Samtíðin - 01.02.1951, Blaðsíða 13
SAMTÍÐIN
9
ræmi þeirra og líka lögun. Það hefur
mér tekizt, hvað snertir nokkrar
hreyfingar tall'æranna. Verkefnið er
hér ótæmandi og krefst í rauninni
samvinnu sérfræðinga i hinum ó-
skyldu tungumálum. Þessar rann-
sóknir munu leiða í ljós, að mann-
legt mál hefur smám saman orðið til
á mjög eðlilegan og auðskilinn hátt,
en málfræðin sem vísindagrein mun
nátengd þróunarsögu mannsins."
Að lokum sagði próf. Alexander:
„Ég hef fengizt við þessar rannsókn-
ir 10 undanfarin ár og hef birt um
þetta efni tvær hækur,- aðra á ís-
lenzku: Um frumtungu Indógermana
og frumheimkynni“ með útdrætti á
frönsku, hina á ensluu „Original
language“. Áður en langt um líður,
mun ég birta nýja bók á ensku um
framhaldsrannsóknir minar. En auk
fyrrnefndra rita hef ég birt 5 greinar
á ensku um þessar rannsóknir í hinu
viðfræga vísindariti Nature, sem er
lesið um heim allan.“
„Samtiðinni“ er kunnugt um, að
þessar málrannsóknir prófessorsins
hafa vakið verulega athygli erlendis
og að við suma háskóla, m. a. í
Oxford, er þegar tekið tillit til þeirra
niðurstaðna, sem þær hafa leitt til.
Það er því full ástæða til að óska
honum til hamingju með þá viður-
kenningu, sem rannsóknirnar hafa
þegar aflað honum.
ÁSKRIFENDUR
„Samtíðarinnar“ geta fengið allt það, sem
til er af eldri árgöngum fram til síðustu
áramóta, samtals hátt á fimmta þúsund
bls. af geysifjölbreyttu lesefni við allra
hæfi, fyrir aðeins 195 kr., burðargjalds-
frítt, ef greiðsla fylgir pöntun.
• Spurt utj svarað %
f ÞESSUM þætti er leitazt við að
* svara spurningum frá lesendum
„Samtíðarinnar“.
Steinar spyr:
„Mig langar til að vita einhver
deili á Tryggva Sveinbjörnssyni,
höfundi leikritsins, Jón Arason, sem
sýnt hefur verið hér í Þjóðleikhús-
inu. Geturðu, „Samtíð“ mín, sagt
mér nokkuð um hann?“
Svar:
Tryggvi er sendiráðsritari í sendi-
ráði Islands í Kaupmannahöfn og
hefur verið um 30 ár í utanríkisþjón-
ustu lands vors. Hann er ættaður úr
Svarfaðardal og kallaði sig Svörfuð,
þegar hann var í skóla. Annars get-
urðu lesið helztu æviatriði hans og
fræðzt jafnframt um ritstörf hans
í 9. hefti (nóvemberhefti) „Samtið-
arinnar“ sl. ár. Þar birtist viðtal við
hann í tilefni af nýjustu leikritum
hans.
Sorgmæddur skrifar:
„Stúlkan, sem ég er hrifinn af, vill
ekki framar sjá mig. Hvað á ég til
bragðs að taka? Mér finnst nefnilega
engin önnur stúlka jafnast á við
hana að fegurð og yndisleik.“
Svar:
Vér erum ekki sérfræðingar í
ástamálum, en höfum þó heyrt, að
tíminn sé afbragðs læknir í viður-
eigninni við andleg ástasár. Hér á
landi er að vísu hörgull á ýmsu,
en vér höfum aldrei heyrt getið um,
að hér væri neinn sérstakur hörgull á
fallegum og yndislegum stúlkum.