Fréttablaðið - 07.01.2010, Blaðsíða 6
6 7. janúar 2010 FIMMTUDAGUR
Kringlunni • Simi 568 1822 og Smáralind • sími 564 1822
www.polarnopyret.is
ÚTSALA
ÚTSALA
ÚTSALA
Ársfundur Hins íslenska biblíufélags
7. febrúar kl. 12:30 í safnaðarheimili
Seltjarnarneskirkju
Dagskrá
1. Ársreikningur 2009
2. Skýrsla stjórnar og stefnulýsing
3. Tillögur að lagabreytingum
4. Kjör í stjórn
5. Önnur mál
Óvissa vegna synjunar forseta
Bresk og hollensk stjórnvöld leggja
áherslu á að staða Icesave-máls-
ins skýrist sem fyrst, en samtöl
við ráðamenn þar hafa ekki breytt
neinu um þá stöðu sem upp er komin
í kjölfar synjunar forseta Íslands á
lögum um ríkisábyrgð vegna Icesa-
ve, segir Steingrímur J. Sigfússon
fjármálaráðherra.
Hann segir fjármálaráðherra
Bretlands og Hollands hafa verið
vinsamlegri í samtölum við sig en
í viðtölum við fjölmiðla. Allir séu
sammála um að töf á úrlausn máls-
ins sé báðum til tjóns.
Steingrímur segir sína orku
fyrstu dagana eftir ákvörðun for-
setans fara í að slökkva elda. „Það
er augljóst hvað [þarf að gera] núna,
það er að verja landið eins og hægt
er, draga úr neikvæðum áhrifum
af [ákvörðun forsetans], og halda
virkum stjórnmálatengslum milli
Íslands, gagnaðilanna og nágranna-
landanna.“
Stórskaðleg umræða fór af stað
víða erlendis eftir blaðamannafund
forsetans á þriðjudag, segir Stein-
grímur. Víða hafi fjölmiðlar talið að
ákvörðun hans þýddi að Ísland ætl-
Stórskaðleg umræða fór víða í gang eftir tilkynningu forseta segir fjármálaráðherra:
Öll orkan fer í að slökkva elda
ÁBYRGÐ Ekki kemur til greina
að staðfesta ríkisábyrgð áður en
þjóðaratkvæðagreiðslan fer fram
þrátt fyrir að lögin sem forsetinn
synjaði staðfestingar hafi form-
lega tekið gildi, segir Steingrímur
J. Sigfússon fjármálaráðherra.
FRÉTTABLAÐIÐ/STEFÁN
Steingrímur J. Sigfússon fjármálaráðherra
heldur til fundar við fjármálaráðherra Noregs
og Danmerkur í dag eða á morgun, sam-
kvæmt upplýsingum frá fjármálaráðuneyt-
inu. Þar mun hann ræða um áhrif synjunar
forseta Íslands á lánaloforð Norðurlandanna
til Íslands. Ekki stendur til að Steingrímur fari
til Bretlands í þessari ferð.
Steingrímur sagðist í gær telja að ummæli
norrænna ráðherra hafi verið oftúlkuð,
ekkert hafi komið fram sem bendi til þess
að lánveitingar verði stöðvaðar vegna
synjunar forsetans. Þvert á móti virðist sem
hin Norðurlöndin muni bíða átekta þar til
niðurstöður úr þjóðaratkvæðagreiðslunni
verði komnar fram.
FUNDAR UM
NORÐURLANDALÁNIN
aði ekki að standa við sínar skuld-
bindingar. Með snörum viðbrögðum
hafi vonandi tekist að bæta mesta
skaðann.
„Að sjálfsögðu ætlum við ekki að
láta þann stimpil festast á Íslandi að
við ætlum ekki að axla okkar skyld-
ur í samfélagi þjóðanna,“ segir
Steingrímur.
„Það eru vonbrigði að þetta setji
í óvissu þrotlaust puð síðustu mán-
aða við að byggja hlutina hér upp og
komast áfram. Þetta setur það óneit-
anlega í óvissu, það verður bara að
horfast í augu við það, en við gerum
allt sem við getum til að áhrifin af
því verði sem minnst,“ segir Stein-
grímur. - bj
Ólafur Ragnar Grímsson, forseti
Íslands, var varaður við því að
synjun laga um ríkisábyrgð vegna
Icesave, gæti stórlaskað stöðu
Íslands í alþjóðasamstarfi og aukið
hættu á greiðslufalli. Þetta kom
fram í bréfi frá sérfræðingum í
Stjórnarráði Íslands, sem forset-
inn fékk í hendur á mánudag. Þar
er varað við alvarlegum efnahags-
legum afleiðingum.
Í bréfinu segir að verði lögin
felld í þjóðaratkvæðagreiðslu gæti
skapast alvarlegt ástand. Bret-
ar og Hollendingar myndu neyta
utanríkispólitísks aflsmunar á
vettvangi Alþjóðagjaldeyrissjóðs-
ins (AGS) og EES. Það mundi tor-
velda endurfjármögnun íslenska
ríkisins, sveitarfélaga og orkufyr-
irtækja. Þá er minnt á að núver-
andi gjaldeyrishöft séu í andstöðu
við grunnreglur EES og háð sam-
þykki annarra samningsaðila.
Sérfræðingarnir telja að ef lögin
verði felld séu allar líkur á að fyrri
samningar falli einnig úr gildi.
Þetta kemur einnig fram í minnis-
punktum Steingríms J. Sigfússon-
ar fjármálaráðherra, sem hann fór
yfir með forsetanum. Þar segir að
ríkislögmaður geti ekki vottað
hvernig málið standi verði lögin
felld.
Í bréfi sérfræðinganna er einn-
ig varað við því að verði lögin felld
fái Bretar og Hollendingar meg-
inþorra allra úthlutana úr þrota-
búi Landsbankans og fyrstu sjö
árin alveg það sama og þeir hefðu
fengið samkvæmt samningnum.
Þá er ítrekað að samstarfsáætl-
un AGS og Íslands yrði óvirk og
henni jafnvel rift. Matsfyrirtækin
myndu einnig lækka landið niður í
ruslflokk, nokkuð sem þegar hefur
gerst.
Í minnisblaði Steingríms er
einnig sagt að trúverðugleiki
íslenskra stjórnvalda sé í húfi,
núverandi ríkisstjórn, að minnsta
kosti fjármálaráðherra, yrði í afar
vandræðalegri stöðu gagnvart við-
semjendum. Þá hrósar Steingrím-
ur þjóðinni fyrir yfirvegun, en
undir kraumi mikið og ástandið í
samfélaginu sé brothætt og aukið
atvinnuleysi á útmánuðum gæti
gert ástandið verra.
Friðrik Már Baldursson, prófess-
or í viðskiptafræði við HR, ræddi
við forsetann í síma í aðdraganda
ákvörðunar hans. Í samtali við
Fréttablaðið á þriðjudag, sagði
Friðrik óttast að synjun forsetans
hleypti nauðsynlegri endurfjár-
mögnun í uppnám. Greiðslukúfur
væri fram undan fyrir landið, árin
2011 og 2012, og fjármögnun yrði
því að vera skýr. „Þetta er mikil
áhætta sem við erum að taka.“
kolbeinn@frettabladid.is
Var varaður við af-
leiðingum synjunar
Forsetinn fékk gögn frá sérfræðingum í stjórnarráði um efnahagslegar afleið-
ingar synjunar. Fjármálaráðherra sagði ríkislögmann telja málið í óvissu. Sér-
fræðingur sem ræddi við forsetann telur synjunina mjög áhættusama.
TILKYNNIR SYNJUN Ólafur Ragnar Grímsson fékk gögn sem vöruðu við alvarlegum efnahagslegum afleiðingum þess að synja
lögunum staðfestingar. Hann synjaði engu síður. FRÉTTABLAÐIÐ/STEFÁN
Í yfirlýsingu Ólafs Ragnars Gríms-
sonar, forseta Íslands, um synjun-
ina, er fullyrt að felli þjóðin lögin
í þjóðaratkvæðagreiðslunni, séu
eldri lög um ríkisábyrgð, sem
samþykkt voru í lok ágúst, áfram
í gildi. Lögspekingar virðast ekki
jafnvissir um þetta og forsetinn.
Í yfirlýsingu Ólafs segir: „Verði
lögin samþykkt í þjóðaratkvæða-
greiðslu, gilda þau að sjálfsögðu
áfram. Verði úrslitin á annan veg,
eru engu að síður áfram í gildi lög
nr. 96/2009 sem Alþingi samþykkti
28. ágúst 2009 á grundvelli sam-
komulags við stjórnvöld í Hollandi
og Bretlandi, en þau fela í sér við-
urkenningu Íslendinga á skuld-
bindingum sínum.“
Í minnisblaði fjármálaráðherra
til forsetans, sem farið var yfir í
aðdraganda ákvarðanatökunnar,
er hins vegar sagt að með öllu sé
óvíst hvort þau lög gangi í gildi.
Ótvíræð ríkisábyrgð þurfi að
vera til staðar, samkvæmt laga-
bókstafnum, til að þau taki gildi.
„Ríkislögmaður getur ekki vottað
að málið sé klárt …“ segir þar.
Björg Thorarensen, deildarfor-
seti lagadeildar HÍ, sagði í sam-
tali við Fréttablaðið að væru lögin
felld yrðu lögin frá í sumar í gildi.
Ríkisábyrgðin yrði hins vegar ekki
virk. „Hún verður ekki virk nema
fallist verði á fyrirvarana að öllu
leyti af viðsemjendum.“ Hollend-
ingum og Bretar hafa þegar hafn-
að hluta fyrirvara. - kóp
Forsetinn og ríkislögmaður ekki sammála um lagatúlkun:
Óvissa um hvaða lög gilda
TELUR LÖGIN GILDA Ríkislögmaður
virðist ekki deila vissu forsetans um að
eldri lög um Icesave taki gildi verði þau
nýju felld. FRÉTTABLAÐIÐ/GVA