Fréttablaðið - 06.01.2010, Blaðsíða 24
MARKAÐURINN 6. JANÚAR 2010 MIÐVIKUDAGUR6
V I Ð Á R A M Ó T
S
tarfsemi Icelandair á
árinu 2009 hefur í öllum
aðalatriðum gengið vel,
og að í heild sé árið sömu-
leiðis nokkuð gott þegar
litið er til ferðaþjónustu um land-
ið allt. Það gengur auðvitað ekki
allt upp alls staðar, en heilt yfir
hefur gengið framar vonum, ekki
síst þegar tekið er tillit til þess
hvernig almennt árar í íslensku
atvinnu- og viðskiptalífi.
Þennan árangur má að nokkru
þakka þeirri miklu uppstokk-
un sem gerð var hjá Icelandair á
árinu 2008, en þá var dregið veru-
lega saman í rekstri félagsins og
komið á margvíslegum hagræð-
ingaraðgerðum. Við hrun bank-
anna undir lok 2008 gjörbreytt-
ust allar rekstrar- og markaðsað-
stæður, en þá komu glöggt í ljós
styrkleikar félagsins.
LEGA LANDSINS NÝTT
Icelandair byggir á þeirri við-
skiptahugmynd að nýta Ísland,
landið sjálft og legu þess í Norð-
ur-Atlantshafi á flugleiðinni
milli Evrópu og Norður-Amer-
íku til þess að byggja upp leiða-
kerfi sem tengir saman þrjá ólíka
markaði – ferðamannamarkað-
inn til Íslands, ferðir Íslendinga
til útlanda og flug milli megin-
landanna með Keflavíkurflug-
völl sem skiptivöll. Með þess-
um hætti hefur tekist að byggja
upp mikla tíðni og miklu meiri
flugþjónustu en íslenski heima-
markaðurinn með um 300 þús-
und manns getur staðið undir.
Þessi viðskiptahugmynd, og
framkvæmd hennar, hefur svo
sannarlega sýnt styrk sinn frá
hruni bankanna, á meðan mark-
aðurinn út úr Íslandi hefur
minnkað þá hefur
bæði ferðamanna-
markaðurinn til Ís-
lands og markað-
urinn milli Evrópu
og Norður-Ameríku
aukist og gert okkur
kleift að skila góðri
rekstrarafkomu á
árinu 2009.
HAGKVÆMASTI
STAÐURINN
Gengi gjaldmiðla bauð upp á
tækifæri til þess að auka sölu
til Íslands með arðbærum hætti
og og á það hefur verið lögð höf-
uðáhersla á árinu. Árangurinn af
því mikla átaki hefur verið mjög
góður og við höfum séð verulega
fjölgun ferðamanna til landsins
í okkar flugi, eða 10 prósenta
aukningu milli ára.
UPP Á NÝ
Eftir snarpan niður-
skurð ætlum við að
vaxa á ný. Á árinu
gripum við tækifær-
ið þegar SAS hætti
Seat t le -f lugi og í
sumar hóf Icelandair
reglulegt heilsárs
áætlunarflug þangað.
Við höfum jafnframt
horft til Noregs og
erum að byggja upp
flug til borganna sem eru í hvað
mestri nálægð við okkur, Stavang-
er, Bergen og Þrándheim, og Brus-
sel bætist við næsta sumar.
Við stefnum á um 10 prósenta
aukningu í starfseminni á árinu
2010 og verðum með tólf þotur í
rekstri næsta sumar þegar mest
verður. Við teljum aðstæður bjóða
upp á tækifæri til vaxtar og ætlum
okkur að fjölga ferðamönnum Ice-
landair til landsins um 20-25 þús-
und og bæta um 5-7 milljörðum
króna í erlendum gjaldeyri í þjóð-
arbúið.
FERÐAÞJÓNUSTAN MIKILVÆG
Ég verð mjög var við það í
samtölum við jafnt almenning og
stjórnmálamenn að nú er mjög
að aukast skilningur á mikilvægi
ferðaþjónustunnar í atvinnulífi
landsins. Um allt land gerir fólk
sér betur og betur grein fyrir því
að það felast töluverðir tekju- og
afkomumöguleikar í ferðaþjón-
ustu.
Ég ætla því að leyfa mér að vera
bjartsýnn á framtíð ferðaþjónust-
unnar þegar til lengri tíma er
litið og við hjá Icelandair erum
staðráðin í því að leggja okkar af
mörkum á árinu 2010.
Birkir Hólm Guðnason, framkvæmdastjóri Icelandair:
Lega landsins mikilvæg í ferðaþjónustu
Á
rið sem nú er að líða er án nokk-
urs vafa eitt mesta umbrotaár í
seinni tíð á Íslandi. Í einu vetfangi
breyttust efnahagslegar forsend-
ur fyrir fjölskyldur og fyrirtæki í
landinu. Í ljósi þessa hefur helsta viðfangs-
efni Íslandsbanka á árinu snúið að því að
leita úrlausna fyrir viðskiptavini bankans.
NÝR VERULEIKI
Það vill oft gleymast í umræðunni að starfs-
fólk bankanna stóð einnig frammi fyrir
nýjum veruleika í upphafi árs. Það traust
sem ríkt hafði gagnvart bankastofnunum í
samfélaginu var alvarlega laskað, fjölmarg-
ir viðskiptavinir voru reiðir út í bankann
sinn og stolt bankastarfsmanna var brotið.
Þá var framtíðin afar óráðin og ekki ljóst
hvert stefndi í starfsemi íslensku viðskipta-
bankanna.
Til þess að takast á við þá óvissu sem ein-
kenndi starfsumhverfi bankafólks og við-
skiptavina þess ákvað starfsfólk Íslands-
banka að efna til stefnufundar í byrjun árs
2009 til þess að setja niður stefnu og mark-
mið nýja bankans næstu tólf mánuðina. Á
fundinum, sem haldinn var á laugardegi í
janúar, komu um sex hundruð starfsmenn
Íslandsbanka saman í eigin frítíma til þess
að leggja línurnar fyrir komandi misseri.
Þessi fundur olli straumhvörfum í því upp-
byggingarstarfi sem við þurftum að tak-
ast á við.
Umræður voru hreinskiptar og starfsfólk-
ið sagði sínar skoðanir. Og það var svo sann-
arlega þörf á því. Fólk horfðist heiðarlega
í augu við fortíðina, viðurkenndi það sem
betur hefði mátt fara og treysti í sessi það
sem vel hafði verið gert. Þarna hófst upp-
bygging nýja bankans fyrir alvöru. Það er
nefnilega einu sinni þannig að það verður
að byrja á fólkinu.
Út af stefnufundinum gengu sex hundr-
uð starfsmenn með sameiginleg markmið
og hugmynd um það hvert bankinn skyldi
stefna og það sem mestu skiptir – með sam-
stöðu að leiðarljósi og það sameiginlega
markmið að vinna að úrlausnum fyrir við-
skiptavina bankans. Auðvitað hefur ýmis-
legt gengið á og mörg mikilvæg skref verið
tekin síðan en þegar ég lít til baka er þetta
sá einstaki atburður sem mér er efstur í
huga nú í lok árs.
AÐKOMA KRÖFUHAFA
Við náðum einnig afar mikilvægum áfanga
í október sl. þegar gengið var frá samningi
um stofnefnahagsreikning og eignarhald
bankans á milli skilanefndar Glitnis fyrir
hönd kröfuhafa, Íslandsbanka og ríkisins.
Gerð efnahagsreiknings fyrir nýjan banka
hafði tekið lengri tíma en áætlað var enda
mikið og flókið verkefni. Sú niðurstaða sem
fékkst byggir á þeirri faglegu vinnu sem
starfsfólk bankans, fjármálaráðuneytisins
og skilanefndar Glitnis skilaði og leiddi til
þess að kröfuhafar ákváðu að eignast 95% í
Íslandsbanka og þar með lækkaði það fram-
lag sem ríkið hefði ella þurft að leggja bank-
anum til.
Fram undan á næsta ári eru fleiri áskoran-
ir og þær stórar. Árið 2010 verður vafalítið ár
endurskipulagningar fyrirtækja þar sem við
ætlum enn að láta verkin tala. Við þurfum að
halda áfram að byggja upp traust viðskipta-
vina okkar til Íslandsbanka. Það er mikið
verk og tekur langan tíma. Viðskiptavinir
okkar hafa þurft að takast á við fjölmörg
vandamál og áskoranir á liðnu ári sem þeir
hafa glímt við af miklu þolgæði. Þeir hafa
staðið sig afar vel við erfiðar aðstæður. Ég
vil nota tækifærið og þakka viðskiptavinum
bankans hlýhug í garð okkar framlínufólks
þegar á reyndi. Því gleymum við ekki.
Birna Einarsdóttir, bankastjóri Íslandsbanka:
Samstaða um úrlausnir
Á
rið hefur verið mjög
sérstakt fyrir Ice-
landair Group og
það stendur upp úr
hversu vel hefur tek-
ist að laga rekstur innan sam-
stæðunnar í heild að nýjum og
erfiðari aðstæðum. Það þakka
ég hæfu starfsfólki og stjórn-
endum.
HAGRÆÐING MEÐ BÖNKUNUM
Miklar breytingar urðu á eign-
arhaldi félagsins á árinu 2009 og má rekja
þær til falls bankanna. Íslandsbanki er nú
stærsti eigandinn og á árinu tók Sigurður
Helgason við sem stjórnarformaður. Stóra
verkefnið hjá Icelandair Group hefur verið,
og er enn, endurskipulagning efnahagsreikn-
ings félagsins, líkt og hjá flestum fyrirtækj-
um landsins. Við höfum unnið þar náið með
viðskiptabanka félagsins. Mikil rekstrarhag-
ræðing hafur verið því samfara hjá öllum fé-
lögum innan samstæðunnar. Þetta er vinna
sem vissulega hefur tekið í.
EIGNIR SELDAR
Unnið er að endurmótun félagsins miðað við
þessar breyttu aðstæður og nú í desember
var tilkynnt að stefnt er að sölu þriggja fyr-
irtækja sem starfa fyrst og fremst erlendis,
Bláfugls, Travel Service og Smartlynx, úr
samstæðunni. Eftir standa því Icelandair,
Icelandair Cargo, IGS, Flugfélag Íslands,
Iceland Travel, Loftleiðir, Icelandair Hot-
els og Fjárvakur, eða sú starfsemi sem í að-
alatriðum byggir á leiðakerfi Icelandair og
Flugfélagsins og flutninga- og ferðaþjónustu
sem er nátengd því.
Ég er bjartsýnn á að Ice-
landair Group muni geta náð
góðum árangri í rekstri sínum
á næsta ári, þrátt fyrir mikla
óvissu. Tækifærin felast meðal
annars í fjölgun ferðamanna
sem færa þjóðarbúinu og fjöl-
mörgum þjónustufyrirtækjum
innan og utan samstæðunnar
hærri tekjur.
ÁHÆTTUSTÝRING VANMETIN
Ég hygg að það sem viðskiptalíf-
ið muni helst læra af atburðarás undanfar-
inna missera sé að vanmeta ekki mikilvægi
áhættustýringar á öllum sviðum í rekstri
fyrirtækja og stofnana. Að ganga hægt um
gleðinnar dyr. Ég tel að við, fyrirtækin og
einstaklingar, höfum farið of hratt í unaðs-
semdum auðvelds aðgangs að fjármagni.
VARHUGAVERÐAR HÆKKANIR
Ég tel að við sem þjóð eigum mikil tæki-
færi sem er þó auðvelt að klúðra. Ég er bjart-
sýnn á möguleika þjóðarinnar en heldur
svartsýnn að okkur auðnist að nýta okkur
þá. Aukin skattbyrði í ferðaþjónustunni svo
og á allan atvinnurekstur hefur strax mikil
áhrif til verri vegar. Skattahækkanirnar á
atvinnulífið og einstaklingana munu að mínu
mati lækka heildarskatttekjur ríkissjóðs.
ENGIN TÆKIFÆRI Í VARNARLEIK
Stjórnvöld þurfa að tala kjark í þjóðina.
Horfa til langs tíma í skattaáformum. Tæki-
færi liggja í sókn, ekki vörn – en aukin skatt-
heimta er vörn. Áskorun stjórnvalda er sú að
stækka kökuna og sækja sér meiri tekjur, án
skattahækkana.
Björgólfur Jóhannsson, forstjóri Icelandair Group:
Aðlögun að breyttum
aðstæðum hefur gengið vel