Fréttablaðið - 06.01.2010, Blaðsíða 6
6 6. janúar 2010 MIÐVIKUDAGUR
Forseti Íslands synjar staðfestingu Icesave-laga
NÝI TÖLVU- OG VIÐSKIPTASKÓLINN – VIÐURKENNDUR EINKASKÓLI Á FRAMHALDSSKÓLASTIGI
Helstu námsgreinar:
» Frumkvöðlar og framtíðarsýn (6)
» Stofnun fyrirtækja (6)
» Hagnýt markaðsfræði (42)
» Excel við áætlanagerð (24)
» Fjármálastjórnun og framlegð (30)
» Hagnýtur bókhaldsskilningur (12)
» Gerð viðskiptaáætlunnar (48)
FRUMKVÖÐLA
OG REKSTRARNÁM
68 stundir - Verð: 198.000.-
Kvöldnámskeið 9. feb. - 25. maí.
Morgunnámskeið 9. feb. - 25. maí.
Hagnýtt og hnitmiðað nám, bæði fyrir þá sem vilja styrkja
eigin rekstur og þá sem vilja stofna til eigin reksturs með
því að finna hugmyndum sínum eða hugmyndum annara
frjóan farveg.
Upplýsingar og skráning: 544 4500 / www.ntv.is
Námið miðar að því að kenna gerð viðskiptaáætlanna,
hvernig hægt er að greina á milli arðbærra og óarðbærra
hugmynda, hvenær borgar sig að fara af stað og hvenær
borgar sig að sitja heima.
Það er alger-
lega óásættan-
legt ætli íslensk
stjórnvöld ekki
að standa við
skuldbinding-
ar sínar, segir
talsmaður hol-
lenska fjármála-
ráðuneytisins,
spurður um við-
brögð við synjun forsetans á Icesa-
ve-lögunum.
Haft var eftir Wouter Bos, fjár-
málaráðherra Hollands, í vefút-
gáfu dagblaðsins de Volkskrant að
nú sé ljóst að augljóst sé að ekki sé
hægt að reiða sig á Ísland. Hollend-
ingar ættu í framhaldinu að koma
því á framfæri við önnur Evrópu-
sambandslönd að mögulega væri
rétt að endurskoða aðild Íslands að
Evrópska efnahagssamningnum.
Ákvörðun forsetans veldur
stjórnvöldum miklum vonbrigð-
um, og í framhaldinu verður rætt
við íslensk stjórnvöld um framhald
málsins, segir
talsmaður hol-
lenska fjármála-
ráðuneytisins.
Í sama streng
tók talsmað-
ur breska fjár-
málaráðuneyt-
isins. Þarlend
stjórnvöld ætla
einnig að vera
í sambandi við íslensk stjórnvöld
áður en ákveðið verður hvernig
brugðist verður við. Áfram verði
unnið með hollenskum stjórnvöld-
um og innan Evrópusambandsins
að lausn málsins.
Engin viðbrögð bárust frá
Alistair Darling, fjármálaráðherra
Bretlands, í gær. Þingkosningar
eru fyrirhugaðar bæði í Bretlandi
og Hollandi á árinu. Kosningabar-
áttan er þegar hafin í Bretlandi
fyrir kosningar í vor, en reikn-
að er með kosningum í haust eða
snemma næsta vetur í Hollandi.
- bj
Viðbrögð Breta og Hollendinga við synjun forseta:
Segir augljóst að ekki sé
hægt að reiða sig á Ísland
ALISTAIR DARLINGWOUTER BOS
Lögum frá í desember um ríkis-
ábyrgð vegna Ice save-samninga
við Breta og Hollendinga var
vísað til þjóðarinnar með ákvörð-
un Ólafs Ragnars Grímssonar,
forseta Íslands, í gærmorgun um
að skrifa ekki undir lögin.
Á blaðamannafundi á Bessa-
stöðum þar sem forsetinn kynnti
ákvörðun sína vísaði hann til þess
að honum hafi borist áskoranir
frá um fjórðungi kosningabærra
manna í landinu um að vísa lögun-
um í þjóðaratkvæðagreiðslu.
„Það er mun hærra hlutfall en
tilgreint hefur verið sem viðmið í
yfirlýsingum og tillögum stjórn-
málaflokka,“ sagði Ólafur Ragn-
ar. Samkvæmt frumvarpi um
breytingu á stjórnarskránni sem
var lagt fram á þingi síðastliðinn
vetur var kveðið á um að 15 pró-
sent kosningabærra manna gætu
knúið fram bindandi þjóðarat-
kvæðagreiðslu, þar voru þó und-
anskildir milliríkjasamningar.
Ólafur Ragnar kvað skoðana-
kannanir jafnframt benda til að
yfirgnæfandi meirihluti þjóðar-
innar væri sama sinnis. „Þá sýna
yfirlýsingar á Alþingi og áskor-
anir sem forseta hafa borist frá
einstökum þingmönnum að vilji
meirihluta alþingismanna er að
slík þjóðaratkvæðagreiðsla fari
fram.“
Ragnhildur Helgadóttir, próf-
essor við lagadeild Háskólans í
Reykjavík, segir stjórnarskrána
í raun ekki gera kröfu um að for-
setinn rökstyðji ákvörðun sína,
mat á því hvort málum sé skotið
til þjóðarinnar liggi í valdi hans.
„Það er ekki gerð krafa um annað,
hvað þá einhvern ákveðinn fjölda
manna,“ segir hún, en kveðst hafa
staldrað við orð hans um meiri-
hluta á Alþingi fyrir því að vísa
málinu í þjóðaratkvæðagreiðslu.
Þar sem þingmenn hafi á þingi
verið nýbúnir að hafna þjóðarat-
kvæðagreiðslu um málið þá þyki
henni hæpið að ætla í rökstuðn-
ingi að styðjast við yfirlýsingar
þeirra í fjölmiðlum um annað.
Á Bessastöðum í gær kvað Ólaf-
ur Ragnar það einlæga von sína
að niðurstaða leiddi til varanlegra
sátta og farsældar fyrir Íslend-
inga um leið og hún legði grunn að
góðri sambúð við allar þjóðir, en
hann var jafnframt spurður út í
möguleg áhrif ákvörðunar hans á
ríkisstjórnina, sem lagt hafi ríka
áherslu á að keyra málið í gegn.
„Málskotsrétturinn, eins og hann
er tilgreindur í 26. grein stjórnar-
skrárinnar, felur eingöngu í sér að
forseti taki afstöðu til þess hvort
þjóðin eigi að meta tiltekin lög
eða ekki. Afstaða einstakra ráð-
herra eða ríkisstjórnar til slíkr-
ar ákvörðunar getur aldrei orðið
úrslitaatriði í slíkri niðurstöðu,“
sagði Ólafur Ragnar.
Þá virtist forsetinn ekki hafa
áhyggjur af viðbrögðum erlend-
is. „Bretar og Hollendingar eru
meðal elstu lýðræðisþjóða Evr-
ópu og hljóta þannig að bera
djúpa virðingu fyrir lýðræðisleg-
um rétti þjóða eins og hann birt-
ist í þjóðaratkvæðagreiðslum,“
sagði hann og bætti einnig við að
lögin tækju gildi þrátt fyrir synj-
un hans og það myndi ekki breyt-
ast fyrr en með þjóðaratkvæða-
greiðslu. „Með þessari ákvörðun
hefur ekkert gerst sem ætti að
gefa Bretum og Hollendingum
tilefni til að bregðast við með nei-
kvæðum hætti.“
olikr@frettabladid.is
BLAÐAMANNAFUNDUR Á BESSASTÖÐUM Ólafur Ragnar Grímsson, forseti Íslands, sagði þjóðina þurfa að fá ráðrúm til að meta
yfirlýsingu þá sem hann kynnti í gærmorgun, en svaraði engu síður nokkrum spurningum fjölmiðla. FRÉTTABLAÐIÐ/STEFÁN
Vísað til þjóðarinnar
Forseti Íslands telur að meirihluti þjóðarinnar og alþingismanna vilji kjósa um
Icesave-lögin. Hann vonast eftir varanlegri sátt um málið. Mat forsetans á því
hvort málum sé skotið til þjóðarinnar ræður segir lagaprófessor við HR.
„Með ákvörðun forseta Íslands um
að staðfesta ekki breytingu Alþingis
á lögum nr. 96/2009, svokölluðum
Icesave-lögum er þeim árangri sem
náðst hefur í endurreisnaráætlun
stjórnvalda teflt í mikla tvísýnu,“ segir
í yfirlýsingu ríkisstjórnarinnar. Jóhanna
Sigurðardóttir forsætisráðherra og
Steingrímur J. Sigfússon fjármálaráð-
herra kynntu yfirlýsinguna á blaða-
mannafundi í Stjórnarráðinu í gær, eftir
að forsetinn hafði fyrr um morguninn
upplýst um ákvörðun sína.
„Ríkisstjórn Íslands lýsir vonbrigð-
um með ákvörðun forseta og í ljósi
þeirra alvarlegu áhrifa sem synjun
forseta Íslands kann að hafa mun
ríkisstjórnin nú meta stöðu mála og
horfur varðandi þá endurreisnaráætl-
un sem hún hefur fylgt með góðum
árangri,“ segir í yfirlýsingunni.
Vísað er til þess að í viljayfirlýsingu
stjórnvalda til Alþjóðagjaldeyrissjóðs-
ins (AGS) vegna efnahagsáætlunar-
innar sem undirrituð var í nóvember
2008 sé því heitið að Icesave-málið
verði leitt til lykta með samningum.
Slíkir samningar eru sagðir ein for-
senda lánveitinga frá sjóðnum, auk
þess sem lyktir málsins hafi verið for-
senda fyrir lánafyrirgreiðslu af hálfu
Norðurlandanna. „Án þessara lána er
fjármögnun efnahagsáætlunarinnar
ótrygg og framhald hennar óvisst.“
Forsvarsmenn ríkisstjórnarinnar
segja hana leggja áherslu á að ekki
megi draga upp þá mynd gagn-
vart umheiminum að Ísland ætli að
hlaupast frá skuldbindingum sínum,
en um hádegisbil sendi stjórnin
frá sér tilkynningu þar að lútandi til
erlendra miðla.
Ríkisstjórnin gagnrýnir í yfirlýsingu
sinni ákvörðun forsetans og segir
áhöld um hvort það sé pólitískt og
stjórnskipulega eðlilegt að forseti
beiti málskotsrétti sínum þegar um sé
að ræða milliríkjamál, líkt og Icesave-
málið sé. „Stjórnvöld hafa kappkost-
að að eyða allri slíkri óvissu og leitast
við að skapa traust í garð þjóðarinnar.
Óvissa eða uppnám í fjármálalegum
samskiptum við önnur ríki getur haft
ófyrirsjáanlegar, víðtækar og mjög
skaðlegar afleiðingar fyrir íslenskt
samfélag.“
- óká
Í KASTLJÓSI FJÖLMIÐLA Steingrímur J. Sigfússon fjármálaráðherra og Jóhanna
Sigurðardóttir forsætisráðherra svara spurningum fjölmiðla eftir ríkisstjórnarfund
í stjórnarráðinu í hádeginu í gær. Þau lýstu vonbrigðum ríkisstjórnarinnar með þá
ákvörðun Ólafs Ragnars Grímssonar að skrifa ekki undir Icesave-lögin. FRÉTTABLAÐIÐ/GVA
Tvísýnt um endurreisnaráætlun