Samtíðin - 01.04.1951, Blaðsíða 19
SAMTIÐIN
15
landa Vestur-Evrópu. Það væri því
ekki fráleitt, að nafn hinnar nýju
myntar minnti á þetta haf, og mér
finnst ég hafa hentugt nafn á reið-
um höndum. Ég vildi láta kalla hana
atlas, en undirmyntina einhverju
öðru þægilegu, hlutlausu nafni. Auk
þess, sem nafnið atlas minnir á At-
lantshafið, er það táknrænt mynt-
lieiti. Peningarnir eru afl þeirra
hluta, sem gera skal. Orðið atlas
hefur um aldaraðir verið sett í sam-
hand við afl og orku. I fornum
heimildum er Atlass getið sem mikils
jötuns, er bar uppi sjálfan himin-
inn. Margar sagnir eru til um hann,
og alls staðar er hann ímynd afls-
ins. Hann var mátturinn, sem hélt
uppi súlunum, er aðskildu himin og
haf. Myndir voru gerðar af honum,
þar sem himinninn hvíldi á höfði
hans og höndum. Hans er einnig get-
ið sem fjalls, er himinhvelfingin
hvíldi á. Ein sögnin getur um Atlas,
þar sem hann er í fvlgd með Herak-
lesi þess erindis að ræna eplum
Hesperídanna, en þau uxu á lífsins
tré í fögrum aldingarði á eyju í hinu
fjarsta og óþekkta vestri. Þeir, sem
neyttu þessara epla, fengu varð-
veitt æsku sína um aldur og ævi, þeir
voru síungir.
Það væri víst ekki ýkja örðugt að
gera fallegar, táknrænar myndir á
hina nýju atlas-peningaseðla, þar
sem um jafn greinargóðar heimildir
er að ræða og fornsagnirnar um jöt-
uninn Atlas.
JJÆRU LESENDUR. Þessar hug-
leiðingar mínar um sameiginleg-
an gjaldeyri eru ef til vill sprottnar
af hinum gamla málshætti: ..Svo
mæla börn sem vilja.“ En víst er
um það, að slík l'ramkvæmd yrði
veigamikill þáttur í því að koma í
veg fyrir stvrjaldir, auk allra þeirra
óteljandi þæginda, er af henni mundu
leiða. Basl, hvað þá örbirgð, veldur
tilhneigingu til öfga í lífsskoðunum,
en öfgarnar valda aftur óróa, er
hæglega getur leitt til uppþota og
styrjalda. Það hefur sýnt sig, að
grundvöllurinn undir fjármálum
Evrópu og þá einkum smárikja álf-
unnar hefur nú um alllangt skeið
verið sandur, en ekki klöpp.
Menn reynast stundum misvitrir.
Þeir menn, sem þátt hafa tekið í ráð-
stefnum um endurreisn fjármála
Evrópu eftir heimsstyrjöldina 1939
—45, hafa sniðgengið aðalatriðið:
sameining myntarinnar. Þessi snið-
ganga þarf ekki að stafa af skorti
á viti. Miklu sennilegra er, að hún
stafi af því, að þetta öndvegisbjarg-
ráð er ekki í samræmi við hagsmuni
og stjórnmálaskoðanir vissra stór-
velda, en hjá þeim, eins og okkur,
eiga stjórnmálin og skynsemin ekki
alltaf samleið.
A. G.
„Árgjald „Samtíðarinnar“ fyrir 1951 (25
kr.) féll í gjalddaga 1. febr. sl. Vinsamleg-
ast greiðið það nú þegar án frekari ábend-
ingar. Vér þökkum öllum þeim, sem þeg-
ar hafa greitt árgjaldið, fljót og góð skil.
HLlNARpr''°navörurnar eru fallegast-
ar, beztar og vinsælastar. —
Vörumerki okkar er trygging fyrir því.
PRJÓNASTOFAN HLIN
Skólavörðustíg 18. — Sími 2779.