Fréttablaðið - 06.01.2010, Blaðsíða 38
26 6. janúar 2010 MIÐVIKUDAGUR
1
6 7 8
10
13
119
12
15
16
18
21
20
17
14
19
2 3 4 5
LÖGIN VIÐ VINNUNA
LÁRÉTT
2. lýð, 6. úr hófi, 8. ung stúlka, 9. fley,
11. hætta, 12. langintes, 14. korr, 16.
einnig, 17. sjáðu, 18. bar að garði, 20.
hreyfing, 21. dugnaður.
LÓÐRÉTT
1. hróss, 3. hljóm, 4. fugl, 5. bar, 7.
hjáguð, 10. hafið, 13. nasaop, 15.
tolla, 16. klampi, 19. í röð.
LAUSN
LÁRÉTT: 2. fólk, 6. of, 8. mær, 9. far,
11. vá, 12. sláni, 14. snörl, 16. og, 17.
sko, 18. kom, 20. ið, 21. iðni.
LÓÐRÉTT: 1. lofs, 3. óm, 4. lævirki, 5.
krá, 7. falsgoð, 10. rán, 13. nös, 15.
loða, 16. oki, 19. mn.
Lagið Meira frelsi með
hljómsveitinni Merz-
edes Club endaði
í áttunda sæti í
alþjóðlegri söngva-
keppni síðunnar
Eurodanceweb.
net. Þetta er besti
árangur íslensks
lags í keppninni,
sem var nú haldin í níunda sinn.
Alls tóku fulltrúar frá 39 þjóðum
þátt í keppninni og úr þeim hópi
völdu rúmlega 60 þúsund netverjar
uppáhalds danslagið sitt. Einnig fór
fram kosning á meðal dómnefnd-
ar sem var skipuð fjölda fólks úr
tónlistarbransanum og þar hlaut
Merzedes Club mun dræmari
undirtektir. Endaði það í 38. og
næstneðsta sæti.
Tónlistarmennirnir Nick
Cave og Warren Ellis
verða ekki viðstaddir
frumsýningu Vesturp-
orts-leikritsins Faust í
Borgarleikhúsinu 15.
janúar. Þeir félagar
sömdu tónlistina við
verkið, auk þess sem
Cave kom nálægt hluta af texta-
smíðunum. Vonir stóðu til að þeir
myndu heiðra frumsýningargesti
með nærveru sinni en því miður
verður ekkert af því. Cave og Ellis
hafa áður starfað með Vesturporti
því þeir sömdu einnig tónlistina við
verkin Hamskipti og Woyzek við
góðar undirtektir.
Hróður Bjarnfreðarsonar berst víða
því gagnrýnandi kvikmyndasíð-
unnar Twitch.com hefur tilnefnt
íslensku myndina sem eina af
þeim bestu árið 2009. Gagnrýn-
andinn heitir því sérkennilega nafni
Swarez og velur auk Bjarnfreðarson
Inglourious Basterds og District 9
meðal tíu bestu mynda
ársins. Kvikmyndin Bron-
son, sem Þórir Snær
Sigurjónsson fram-
leiðir, er einnig á lista
Swares en hún er eftir
danska leikstjórann
Nicholas Winding
Refn. - fb, fgg
FRÉTTIR AF FÓLKI
„Ég hlusta mest á netútvarps-
stöðvar og nota síður eins og last.
fm og blip.fm mjög mikið. En ef
það er einhver ein plata sem ég
er núna meira að hlusta á en
aðrar þá myndi ég nefna Say
G&E! með The Grouch & Eligh.“
Ómar Ómar Ágústsson, framkvæmda-
stjóri og rafeindavirki.
Tónleikaferð Emilíönu Torrini um heiminn heldur
áfram á fullum dampi. Þessa dagana er hún í Ástr-
alíu og spilar í Brisbane í kvöld. Í gærkvöldi lék hún
á hinum fornfræga tónleikastað The Enmore í Syd-
ney. Íslendingar eru með í för, Sigtryggur Baldurs-
son, Pétur Hallgrímsson gítarleikari og Lay Low,
sem spilar á bassa með Emilíönu og hitar auk þess
upp. Tónleikarnir hafa gengið vel, alls staðar troð-
fullt og fólk syngur með í lögunum.
Í nýlegu viðtali við Brisbane News sagði Emilíana
að hún hefði nálgast lagasmíðar sínar á nýjan hátt
upp á síðkastið. „Ég var í kvíðakasti og hálf brjál-
uð í hvert skipti sem ég var að semja á plöturnar
mínar,“ sagði hún. „Ég spurði því sjálfa mig hvort
ég vildi að þetta yrði svona í hvert skipti sem ég
gerði nýja plötu. Ég fór þá leið að tengja upp á nýtt.
Nú hefur viðhorf mitt breyst og ég get ekki hætt að
semja ný lög.“
Nýja viðhorfið hefur gert það að verkum að
hljómsveit Emilíönu kemur nú að lagasmíðunum,
helst þó Simon Byrt hljómborðsleikari.
Í heimsreisunni er verið að kynna nýjustu plötu
Emilíönu, Me and Armini, sem kom út 2008. Frá
Ástralíu liggur leiðin til Tókýó, Istanbúl og Prag
og svo eru það þrennir tónleikar í Háskólabíói, 19.
til 21. febrúar. Enn eru nokkrir miðar eftir á síð-
ustu tónleikana. Þetta verða að öllum líkindum síð-
ustu tónleikar Emilíönu í bili. Eftir allt spiliríið
mun Emilíana að öllum líkindum hella sér af fullum
þunga í að semja og taka upp næstu plötu. Það er
hugur í henni og mjög líklega að hún komi út nýrri
plötu á árinu. - drg
Emilíana tengir upp á nýtt
Í HEIMSREISU Emiliana Torrini er í Ástralíu og segist njóta þess
í fyrsta skipti að semja nýja tónlist.
„Bókin er skrifuð í Danmörku og
er innblásin af umræðunni þar.
Danir eru svo klofin þjóð, þar er
allt annaðhvort eða,“ segir Auður
Jónsdóttir en bók hennar Tryggð-
arpantur, eða Depositum, eins og
hún heitir á dönsku, kom nýver-
ið út í Danmörku. Danskir gagn-
rýnendur skiptast algjörlega í tvo
hópa; sumir hrósa henni í hástert
eins og bókarýnir Metroexpressen
sem gefur henni fimm stjörnur. Og
líkir bókinni við Dýrabæ George
Orwell. Í sama streng tekur rýnir
Literatursiden sem telur að les-
andinn fái marbletti á samviskuna
við lesningu bókarinnar. Þá hafa
forsvarsmenn danskra bókasafna
valið bókina sem eina af skáldsög-
um ársins 2009. Og mæla sérstak-
lega með því að danskir lesendur
láti ekki hræðast af kápu bókar-
innar sem skartar heldur ófrýni-
legu svíni.
Gagnrýnandi Politiken er hins
vegar alls ekki hrifinn, slátrar
nánast bókinni á síðum blaðsins,
segir Auði skjóta langt yfir markið
með bókinni og áfellist hana fyrir
að hafa sleppt „hinu jarðbundna
akkeri Íslendingsins“. „Auður var
tilnefnd til bókmenntaverðlauna
Norðurlandaráðs fyrir Fólkið í
kjallaranum en hún fær enga til-
nefningu fyrir þessa bók,“ skrifar
Sören Winterberg en til gamans
má geta að hann er pabbi Thomas-
ar Winterberg sem gerði hina frá-
bæru dogma-mynd Festen. „Hann
gaf mér draumadóm fyrir Fólkið í
kjallaranum og kannski bjóst hann
við annarri svona fjölskyldudrama-
bók,“ segir Auður og bætir því við
að hún hafi drukkið þrjú viskíglös
þegar hún las dóm Winterberg.
„Þetta hefur verið svona, annað-
hvort viskídrykkja eða skálað í
kampavíni,“ segir Auður og hlær.
Hún hafi þó alveg eins búist við
því að sumir í Danmörku yrðu
ekki hrifnir og svona bók með pól-
itískri skírskotun ætti náttúrlega
ekki að eiga við alla. Hún verður
engu síður í stóru viðtali við Polit-
iken á laugardaginn kemur og fær
þá tækifæri til að skýra sitt mál.
En það er öðru tímabili að ljúka
í lífi Auðar því hún hefur verið
hirðskáld Borgarleikhússins í
heilt ár. Hún segir það vera eitt
það skemmtilegasta sem hún hafi
gert á ævinni. „Ég er búin að vera
að skrifa í heilt ár og við erum bara
að lesa og skoða verkið með dram-
atúrgum. Það hefur bara verið
æðislega gaman og ég veit bara
ekki hvort ég geti skrifað skáld-
sögu án þess að hafa dramatúrg
mér við hlið,“ segir Auður. Þegar
hún er síðan spurð um hvað verkið
fjalli er svarið mjög skýrt og skor-
inort. „Verkið fjallað um barnaníð
og tjáningarfrelsi,“ útskýrir skáld-
ið en ráðgert er að það komi á fjalir
leikhússins árið 2011.
freyrgigja@frettabladid.is
AUÐUR JÓNSDÓTTIR: LEIKRIT UM BARNANÍÐ OG TJÁNINGARFRELSI
Danir elska og hata
Tryggðarpant Auðar
ELSKUÐ OG HÖTUÐ Danskir gagnrýnendur skiptast algjörlega í tvo hópa þegar kemur
að dönsku útgáfunni af Tryggðarpanti Auðar Jóns. Sumir elska hana, öðrum þykir
lítið til hennar koma og finnst hún jafnvel barnaleg. FRÉTTABLAÐIÐ/VILHELM
„Þetta er alltaf gaman. Mér
skilst að þetta sé býsna vin-
sælt sjónvarpsefni,“ segir Þor-
steinn Bergsson, bóndi á Unaósi
á Fljótsdalshéraði. Hann kepp-
ir í annarri umferð í spurninga-
keppninni Útsvari í Sjónvarpinu
á föstudagskvöld ásamt liðsfé-
lögum sínum, Ingunni Snædal og
Stefáni Boga Sveinssyni. Mótherj-
inn verður Kópavogur, hinn sami
og sigraði Fljótsdalshérað í úrslit-
um í fyrra. Þorsteinn hefur vakið
athygli fyrir vasklega framgöngu
með liði sínu og virðist sjónvarps-
leysið á heimili hans því greini-
lega engu máli skipta. „Við höfum
aldrei haft sjónvarp frá því að við
byrjuðum að búa við hjónin. Ætli
ég verði ekki að segja að okkur
leiðist það heldur og ekki fer það
batnandi eftir því sem tímarnir
líða fram,“ segir Þorsteinn, sem
er kvæntur Soffíu Ingvarsdótt-
ur, kennara í Menntaskólanum á
Egilsstöðum. „Okkur var sagt að
við kæmumst ekki upp með þetta
því við eigum börn sem eru tíu og
þrettán ára og að þau myndu fara
að heimta sjónvarp þegar þau yxu
úr grasi. En það hefur nú ekkert
gerst, þetta er bara þeirra veru-
leiki.“
En hvað með netið, er það til
staðar? „Já, en við erum að vísu
með mjög lélega tengingu en það
stendur víst til bóta. Það verður
mikil breyting,“ segir hann og
bætir við: „Ég hef alltaf haft þá
afstöðu gagnvart nýjungum að ég
hef tekið það upp sem mér líkar
og sleppt hinu. Maður á ekki að
gleypa við öllu.“
Þorsteinn segist hafa lesið
mjög mikið þegar hann var yngri
og hann búi að því nú. „Þetta er
held ég gamall banki sem ég er
að ganga í. Það er einhvern veg-
inn þannig að það sem maður les
innan við tvítugt, það situr vel og
þá las ég alveg reiðinnar býsn,“
segir hann og nefnir að allt sem
snýr að náttúrunni sé sín sterk-
asta hlið í Útsvarinu. - fb
Fjölskyldan sátt án sjónvarps
ÞORSTEINN BERGSSON Þorsteinn les
bækur og kíkir á netið, þrátt fyrir lélega
nettengingu, í staðinn fyrir að horfa á
sjónvarp.