Fréttablaðið - 07.01.2010, Blaðsíða 2

2 7. janúar 2010 FIMMTUDAGUR
BRIDS
SKÓLINN
- - - - - - - - - - - - - - - - - - - - - - - - - - - - - - - -
Byrjendur ... 25. janúar ... tíu mánudagar frá 20-23
Framhald ... 27. janúar ... átta miðvikudagar frá 20-23
- - - - - - - - - - - - - - - - - - - - - - - - - - - - - - - -
• Bridsskólinn býður jafnaðarlega upp á námskeið fyrir
byrjendur og fjölbreytt framhaldsnámskeið fyrir þá
sem vilja auka kunnáttuna. Framhaldið er nú með nýju
sniði, þar sem höfuðáherslan er á æfingaspilamennsku.
• Námskeið skólans eru haldin í húsnæði Bridssambands
Íslands, Síðumúla 37 í Reykjavík.
• Hægt er að mæta stakur, í pari eða í hóp.
• Mörg stéttarfélög styrkja þátttöku félagsmanna sinna.
• Sjá ennfremur á Netinu undir bridge.is/fræðsla.
- - - - - - - - - - - - - - - - - - - - - - - - - - -
Uppl. og innritun í síma 898-5427 frá 13-18 daglega.
♦
♦
♦
♦
♦
♦
♦
♦
♦
♦
♦
♦
♦
DÓMSMÁL Kakkalakkar sem illa
gekk að losna við úr fjölbýlishúsi
einu enduðu inni á borði úrskurð-
arnefndar húsnæðismála.
Kona ein sem bjó í ónefndu fjöl-
býlishúsi hér á landi kallaði sjálf
til meindýraeyði til að freista þess
að ráða niðurlögum kakkalakka
sem lifað höfðu af þrjá atlögur
meindýraeyðis á vegum húsfélags-
ins. Konan krafðist þess að húsfé-
lagið greiddi fyrir þjónustu mein-
dýraeyðisins sem hún pantaði en
það vildi húsfélagið ekki.
Í niðurstöðu úrskurðarnefnd-
arinnar segi að konan hafi ætlað
að flytja en „hafi ekki viljað flytja
kakkalakkana með“. Hún hafi því
látið formann húsfélagsins vita
að kakkalakkarnir væru komn-
ir aftur og að það þyrfti að eitra
fyrir flutningsdag svo kakkalakk-
ar myndu ekki fylgja með hús-
búnaðinum. Það hafi síðan verið
neyðarúrræði hjá henni að kalla
til meindýraeyði því sá sem for-
maðurinn pantaði hafi ekki mætt
á staðinn. Formaðurinn neitaði að
greiða reikning viðkomandi mein-
dýraeyðis.
Í máli konunnar og húsfélagsins
var síðan teflt fram ýmsum rökum
og rakti hvor aðili sína sýn á mála-
vexti um kakkalakkana og mein-
dýraeyðana. Lyktir málsins urðu
þær að úrskurðarnefndin taldi
húsfélaginu ekki skylt að borga
nýja meindýraeyðinum.
Guðmundur Björnsson, hjá Mein-
dýravörnum Reykjavíkur, segir
tilfelli með kakkalakka koma upp
öðru hverju. Fyrst og fremst sé um
að ræða dýr sem berist með send-
ingum erlendis frá eða farangri
fólks úr utanlandsferðum. Erfitt
geti verið að eyða slíkum mein-
dýrum. „Það er aldrei hægt að
segja að það verði hundrað prósent
árangur en yfirleitt hefst þetta þó
að lokum,“ segir Guðmundur sem
kveður lítið sem fólk geti sjálft
gert nema gæta þess að bera ekki
pöddurnar með sér.
Á vef Náttúrufræðistofnun-
ar Íslands segir að tvær tegund-
ir kakkalakka þekkist á Íslandi;
þýski kakkaklakkinn og sá amer-
íski. „Kakkalakkinn lifir alfar-
ið innanhúss sem afar hvimleitt
meindýr og leggst á flest sem
tönn á festir, spillir og óhreink-
ar. Þar má telja matvörur af öllu
tagi, dauð dýr og plöntur, leður,
lím, veggfóður, textílvörur og hvað
eina sterkjuríkt. Auk þess að éta
og naga óhreinkar hann mikið með
saur sínum og illum þef,“ segir
stofnunin um þetta óvelkomna dýr.
gar@frettabladid.is
Nágrannar deila um
eyðingu kakkalakka
Þótt meindýraeyðir kæmi þrisvar í íbúðir í fjölbýlishúsi tókst ekki að flæma
kakkalakka úr húsinu. Íbúi sem flutti og vildi ekki kvikindin með sér réði sjálf-
ur meindýraeyði. Úrskurðarnefnd segir húsfélagið ekki skylt til að borga honum.
KAKKALAKKI Á ÍSLANDI Eitt kvikindið
sem gert hefur sig heimakomið á Fróni.
FRÉTTABLAÐIÐ/VILHELM
GUÐMUNDUR BJÖRNSSON Fólk verður að gæta þess að hafa ekki pöddur með sér í
farangrinum frá útlöndum. FRÉTTABLAÐIÐ/HEIÐA
LÖGREGLUMÁL Lögreglan á höfuðborgarsvæðinu
handtók fimm pólska karlmenn í vikunni, sem grun-
aðir eru um innbrot í heimahús. Fjórir mannanna
hafa verið úrskurðaðir í vikulangt gæsluvarðhald og
sá fimmti var leiddur fyrir dómara síðdegis í gær.
Á mánudagsmorgun var fyrsti maðurinn hand-
tekinn þar sem hann var við innbrot í Hamrahverfi,
að sögn Árna Þórs Sigmundssonar, aðstoðaryfirlög-
regluþjóns á lögreglustöð 4. Í kjölfarið voru þrír til
viðbótar handteknir og hafa þeir allir verið úrskurð-
aðir í gæsluvarðhald á grundvelli rannsóknarhags-
muna.
Í fyrradag var svo fimmti maðurinn handtekinn.
Hann reyndist vera með þýfi á sér, sem talið er vera
úr einu þeirra innbrota sem lögregla rannsakar nú.
Árni Þór segir að nú sé unnið að rannsókn á
nokkrum óupplýstum innbrotum, þar á meðal í Graf-
arvogi, Norðlingaholti og Mosfellsbæ. Þá séu sumir
mannanna grunaðir um innbrot í Breiðholti. Viðkom-
andi lögreglustöðvar vinni sameiginlega að rann-
sókn þessara mála.
Sumir mannanna hafa komið við sögu hjá lögreglu
áður, meðal annars vegna þjófnaðarbrota. - jss
HÉRAÐSDÓMUR Úrskurðaði mennina í vikulangt gæsluvarð-
hald.
Fimm menn úrskurðaðir í gæsluvarðhald vegna rannsóknar á innbrotum:
Meint pólskt þjófagengi tekið
FANGELSISMÁL Brasilíski lýtalækn-
irinn Hosmany Ramos, sem hót-
aði fangaverði með eggvopni
þegar hann reyndi að flýja frá
fangavörðum í fyrradag, var
beittur agavið-
urlögum vegna
málsins og sett-
ur í einangrun
á Litla-Hrauni.
Hann þarf að
sæta einangr-
un í tíu daga og
verður síðan að
öllum líkind-
um vistaður á
öryggisgangi á
Litla-Hrauni, samkvæmt upplýs-
ingum frá Fangelsismálastofn-
un.
Verið var að flytja Ramos
fyrir dómara þegar hann reyndi
flóttann, eins og Fréttablaðið
greindi frá í gær. Hann náði að
losa af sér handjárnin og stökk
út úr fangaflutningabílnum. Lög-
reglubíll á næstu grösum náði að
sveigja í veg fyrir hann og lög-
reglumanninum í bílnum og
tveimur fangaflutningamönnum
tókst svo að handsama hann.
Þá hafði hann hótað öðrum
fangaverðinum lífláti með því
að ota að honum heimatilbúnu
eggvopni, sem hann hafði leynt
á sér.
Ramos var í héraðsdómi
úrskurðaður í gæsluvarðhald
til 19. janúar. Hann hefur kært
úrskurð dómsmálaráðuneytis
þess efnis að hann verði fram-
seldur til brasilískra yfirvalda
vegna glæpaverka í heima-
landinu, til héraðsdóms. - jss
EGGVOPN RAMOSAR Þannig lítur það
út, eggvopnið sem Ramos hótaði fanga-
verði lífláti með.
Mjög hert öryggisgæsla á brasilíska gæsluvarðhaldsfanganum:
Ramos var settur í einangrun
HOSMANY RAMOS
DÓMSMÁL Ívar Anton Jóhannsson,
22 ára, sem kærður hefur verið
fyrir að hafa tælt þrjár ungar
stúlkur á Facebook og nauðg-
að að minnsta kosti einni þeirra
hrottalega, skal sitja í gæsluvarð-
haldi í fjórar vikur til viðbótar,
samkvæmt úrskurði Héraðsdóms
Reykjavíkur í gær. Ívar Anton
kærði úrskurðinn til Hæstarétt-
ar.
Ívar Anton komst í kynni við
stúlkurnar, þrettán, fjórtán og
sextán ára, á Facebook. Í fram-
haldi var hann kærður fyrir
nauðgun og samræði við stúlkur
undir lögaldri. Ívar Anton hefur
komið við sögu hjá lögreglu áður
vegna umferðarlagabrota, fíkni-
efnabrota og þjófnaðarmála. - jss
FYRIR DÓMARA Ívar Anton Jóhanns-
son var leiddur fyrir dómara í gær og
úrskurðaður í gæsluvarðhald.
Facebook-nauðgarinn:
Situr áfram í
gæsluvarðhaldi
Örlög Haga ráðast fljótlega
Enn er gert ráð fyrir að Arion banki
taki ákvörðun um framtíð 1998,
eignarhaldsfélags Haga, um miðjan
þennan mánuð. Þetta segir Finnur
Sveinbjörnsson, bankastjóri Arion
banka. Meðal þess sem er til skoðun-
ar er hvort bankinn gangi til samninga
við Jóhannes Jónsson og meðfjárfesta
hans í félaginu, selji félagið í opinni
sölu, skrái félagið í kauphöll, eða
skipti því upp og selji í bútum.
VIÐSKIPTI
DÓMSMÁL Kærunefnd fjöleigna-
húsmála verður ekki við kröfu
íbúa í blokk einni um að úrskurða
að páfagaukur á hæðinni fyrir
ofan verði að hverfa úr húsinu.
Páfagaukurinn hafi valdið honum
miklu ónæði.
„Skrækir páfagauksins ber-
ist um stigagang og út í sameig-
inlegt port nokkurra íbúða og
húsa“, segir um málavexti. Benti
nágranninn á móti á að kvartand-
inn hefði sjálfur verið með dverg-
hamstra. Kærunefndin sagði að
til að koma við algeru banni við
páfagaukum í húsinu þyrftu allir
að vera því sammála. Því væri
ekki að heilsa í þessu tilviki. - gar
Kærunefnd um fjöleignahús:
Páfagaukur má
skrækja í blokk
PÁFAGAUKUR Ekki er allir hrifnir af
hljóðum páfagauka.
Eirný, trúir þú á ost við fyrstu
sýn?
„Já, allt fyrir ostana.“
Eirný Sigurðardóttir, verslunarstjóri í
ostaversluninni Búrinu, ætlar að halda
námskeið um ostamenningu.
KÖNNUN Rétt rúmlega helming-
ur landsmanna mun samþykkja
Icesave-lögin í þjóðaratkvæða-
greiðslu, samkvæmt skoðana-
könnun Capacent Gallup sem
RÚV greindi frá í gær. Þá muni
41 prósent landsmanna kjósa
gegn lögunum en sex prósent
skila auðu.
Í könnuninni kemur fram að
sextíu prósent landsmanna telji
að ákvörðun forsetans að stað-
festa ekki lögin á þriðjudag hafi
slæm áhrif á þjóðarhag.
Einungis tíu prósent lands-
manna gera ekki ráð fyrir því að
taka þátt í kosningunni.
- jab
Ný könnun Capacent Gallup:
Meirihluti styð-
ur Icesave-lögin
IÐNAÐUR Engar tafir hafa orðið
á gerð fjárfestingarsamnings
stjórnvalda við Verne holding um
gagnaver á Suðurnesjum, segir
Katrín Júlíusdóttir iðnaðarráð-
herra í samtali við Vísi. Fram-
kvæmdir voru stöðvaðar í gær, að
sögn vegna dráttar á afgreiðslu
Alþingis á fjárfestasamningi.
„Það hefur engin töf orðið á
neinu varðandi þennan fjárfesta-
samning í meðförum þingsins.
Frumvarp til heimildarlaga var
lagt fram á Alþingi og fór strax
í eðlilega þinglega meðferð og
er fyrstu umræðu lokið,“ segir
Katrín.
Vinna við gagnaver stöðvuð:
Engin töf orðið
segir ráðherra
SPURNING DAGSINS