Fréttablaðið - 07.01.2010, Blaðsíða 28

7. JANÚAR 2010 FIMMTUDAGUR2 ● fréttablaðið ● íþróttafatnaður
Hjátrú af ýmsu tagi virðist gjarnan loða við heim íþróttanna og eru
dæmi um að íþróttamenn telji að lukkugripir af ýmsu tagi geti haft
áhrif á frammistöðuna. Sumir klæðist til að mynda síendurtekið treyj-
um, buxum eða öðrum fatnaði úr sigurleik og enn aðrir ganga svo langt
að þvo ekki fötin einu sinni á milli leikja af ótta við að draga úr áhrif-
unum. Margar af helstu íþróttahetjum heims viðurkenna að vera
hjátrúarfullar og íslenskir íþróttamenn virðast engin undan-
tekning. - rve
Bleik handklæði og
skítugir sokkar
Michael Jordan klæddist ávallt stuttbuxum merktum Háskól-
anum í Norður-Karólínu innanundir búningi sínum á meðan
hann spilaði með Chicago Bulls. Hann taldi buxurnar hafa
ótvíræð áhrif á gott gengi liðsins í NBA-deildinni.
Tennisstjarnan Serena Williams gætir þess að reima skóna sína
á ákveðinn hátt áður en haldið er á völlinn og hefur verið í
sömu sokkunum í gegnum heilt mót. NORDICPHOTOS/AFP
Brasilíski hnefaleikakappinn Lyoto Machida, sem er vinstra
megin á myndinni, drekkur alltaf eigið þvag áður en hann fer í
hringinn. Hann telur að í því felist mikil hreinsunaráhrif.
Hafnaboltaleikmaðurinn Wade Boogs var svo hjátrúarfullur að
það jaðraði við áráttuhegðun. Eitt af því sem hann gerði var
að skrifa alltaf hebreska orðið Chai, sem merkir líf, í sandinn á
vellinum rétt fyrir leik.
„Ég fer alltaf fyrst í vinstri skóinn fyrir
leik og gangi mér vel klæðist ég sama
íþróttatoppnum næst. Þetta er auðvitað
vitleysa því gott sjálfstraust skiptir öllu,“
segir Greta Mjöll Samúelsdóttir, hjá
knattspyrnufélagi Breiðabliks.
„Hér áður fyrr hélt ég lengi vel í bleikt
handklæði eftir gott gengi í leik. Ætli
helsta hjátrúin nú sé ekki fólgin í
því að fylgja alltaf sömu rútínu fyrir
leik,“ segir Jónas Grani Garðarsson,
leikmaður knattspyrnufélags HK.
Fáir ef nokkur Íslendingur á jafn mikið af íþróttafatnaði og Björn
Sveinbjörnsson, framkvæmdastjóri NTC. Sjálfur segist Björn vera
mikill öfgamaður í öllu sem hann tekur sér fyrir hendur og þar séu
fatakaup engin undantekning.
„Ég hef stundað íþróttir um langt skeið þannig að stór hluti af
fatnaðinum hefur safnast upp í gegnum árin. Svo er ég á kafi í alls
konar sporti í dag, veiðum, líkamsrækt, golfi og mótorsporti og
þarf að eiga fatnað við öll tækifæri og helst margt af hverju,“ við-
urkennir Björn og kveðst eiginlega vera í vandræðum með að finna
not fyrir allan búnaðinn. „Það eru náttúrlega ekki nema ákveð-
ið margir dagar sem hægt er að stunda ákveðið sport, eins og til
dæmis veiðar, þannig að sumt nýtist auðvitað minna en annað.“
En er þetta ekki dýrt áhugamál? Ekki neitar Björn því. „Það er
náttúrlega með það eins og mörg áhugamál að þau eru kostnaðar-
söm.“ - rve
Íþróttadella á háu stigi
Björn Sveinbjörnsson á allt til alls í íþróttafatnaði og -búnaði enda með
íþrótta- og útivistardellu á háu stigi. FRÉTTABLAÐIÐ/GVA
Kanadíski íshokkíleikmaðurinn
Patrick Roy skautaði alltaf aftur
á bak í áttina að marki eigin liðs
í uphafi hvers leiks. Hann taldi
það færa sér og liðinu gæfu.
„Við bróðir minn Guðmundur klædd-
umst alltaf Barcelona-treyjum innan
undir fyrir mikilvæga leiki í þeirri
trú að það færði okkur gæfu. Ég er
nú löngu hættur að trúa á svoleiðis
rugl,“ segir Ásgeir Gunnar Ásgeirs-
son hjá knattspyrnufélagi FH.
4
FR
ÉT
TA
B
LA
Ð
IÐ
/V
IL
H
EL
M
FR
ÉT
TA
B
LA
Ð
IÐ
/S
TE
FÁ
N
Fjölþrepa
bakbrettið
• Eykur sveigjanleika
• Linar bakverki
• Bætir líkamsstöðu
• Auðvelt í notkun
• Má nota hvar sem er
Opið virka daga frá kl. 9 -18 og laugardaga til jóla kl. 11-16
www.eirberg.is • 569 3100 • Stórhöfða 25
Verð: 7.950 kr.