Fréttablaðið - 02.01.2010, Blaðsíða 62
50 2. janúar 2010 LAUGARDAGUR
sport@frettabladid.is
ÓTRÚLEG SAGA CASTER Hin átján ára gamla Caster Semenya fagnaði sigri í 800
metra hlaupi kvenna á heimsmeistaramótinu í frjálsíþróttum í Berlín í ágúst síðast-
liðnum. Skömmu fyrir hlaupið var henni tilkynnt að henni yrði gert að gangast undir
kynjapróf. Niðurstöður þess hafa ekki verið formlega kynntar en því var lekið í fjöl-
miðla að samkvæmt prófinu væri hún tvíkynja. Hún fékk þó að halda verðlaunum
sínum en áhugi heimspressunnar á þessu ótrúlega máli verður væntanlega til þess
að líf hennar verður aldrei samt og að hennar íþróttaferli sé nú lokið. NORDIC PHOTOS/AFP
Íþróttaárið 2009 í máli og myndum
Þó svo að hvorki Ólympíuleikar né stórmót í knattspyrnu fór fram á þessu ári kenndi ýmissa grasa í heimi
íþróttanna á árinu sem er að líða. Hér verður stiklað á því helsta sem átti sér stað hér heima sem og ytra.
DÝRASTI LEIKMAÐUR HEIMS Cristiano Ronaldo varð dýrasti knattspyrnumaður heims
eftir að Real Madrid keypti hann frá Manchester United á 94 milljónir evra, um
sautján milljarða króna. Eins og gefur að skilja var áhugi Madrídinga á portúgalska
töframanninum gríðarmikill. NORDIC PHOTOS/GETTY
SEXTUGA ÖSKUBUSKAN Hinn gamal-
reyndi Bandaríkjamaður Tom Watson
kom golfheiminum í opna skjöldu þegar
hann var lengst af í forystu og komst
svo í umspil á opna breska meistara-
mótinu – 26 árum eftir að hann vann
síðast stórmót á ferlinum. Hann varð þó
að játa sig sigraðan fyrir Stewart Cink í
umspilinu. NORDIC PHOTOS/GETTY
HENRY Í HANDBOLTA Thierry Henry kom
Frökkum á HM í Suður-Afríku með því
að leggja upp mark fyrir William Gallas í
framlengdum leik Frakka og Íra í umspili
undankeppninnar í Evrópu. Henry lagði
boltann fyrir sig með höndinni eins og
sást bersýnilega í sjónvarpi en markið
fékk að standa óhaggað. Írar bálreiddust
en komast ekki á HM þrátt fyrir ítrekaðar
tilraunir til að fá úrslitum leiksins breytt.
NORDIC PHOTOS/AFP
KVADDI CIUDAD MEÐ STÆL Ólafur Stefánsson lék sjötta og síðasta tímabilið sitt með
Ciudad Real á Spáni. Liðið varð spænskur meistari og vann Meistaradeildina annað
árið í röð. Hér er Ólafur á háhesti eftir seinni úrslitaleik Meistaradeildarinnar á mói
THW Kiel þar sem Ólafur spilaði frábærlega, skoraði 8 mörk og hjálpaði Ciudad að
vinna upp 5 marka forskot þýska liðsins úr fyrri leiknum. MYND/NORDICPHOTOS/BONGARTS
EINSTÖK ÞRENNA Eiður Smári Guðjohnsen varð fyrsti íslenski knattspyrnumaðurinn
til að vinna Meistaradeild Evrópu og jafnframt sá fyrsti til að vinna þrennuna. Eiður
Smári var í liði Barcelona sem vann spænska titilinn, spænska bikarinn og Meist-
aradeild Evrópu. Eiður Smári sat á bekknum í úrslitaleiknum í Meistaradeildinni og
fékk ekki mikið að spreyta sig með liðinu. Hann var síðan seldur til franska liðsins
Mónakó í haust þar sem hann hefur ekki fundið sig. Hér fylgjast Thierry Henry og
Lionel Messi með Eiði með Meistaradeildarbikarinn. MYND/NORDICPHOTOS/AFP
Fjölmargir leikir fara fram í þriðju umferð ensku bikarkeppninnar í
dag. Íslendingaliðið Reading mætir Liverpool á heimavelli sínum
klukkan 17.15 og má búast við því að þrír Íslendingar verði í eld-
línunni: Ívar Ingimarsson, Gylfi Þór Sigurðsson og Brynjar Björn
Gunnarsson. Sá fjórði, Gunnar Heiðar Þorvaldsson, samdi við
Reading í vikunni en fær ekki keppnisleyfi fyrr en eftir helgi.
„Það er hið besta mál að fá Gunnar, hann mun vonandi
reynast okkur góður liðsstyrkur og ná sér vel á strik,“
sagði Ívar við Fréttablaðið. „Okkur veitir alls ekki af því
að skora fleiri mörk.“
Gengi Reading á leiktíðinni hefur verið langt undir
væntingum. Liðið er í 20. sæti ensku B-deildarinnar,
aðeins tveimur stigum frá fallsæti. Ívar segir það því
kærkomið að fá stórlið eins og Liverpool í heim-
sókn í bikarkeppninni.
„Það verður örugglega fullur völlur, mikil
stemning og eftirvænting hjá stuðningsmönnum.
Það vilja allir sjá leikmenn eins og Gerrard og Torres
og verður líka gaman fyrir leikmenn að fá að spreyta sig
gegn þeim,“ segir Ívar. „Við höfum átt nokkuð erfitt í deildinni og
vonandi brýtur það aðeins mynstrið að fá núna stóran bikarleik
og vonandi getum við notað hann til að gefa okkur klapp á bakið
fyrir síðari hluta tímabilsins.“
Ívar segir þó að liðið eigi ekki meira skilið en liðið hefur fengið
hingað til á tímabilinu. „Ekki eins og staðan er núna. Við
höfum nú spilað 23 leiki og það er ekki alltaf hægt að
vera óheppinn. Hluti af fótbolta er að nýta færin sín og
það höfum við ekki gert vel. Við erum í þeirri stöðu
sem við erum og það er engin tilviljun. Hins vegar
er ég sannfærður um að við munum fara hratt upp
stigatöfluna ef við förum að spila saman sem lið og
gera færri einstaklingsmistök.“
Liverpool hefur ekki heldur þótt standa undir
væntingum en þykir þó talsvert sigurstranglegri
aðilinn í leiknum. „En það er sama hver andstæð-
ingurinn er – mér finnst aldrei gaman að skíttapa
leikjum. Við munum leggja okkur alla fram í leiknum
og vonandi dugar það til að ná góðum úrslitum.“
ÍVAR INGIMARSSON: READING MÆTIR LIVERPOOL Í ENSKU BIKARKEPPNINNI Í DAG
Vonandi tækifæri til að gefa okkur klapp á bakið
> Heiðar á óskalista Newcastle
Enskir fjölmiðlar fullyrtu í fyrrakvöld að enska B-deild-
arfélagið Newcastle hefði áhuga á að fá landsliðs-
manninn Heiðar Helguson í sínar raðir en
hann hefur verið á láni hjá Watford frá QPR.
Bæði þessi lið leika í ensku B-deildinni.
Lánssamningur Heiðars er útrunninn
og mun hann því ekki spila með
Watford gegn Chelsea í ensku
bikarkeppninni á morgun.
Fram kemur í The Daily Mail
að forráðamenn Newcastle
hafi boðið 1,25 milljónir
punda í Jermaine Beckford hjá Leeds en
þar sem því tilboði hafi verið hafnað muni
þeir næst snúa sér að Heiðari.
KÖRFUBOLTI Helena Sverrisdóttir
var einu stigi frá því að jafna per-
sónulega stigametið sitt með TCU
þegar hún skoraði 26 stig í 66-61
útisigri á Houston í bandaríska
háskólaboltanum á gamlárskvöld.
Helena hitti úr þremur af fimm
þriggja stiga skotum sínum og
tók sex fráköst í leiknum. TCU-
liðið vann þarna sinn fjórða leik
í röð og hefur alls unnuð 9 af 12
leikjum sínum á tímabilinu.
Helenu vantar nú ekki nema 15
stig til að verða ellefti leikmaður-
inn í sögu TCU til að skora þús-
und stig og þá er hún aðeins sex
stoðsendingum frá því að gefa
stoðsendingu númer 300. Næsti
leikur TCU er á móti Texas A&M
Corpus Christi á laugardaginn.
- óój
Helena Sverrisdóttir hjá TCU:
Að nálgast þús-
undasta stigið
985 STIG Helena Sverrisdóttir er bara 15
stigum frá 1000 stigum fyrir TCU. MYND/AP
FÓTBOLTI Haukur Páll Sigurðsson
er genginn í raðir Vals en hann
gerði tveggja ára samning við
félagið á gamlársdag.
Haukur er 22 ára gamall og er
uppalinn Þróttari. Hann hefur
leikið þar alla sína tíð en var í
láni hjá norska liðinu Alta IF í
haust. Hann skoraði sex mörk
í fimmtán deildarleikjum með
Þrótti í sumar og á alls að baki 83
leiki með liðinu á ferlinum.
Haukur á einnig að baki sex
leiki með yngri landsliðum
Íslands. - esá
Haukur Páll Sigurðsson:
Samdi við Val
KOMINN TIL VALS Haukur Páll Sigurðs-
son í leik með Þrótti sumarið 2008.
FRÉTTABLAÐIÐ/VALLI