Fréttablaðið - 06.01.2010, Blaðsíða 28
16 6. janúar 2010 MIÐVIKUDAGUR
Tilkynningar um merkis atburði, stórafmæli og
útfarir má senda á netfangið
timamot@frettabladid.is.
Auglýsingar á að senda á auglysingar@frettab-
ladid.is eða hringja í síma 512 5000.
NIGELLA LAWSON
ER FIMMTUG Í DAG.
„Á sumum æviskeiðum
tekur þú á hlutunum en
á öðrum ertu bugaður af
eymd og kvíða.“
Enski sjónvarpskokkurinn,
rithöfundurinn og blaða-
maðurinn Nigella Lawson
öðlaðist heimsfrægð árið
2000 þegar matreiðslu-
þátturinn Nigella Bites fór
í loftið á Channel 4.
Þennan dag árið
1994 voru skauta-
drottningunni og Ól-
ympíuverðlaunahaf-
anum Nancy Kerr-
igan veittir áverkar
á hné rétt áður en
bandaríska meist-
aramótið í listskaut-
um átti að fara fram
í Detroit.
Kerrigan var að
koma af æfingu
þegar maður réðst að henni með
barefli og barði hana í hnéð. Hann
hljóp í burtu áður en hún náði að
bera kennsl á hann. Kerrigan sat sár-
þjáð eftir og gat ekki tekið þátt í
mótinu. Aðalkeppinautur hennar,
Tonya Harding, sigr-
aði. Kerrigan gat
ekki heldur tekið
þátt í undankeppni
fyrir Ólympíuleik-
ana en var engu
síður valin í hóp-
inn og vann til silf-
urverðlauna á leik-
unum mánuði síðar
á meðan Hard-
ing lenti í áttunda
sæti. Fljótlega eftir
árásina fóru spjótin að berast að
Harding og eiginmanni hennar og
síðar kom í ljós að þau höfðu lagt
á ráðin um árásina ásamt lífverðin-
um Shawn Eckardt og fengið Shane
nokkurn Stant til verksins.
ÞETTA GERÐIST 6. JANÚAR 1994
Ráðist á Nancy Kerrigan
Skíðamaðurinn Björgvin Björgvins-
son var kjörinn íþróttamaður Dalvík-
urbyggðar árið 2009, tíunda árið í röð.
Björgvin er nú eins og undanfarin ár
fastamaður í landsliði Skíðasambands
Íslands og án efa fremsti skíðamaður
landsins. Hann æfir allt árið um kring
og tekur þátt í Evrópu- og heimsbik-
arkeppnum á hverju ári. Nú stefnir
hann á sína þriðju Ólympíuleika sem
haldnir verða í Vancouver í Kanada í
febrúar.
En eru engir aðrir íþróttamenn í
Dalvíkurbyggð? „Jú, það er fullt af
ungum og efnilegum íþróttamönnum
á Dalvík. Ég er hins vegar að keppa á
svo stórum mótum að ef golfari væri
til að mynda að gera sambærilega hluti
þá væri hann að keppa í PGA-mótaröð-
inni,“ segir Björgvin. Hann er alltaf
jafn stoltur af titlinum og segir hann
gefa sér mikið.
Björgvin, sem keppir aðallega í
svigi, er á góðri siglingu og varð
meðal annars þrefaldur Íslandsmeist-
ari á skíðamóti Íslands. Hann varð
einnig í 25. sæti í svigi á heimsbikar-
mótinu í Zagreb í Króatíu sem er besti
árangur Íslendings á heimsbikarmóti
síðan 2000. Þá hafnaði hann í 19. sæti á
svigmóti í Evrópubikarkeppni í Crans
Montana en með góðum árangri á
fyrrgreindum mótum og á fjölmörg-
um öðrum bætti Björgvin stöðu sína
á heimslistanum í svigi svo um munar
og er í dag númer 75 með 11,30 FIS
stig. „Ég hef verið í kringum hundrað
ansi lengi. Um leið og þú ert kominn
niður fyrir það þarft þú að vinna ansi
stór mót til að komast hærra. Það er
talað um að skíðamenn séu upp á sitt
besta frá tuttugu og átta til þrjátíu og
þriggja. Ég verð þrítugur 11. janúar
og stefni að því að nýta næstu ár eins
vel og ég get.“
Björgvin komst í fyrsta skipti í topp
þrjátíu á heimsbikarmótinu í Króatíu
í fyrra. Hann vonast til að það takist
aftur á þessu ári en hann mun taka
þátt í þónokkrum heimsbikarmót-
um nú í janúar. En hvert er markmið-
ið fyrir ólympíuleikana? „Ég set mér
alltaf markmið en þori lítið að gefa
þau upp til að setja ekki á mig óþarfa
pressu. Ég mun þó að sjálfsögðu leggja
mig allan fram.“ vera@frettabladid.is
BJÖRGVIN BJÖRGVINSSON: ÍÞRÓTTAMAÐUR DALVÍKURBYGGÐAR Í TÍUNDA SINN
Alltaf jafn stoltur af titlinum
FJÖLMÖRG MÓT FRAM UNDAN Björgvin tekur þátt í nokkrum heimsbikarmótum á næstu
vikum og keppir á Ólympíuleikunum í febrúar. MYND/GUÐMUNDUR JAKOBSSON
Ástkær eiginmaður minn, faðir, tengda-
faðir, afi og langafi,
Svanur Hjartarson
Dalbraut 10, Búðardal,
andaðist á Landspítalanum við Hringbraut 2. janúar.
Útförin fer fram frá Hjarðarholtskirkju laugardaginn
9. janúar kl. 14.00. Þeim sem vilja minnast hans er bent
á Krabbameinsfélag Breiðfirðinga.
Edda Tryggvadóttir
Elísabet Svansdóttir Magnús A. Jónsson
Sigurður Svansson Ólöf Eðvarðsdóttir
Bryndís Svansdóttir Halldór L. Arnarson
Arnar Svansson Sólrún L. Þórðardóttir
barnabörn og langafabörn.
Elskulegur eiginmaður minn, faðir
okkar, tengdafaðir, afi og langafi,
Pétur Sigurðsson
fyrrverandi framkvæmdastjóri
Breiðdalsvík,
lést þann 5. janúar á hjúkrunarheimili aldraðra, Höfn
í Hornafirði. Jarðarförin verður auglýst síðar.
Bergþóra Sigurðardóttir
Arnleif Pétursdóttir, Manfred Kleindienst,
Jóhanna Pétursdóttir, Sveinn F. Jóhannsson,
Sigurður Pétursson, Ólöf Kristjánsdóttir,
Hreinn Pétursson, Linda H. Guðmundsdóttir,
Pétur Pétursson, Ingunn H. Guðmundsdóttir,
barnabörn og barnabarnabörn.
Ástkær móðir okkar, tengdamóðir,
amma og langamma,
Sigurbjörg Guðnadóttir
Hvoli, Mýrdal,
sem lést sunnudaginn 27. desember, verður jarðsungin
frá Skeiðflatarkirkju laugardaginn 9. janúar klukkan
14.00.
Arnþrúður Sigurðardóttir
Kristín J. Sigurðardóttir Gunnar R. Ólason
Eyjólfur Sigurðsson Ásdís Gunnarsdóttir
Guðný Sigurðardóttir Kristján Ólafsson
barnabörn og barnabarnabörn.
Ástkær faðir okkar, tengdapabbi, afi og
langafi,
Jóhannes Þorsteinsson
lést sl. fimmtudag 31. desember. Útför auglýst síðar.
Magný Jóhannesdóttir
Sæunn Jóhannesdóttir
Sólveig Jóna Jóhannesdóttir Haraldur Jónsson
Svala Guðbjörg Jóhannesdóttir
Svanhildur Jóhannesdóttir Gunnar Sigurðsson
Sonja Jóhannesdóttir
barnabörn, makar þeirra og barnabarnabörn.
timamot@frettabladid.is
Ástkær eiginmaður minn, faðir, tengda-
faðir, afi og langafi,
Árni Brynjólfsson
Rauðalæk 16, Reykjavík,
lést sunnudaginn 20. desember á hjúkrunarheimilinu
Sóltúni. Útförin fer fram frá Dómkirkjunni, föstu-
daginn 8. janúar kl. 13.00.
Ólöf Guðný Geirsdóttir
Örn Árnason Ragnheiður Karlsdóttir
Geir Árnason Sigrún Aðalsteinsdóttir
Ólöf Árnadóttir Pétur Halldórsson
barnabörn og barnabarnabörn.
Innilegar þakkir til allra sem sýndu
okkur samúð og hlýhug við andlát og
útför ástkærs eiginmanns míns, föður,
tengdaföður, afa og langafa,
Haraldar Óla
Valdimarssonar
kjötiðnaðarmeistara
Lindasíðu 25, Akureyri.
Sérstakar þakkir fær starfsfólk á lyflækningadeildum
FSA og heimahlynningar fyrir frábæra umönnun.
Ólína Lilja Sigurjónsdóttir
dætur, tengdasynir og fjölskyldur þeirra.
Jólamiðnæturmessa Rétttrúnaðarkirkj-
unnar á Íslandi verður haldin í kvöld
klukkan 23 í Landakotskirkju.
Þeir sem tilheyra kirkjunni halda
upp á jólin hinn 7. desember, og þar
sem messan stendur fram yfir mið-
nætti lýkur henni á jóladag. Um þrjú
hundruð manns af ýmsu þjóðerni, þar á
meðal Íslendingar, eru skráð í kirkjuna
og vonast forsvarsmenn hennar eftir
mörgum gestum af þessu tilefni.
Ástæða þess að kirkjan heldur upp á
jólin á þessum tíma er sú að árið 1582
tók nýtt tímatal, sem kennt er við Greg-
oríus páfa, gildi í löndum kaþólskunn-
ar. Löndin austan við páfagarð héldu
sig þó enn við gamla júlíanska tímatal-
ið, og var hið nýja tímatal ekki tekið
upp í Rússlandi fyrr en eftir bylting-
una 1917. Rússneska kirkjan var ekki
ánægð með þá tilhögun og miðar því
hátíðir sínar enn við gamla tímatalið.
Söfnuðurinn var fyrst skráður hér
á landi árið 2001 og prestur hans er
Timur Zolotuskiy.
- kg
Jólamessa Rétttrúnaðarkirkjunnar
JÓLAMESSA Timur Zolotuskiy er prestur Rétt-
trúnaðarkirkjunnar. FRÉTTABLAÐIÐ/VALLI