust skilið almenna viðurkenn-
ingu.
Ú ER EKKI lengur hægt að útvega
^ ’ Samtíðina alla frá upphafi, því að
nokkur hefti eru uppseld. En meðan
birgðir endast, getið þér fengið 6 0
eldri hefti (tæpar 2000 bls.), ef þér
sendið 50 krónur. Hvert hefti er
sjálfstætt um efni. Notið þetta einstæða
tækifæri strax. Langbeztu bókakaup árs-
ins. Sent burðargjaldsfrítt um allt land.