Samtíðin - 01.04.1951, Blaðsíða 8
4
SAMTÍÐIN
líkamskrafta sinna á hentugan eða hag-
kvæman hátt, heldur þvert á móti. Nauð-
synlegt væri að kenna unglingunum æf-
ingar, er væru í fullu samræmi við þær
hreyfingar, sem daglegt starf krefðist, t.
d. að allar hreyfingar efri búksins og
handleggjanna væru í samræmi við hreyf-
ingar neðri búksins. Þegar fólk veiktist
unnvörpum á vinnustöðum, stafaði slíkt
af því, að það þekkti ekki einföldustu
hreyfingarlögmálin. En á þess háttar væri
aldrei minnzt í sambandi við fimleika-
kennsluna í skólanum, heldur væri þar
beinlínis brotið í bág við þau).
Yfirlæknirinn varaði mjög við ofreynslu
af völdum fimleika. Hann taldi, að fim-
leikakennurum bæri skylda til að halda
aftur af viljugustu og áhugasömustu nem-
endum sínum, en tefla í þeirra stað fremst-
um í raðirnar letingjum og daufingjum, er
gætu haft gott af að hrista af sér slenið.
Enn fremur varaði læknirinn að marg-
gefnu tilefni við því að iðka af kappi fim-
leika eftir langan starfsdag. Benti hann á,
að það gerðu einkum duglegustu og kapp-
sömustu starfsmenn þjóðfélagsins, er á-
vallt kæmu fyrstir til vinnu á morgnana.
Þess háttar mönnum hentaði vafalaust bezt
hvíld eða mjög hófleg hreyfing að afloknu
dagsverki. Þunglamalegir starfsmenn
hefðu hins vegar ekki nema gott af að
iðka fimleika. En reyndin yrði oft sú, að
þeim kæmi ekki til hugar að leggja á sig
slíkt erfiði. Að lokum kvaðst hann þekkja
mýmörg dæmi þess, að fimleikamenn
væru svo sundur slitnir af ofreynslu, að
þeir gætu sig naumast hreyft. Ef úr því
ætti að fá skorið, hvort fimleikar væru
hollir, yrði að spyrja, hvort fólk, sem iðk-
aði þá, yrði langlífara, heilsubetra og ó-
næmara fyrir sjúkdómum en aðrir. Fyrir
því kvað hann engar sannanir. Fimleika-
iðkanir væru ekki heilsugjafi, þótt þær
hefðu sitthvað gott í för með sér.
SIGURGEIR SIGURJÓNSSON
hæstaréttarmálaflutningsmaður.
Aðalstræti 8. — Símar 1043 og 80950.
Skrifstofutími 10—12 og 1—6.
VITIÐ ÞÉR ÞETTA?
Svörin eru á bls. 29.
1. Hver orti þetta:
Ofsanum skyldi enginn beita.
Of er verst i hverjum hlut.
2. Hver var 7. glímukappi Islands
og vann þá nafnbót árin 1922,
1923, 1924, 1925 og 1926?
3. Hvað merkir fornyrðið bekk-
skrautuður?
4. Hver var John Milton?
5. Eftir hvern er söngleikurinn
Madame Butterfly?
+ Það er sagt: +
að tekjuskattur sé sektir, sem þú
borgar fyrir það, að þér skuli
hafa vegnað vel fjárhagslega.
♦
að endurminning sé það, sem vaknar
í huga þínum, þegar þú tíeyrir
vin þinn segja skopsögurnar sín-
ar einu sinni enn.
♦
að hleypidómar séu óljósar hug-
myndir, sem loða furðu fast við
menn og málefni.
♦
að skálar-ræðumaður sé sá, sem
borðar fyrst máltið, sem hann
hefur ekki lvst á, en rís því næst
úr sæti sínu og segir fólki frá því,
sem enginn nennir að hlusta á.
♦
að hvísl sé nokkurn veginn örugg
aðferð til að fá fólk til að hlusta
á það, sem það mundi annars alls
ekki hlusta á.