Fréttablaðið - 02.01.2010, Blaðsíða 32
2 fjölskyldan
Fjölskyldan kemur út mánaðarlega með helgarblaði Fréttablaðsins. Ritstjórn: Sigríður Björg Tómasdóttir
Hönnun: Silja Ástþórsdóttir Pennar: Júlía Margrét Alexandersdóttir, Hólmfríður Helga Sigurðardóttir Ljósmyndir: Fréttablaðið
Auglýsingar: Benedikt Jónsson benediktj@365.is
Hólmfríður Helga
Sigurðardóttir
skrifar
Erla Ósk og Ísabella eru þessa dagana staddar sín í hvorri vampýrubókinni og segja stundirnar á kvöldin, rétt
fyrir svefninn, þar sem þær eru
báðar niðursokknar í lestur, vera
einar af þeim bestu. Þær hafi því
meðal annars ákveðið að eyða meiri
tíma á nýja árinu í bókalestur og
vera minna við tölvur og sjónvarp.
„Nýja árið leggst bara vel í
okkur. Árið hefur verið nokkuð
erfitt, eins og hjá mörgum, með
mikilli vinnu, og maður vonar
auðvitað að fram undan séu bjart-
ari tímar. Maður er glaður að hafa
átt í sig og á og allt umfram það er
plús. Ég hugsa að hugsunarháttur
margra séu breyttur hvað þetta
varðar og flestir hugsi á þessum
nótum í dag,“ segir Erla Ósk.
Ísabella Mist er í 6. bekk í Mela-
skóla og segist hafa ýmislegt í
huga þegar nýtt ár gengur í garð.
Ofarlega á listanum sé námið og
heimalærdómurinn, sem hún
hyggst reyna að stunda af kappi.
„Ég ætla mér líka að læra dans
árinu og fara á námskeið í breik-
dansi eða „freestyle“. Mig langar
að dansa við einhverja skemmti-
lega tónlist.“
Erla Ósk segir þær mæðgur
sækja í að skapa, það gefi þeim
mikið og hún hugsi sér líka árið
2010 fyrir námskeið í keramik
en henni líði best þegar hún nái
að bæta við sig einhvers konar
þekkingu og menntun. Á dag-
skránni sé annars að taka einn dag
í einu, eins og reynst hafi best síð-
asta ár. Það sé erfitt að plana langt
fram í tímann í árferði sem þessu.
Annars finnst þeim mæðgum árið
2010 hljóma svolítið stór tala.
„Mér finnst þetta svipuð upplifun
og þegar árið 2000 var að ganga í
garð og manni finnst eins og þetta
hljótið að þýða eitthvað nýtt. Við
Ísabella erum allavega bjartsýnar
og vitum, út frá því hvað við erum
góðar vinkonur, að það sem skipt-
ir mestu máli er fjölskyldan og að
hlúa að sínum nánustu. Það kemur
ekkert í stað fjölskyldunnar.“ - jma
Breikdans og meiri
lestur árið 2010
Mæðgurnar Erla Ósk Arnardóttir Lilliendahl og Ísabella Mist Thomasdóttir, ellefu ára,
hlakka til ársins sem er að hefjast. Á þeirra dagskrá er meðal annars meiri bóklestur.
Um þessar mundir eru tvö ár frá því ég yfirgaf heim óslitins nætursvefns, dag-
legra kaffihúsa- og barferða og
annarra hringferða um sjálfa
mig. Síðan sonur minn fæddist
hefur hann fært mér svo mikla
hamingju að smáfórnir eins og
þessar hafa ekkert vægi.
En ýmsar aðrar tilfinningar en
hamingja fylgdu fæðingu þessa
ljóshærða krulluhnokka. Svo sem
dæmigerður og stöðugur ótti um
að eitthvað komi fyrir hann. En ég
hafði ekki átt von á þránni að feta
í fótspor mömmu minnar þegar
kæmi að uppeldinu. Fram að
þessu hafði ég ekki skeytt mikið
um að líkjast foreldrum mínum
frekar en aðrir „unglingar“.
Ég held að mamma hafi lesið
bókina um Pollýönu á áhrifa-
gjarnasta skeiði lífs síns. Hún er
Pollýana. Hún sér alltaf björtu
hliðarnar, jafnvel á svörtustu
aðstæðum, og fer brosandi í gegn-
um lífið. Þetta getur verið óskilj-
anlegt fyrir okkur sem eigum
vel haldinn fýlupúka inni í okkur
sem við fóðrum reglulega. Svo
er mamma ofurkona. Hún eign-
aðist fjóra óþekka krakka, þann
fyrsta þegar hún var nítján ára
og þann fjórða 33 ára (og minnir
mig stöðugt á – með bros á vör –
að ég sé að nálgast hennar fjórða
barns aldur). Samhliða barneign-
unum gegndi hún krefjandi störf-
um sem fólu meðal annars í sér
reglulegar langferðir til útlanda
og vinnu uppi á fæðingardeild.
Það er ekkert grín að ætla að
feta í fótspor þessarar konu. Ég
fann hins vegar fyrir ákveðnum
létti núna yfir hátíðarnar þegar
rann upp fyrir mér ljós. Ég á
aldrei eftir að fylla fullkomlega
út í þessi spor. Þau eru alltof djúp
fyrir minn spörfuglsfót.
Þrátt fyrir annir var mamma
nefnilega alltaf eins og frú
sveinka í aðdraganda jóla. Hún
sveif syngjandi um húsið, bakaði
ætíð nokkrar sortir, var búin að
fylla heimatilbúna jóladagatalið
með girnilegum pökkum og setja
saman jólasveinahúsið 1. desem-
ber. Með mitt eina barn átti ég
hins vegar fullt í fangi með að
halda öllum þráðum saman á
aðventunni. Og oft þakkaði ég
guði fyrir að sonur minn er þó
ekki nema tveggja ára og mun að
öllum líkindum ekki muna eftir
öllu því ójólalega sem gekk á
heima hjá okkur fyrir jól.
Ég mun standa mig betur á
næsta ári, ég lofa! En ef mér
tekst ekki að halda loforðið lifi ég
í þeirri blekkingu að fullorðinn
sonur minn muni líta til baka,
hugsa um kaos og stress aðventu
minnar, fá nostalgískar stjörnur í
augun og hugsa: „Svona eiga jólin
að vera!“
Móðir mín Pollýana
Mæðgur og vinkonur Erla Ósk Lilliendahl og Ísabella Mist Thomasdóttir eru miklar vinkonur og segjast ætla að hafa
árið 2010 á skapandi nótum með góðum fjölskyldustundum. FRÉTTABLAÐIÐ/ANTON
Settu heilsuna
í forgang á nýju ári
BETRI HEILSA
BORGAR SIG
F
www.heilsuborg.is
Við höfum heilsulausnina fyrir þig
Janúartilboð: Árskort í heilsurækt 39.900 kr.
Auglýsingasími
– Mest lesið