Samtíðin - 01.11.1950, Blaðsíða 10

6
SAMTÍÐIN
holti. T Tryggvaskála hitti ég með-
al annarra Einar E. Sæmundsen
skógarvörð, ritstjóra blaðsins Þjóð-
ólfs, sem ])á var gefinn út á Selfossi.
Ég hafði orð á því við Einar, að mig
furðaði á því, að unnt væri að gefa
lit blað í fásinninu þar eystra og að
mér þætti fremur ólíklegt, að í ná-
inni framtíð mundi vaxa verulega
byggð á Selfossi. Einar gaf lítið út
á það fyrra, enda átti Þjóðólfur þá
skammt eftir ólifað. En hvað síðara
sjónarmiðið snerti sagði hann, að hér
væri nýlega setztur að fluggáfaður og
stórlmga Rangæingur, Egill Gr.
Thorarensen frá Kirkjubæ, sem ræki
verzlun í Sigtúnum og væri bjart-
sýnn á framtíðina. „Þú ættir að sjá
jólaauglýsinguna hans í Þjóðólfi,“
sagði Einar og dró blaðið frá 18. des.
upp úr vasa sínum. „Hún er í ljóðum,
heitir Jólakvæði og verður að syngj-
ast með hinu alkunna lagi hér um
slóðir: „Þá gekk Siggi búi í salinn“
o. s. frv.“ Og Einar las okkur áheyr-
endunum til mikillar ánægju:
Heilar og sælar húsfrúr allar
og þið héraðsbændur og kallar!
Ykkar hagsmunakrafa kallar,
að þið komið til mín inn.
Heilir og sælir héraðspiltar
og þið heimasætur stilJtar!
Minar vörur verða ei gylltar,
það vita allir menn.
Hér fæst mikið af merkum vörum
og þær með svo góðum kjörum,
að þið allir, sem eruð í förum,
þið ættuð að koma og sjá.
Síðan kom heljarmikil vöruupp-
talning í ljóðum, sem ég er búinn
að gleyma, en þessi vísa festist mér
í minni:
Sigtún þekkjast nm byggðir breiðar,
mönnum beini eg á gróðans leiðar,
og víst er, að austan Hellisheiðar
hittir enginn betri kjör.
1 þessu erindi fannst mér sem
hinn ungi kaupmaður við ölfusá
væri að skora hið gamla, gróna búð-
arvald á hinum forna verzlunarstað
austan fjalls, Eyrarbakka, á hólm,
um leið og hann hugðist gera fólk-
inu eystra kunnugt, að framvegis
mundi borga sig að stytta sér leið
í kaupstaðinn og fara ekki lengra
en að Selfossi. 1 fyrri blöðum Þjóð-
ólfs hafði Egill auglýst með þessum
upphafsorðum: „Sveitamenn! Farið
eigi langt yfir skammt.“ Að vísu
varð Egill að biða nokkur ár eftir
þvi, að Sigtún yrðu höfuðverzlunar-
staður austan Fjalls. En siðan Kaup-
félag Árnesinga tók til starfa þar
undir forustu hans árið 1931, hefur
hann séð þann draum sinn rætast í
ríkara mæli en nokkurn mun hafa ór-
að fyrir um áramótin 1919 og ’20.
JJKKT ALLS fyrir löngu skrapp ég
austur að Selfossi til að spyrja Egil
Thorarensen nokkurra spurninga
viðvíkjandi athafnalífinu í ungu
borginni austur þar og kynnast á-
hugamálum hans,.en Egill er ávallt
önnum kafinn við mikil störf, og hef
ég engan fyrir hitt, er efist um frá-
bæran dugnað hans og starfsþrek,
enda þótt hann hafi áður fyrr einatt
átt við vanheilsu að stríða.
Vorið 1949 tók Kaupfélag Árnes-
inga að sér sérleyfisferðir á leiðinni: