Fréttablaðið - 02.01.2010, Blaðsíða 64

52 2. janúar 2010 LAUGARDAGUR
TÍU TITLA MAÐUR Phil Jackson varð fyrsti þjálfarinn í sögu
NBA-deildarinnar til að vinna tíu meistaratitla á ferlinum er
LA Lakers vann Orlando Magic í úrslitum NBA-deildarinnar í
vor. Jackson vann sex titla með Chicago Bulls á síðasta áratug
og hefur unnið fjóra með Lakers á þessum. Þar að auki vann
hann tvo titla sem leikmaður með New York Knicks.
NORDIC PHOTOS/GETTY
RÓS Í HNAPPAGATIÐ Jenson Button
fagnaði sigri á afar sérstöku keppnis-
tímabili í Formúlu-1. „Korteri“ fyrir mót
var keppnislið Brawn GP myndað úr
rústum Hondu-liðsins sem hætti við
þátttöku. Button fagnaði sigri í flokki
ökuþóra og lið hans, Brawn GP, í flokki
bílasmiða. NORDIC PHOTOS/GETTY
VERÐUR BETRI MEÐ ALDRINUM Ryan
Giggs átti ótrúlegt ár. Hann varð leikja-
hæsti leikmaður í sögu Manchester
United, var valinn leikmaður ársins
af samtökum leikmanna og íþrótta-
maður ársins í Bretlandi. Hann er eini
maðurinn sem hefur skorað á öllum
keppnistímabilum ensku úrvalsdeild-
arinnar frá upphafi og skoraði sitt 100.
úrvalsdeildarmark á ferlinum í leik gegn
Portsmouth í nóvember. Enginn hefur
unnið ensku úrvalsdeildina oftar, en
hann varð meistari með United í ellefta
sinn í vor. NORDIC PHOTOS/GETTY
FALL RISANS Þegar fréttir bárust af því að Tiger Woods hafi lent
í bílslysi fyrir utan heimili sitt seint í nóvember höfðu flestir
áhyggjur af heilsufari hans enda gáfu fyrstu fregnir til kynna að
hann væri alvarlega slasaður. Það átti eftir að breytast fljótt og
atburðurinn tengdur við frétt slúðurblaðsins National Enquirer
um meint framhjáhald hans við Rachel Uchitel. Á næstu vikum
kom í ljós að Tiger hafði ítrekað haldið framhjá eiginkonu
sinni, hinni sænsku Elin Nordegren, með fjölda kvenna. Hann
tilkynnti ótímabundið frí sitt frá golfi, margir styrktaraðilar
yfirgáfu hann og hjónaskilnaður blasir við. Í nánast einni svipan
var flekklaus ímynd Tigers Woods í molum. NORDIC PHOTOS/AFP
MARADONA AFTUR Í SVIÐSLJÓSINU Hinn skrautlegi Diego
Maradona var mikið í fréttum á árinu en hann þótti afar
umdeildur í starfi sínu sem landsliðsþjálfari Argentínu. Liðið
hikstaði mjög undir hans stjórn og skreið liðið inn á HM eftir
sigur á Úrúgvæ í undankeppninni í Suður-Ameríku. Eftir leik-
inn úthúðaði hann öllum þeim sem höfðu gagnrýnt hann og
gekk hann svo langt að hann var dæmdur í tveggja mánaða
bann í kjölfarið fyrir ósæmilega hegðun. NORDIC PHOTOS/GETTY
GAF Í BOTN Ólíkt því sem gerðist á
Ólympíuleikunum í Peking gaf jamaíski
spretthlauparinn Usain Bolt ekkert eftir
á lokakaflanum í 100 metra hlaupi sínu
á HM í Berlín í ágúst. Enda stórbætti
hann eigið heimsmet í greininni er
hann kom í mark á 9,58 sekúndum.
Hann endurtók svo leikinn í 200 metra
hlaupi er hann hljóp vegalengdina á
19,19 sekúndum. Bolt virðist einfaldlega
ómennskur. NORDIC PHOTOS/AFP
MEISTARADROTTININGIN Florentina
Stanciu var lykilmaður í Íslandsmeistara-
liði Stjörnunnar og hefur unnið titilinn
síðustu fjögur ár, fyrst með ÍBV (2006)
og svo með Stjörnunni. FRÉTTABLAÐIÐ/ANTON
SIGURGLEÐIN ENGU LÍK Jón Arnór Stefánsson varð Íslands-
meistari með KR í vor, spilaði skömmu seinna með Benetton
í úrslitakeppninni á Ítalíu og fór síðan til Spánar í haust. Jón
Arnór meiddist fyrir tímabilið en sýndi mikinn dugnað og sneri
til baka tveimur mánuðum á undan áætlun. FRÉTTABLAÐIÐ/DANÍEL
AFTUR Á TOPPINN Haukakonur urðu
Íslandsmeistarar í kvennakörfunni í
þriðja sinn á fjórum árum eftir sigur á
bikarmeisturum KR í frábærum oddaleik
um titilinn. Hér fagna Ragna Margrét
Brynjarsdóttir, Kristrún Sigurjónsdóttir
og Helena Hólm titlinum. FRÉTTABLAÐIÐ/VALLI
FJÓRÐA ÁRIÐ Í RÖÐ Valskonur unnu tvöfalt í kvennafótbolt-
anum og fögnuðu Íslandsmeistaratitlinum fjórða árið í röð.
Laufey Ólafsdóttir (til vinstri) tók fram skóna á miðju sumri
eftir tæplega fjögurra ára fjarveru og átti mikinn þátt í að liðið
vann langþráðan bikarsigur. Rakel Logadóttir (til hægri) átti
einnig flott tímabil með Val. FRÉTTABLAÐIÐ/STEFÁN
ÓTRÚLEGUR ENDASPRETTUR Ólafur
Björn Loftsson úr Nesklúbbnum varð
Íslandsmeistari í golfi í fyrsta sinn og 37
árum eftir að faðir hans, Loftur Ólafsson,
vann titilinn 1972. Ólafur Björn átti frá-
bæran endasprett þegar hann vann upp
fimm högga forskot Stefáns Stefánsson-
ar á síðustu sex holunum. Hér fagnar
Ólafur einu af mögnuðum púttum
sínum á lokaholunum.
FRÉTTABLAÐIÐ/DANÍEL
MEISTARAR Á NÝ Arnar Péturson, fyrirliði Hauka, sést hér með
Íslandsmeistarabikarinn sem karlalið Hauka vann annað árið í
röð. Arnar kvaddi Haukaliðið sem meistari. FRÉTTABLAÐIÐ/ANTON
SÖGULEG ÞJÁLFARABYRJUN Í EFSTU DEILD Heimir Guðjónsson
gerði FH-liðið að Íslandsmeisturum annað árið í röð og hefur
þar með fyrstur þjálfara gert lið að Íslandsmeisturum á tveim-
ur fyrstu árum sínum sem þjálfari í meistaraflokki.
FRÉTTABLAÐIÐ/DANÍEL
SKEMMTILEGASTA STUÐNINGSLIÐIÐ Á EM Íslenska kvennalandsliðið tók þátt í EM í Finnlandi og þrátt fyrir
að liðið hafi ekki unnið leik í Finnlandi þá settu íslensku stuðningsmennirnir stóran svip á stúkuna á mót-
inu. Hér fer Íris Björk Eysteinsdóttir, eiginkona þjálfarans, fyrir íslensku stuðningsmönnunum en Ísland fékk
seinna sérstök háttvísiverðlaun fyrir fyrirmyndar framkomu á Evrópumótinu. NORDICPHOTOS/AFP