Fréttablaðið - 07.01.2010, Blaðsíða 49

FIMMTUDAGUR 7. janúar 2010 37
Leikarinn Matthew McConaug-
hey tilkynnti á vefsíðu sinni að
hann og kærasta hans, Camila
Alves, hefðu eignast sitt annað
barn 3. janúar. „Gleðilegt nýtt
ár, allir saman! Camila fæddi
fallega stúlku á sunnudaginn.
Hún hefur fengið nafnið Vida
Alves McConaughey. Vida þýðir
líf á portúgölsku og það er ein-
mitt það sem drottinn færði
okkur þann dag,“ ritaði leikar-
inn á síðu sinni. Fyrir á parið
sautján mánaða gamlan son,
Levi, og því er stutt á
milli systkinanna
tveggja.
Eignaðist
stúlkubarn
VIÐBÓT
Matt-
hew
McCon-
aughey
eignaðist
sitt annað
barn á
sunnu-
dag.
Þegar leikkonan Kate Hud-
son og hafnaboltaleikmaðurinn
Alex Rodriguez slitu sambandi
sínu fór á kreik sá orðrómur að
það hefði verið Rodriguez sem
hætti með Hudson vegna þess
að honum þótti hún of þurfandi
og sólgin í sviðsljósið. Tímaritið
OK! Magazine heldur því aftur á
móti fram að Kate Hudson hafi
slitið sambandinu vegna þess að
Rodriguez hafi verið heltekinn
af fyrrum kærustu sinni, söng-
konunni Madonnu. „Kate var
brjálæðislega öfundsjúk. Hún
bað Alex margoft
um að hætta að
hafa samband
við Madonnu.
Hvernig myndi
ykkur líða
ef kærasti
ykkar væri
stanslaust
að hringja
í sína fyrr-
verandi?“
sagði heim-
ildarmað-
ur í viðtali
við tíma-
ritið.
Öfundsjúk
út í Madonnu
ÓSÁTT Kate Hud-
son var öfundsjúk
út í Madonnu.
Forsíðufrétt tímaritsins The Enquirer fjallaði um það hvaða
stjörnur væru samkynhneigðar og enn í skápnum. Meðal
þeirra sem tímaritið nefndi voru Zac Efron, Sienna Miller,
fyrirsætan Tyra Banks og leikarinn Hugh Jackman.
The Enquirer hefur fátt til að styðja þessar vangaveltur
sínar og telur til dæmis að hinn ungi leikari Zac Efron
sé samkynhneigður vegna þess að hann sé of vel til
hafður og að samband hans og leikkonunnar Vanessu
Hudgens sé bara sýndarsamband. Einnig heldur tíma-
ritið því fram að Hugh Jackman sé samkynhneigður
vegna þess að hann hefur farið með hlutverk í söng-
leik. Sienna Miller ku vera hrifin af kynsystrum sínum
vegna þess að hún kyssti stelpu á unglingsárum sínum
og Tyra Banks mun vera samkynhneigð vegna þess að
tveir samstarfsmenn hennar í þáttunum America‘s Next
Top Model eru samkynhneigðir. Önnur tímarit hafa spáð
því að ekki líði langur tími þar til einhverjar af þessum
stjörnum fari í meiðyrðamál við The Enquirer.
Stjörnur sagðar inni í skápnum
Johnson & Johnson-erfinginn
Casey Johnson fannst látin í
íbúð sinni í Los Angeles í gær.
Johnson var aðeins þrítug að
aldri og hafði verið látin í ein-
hvern tíma þegar hún fannst.
Stúlkan var æskuvinkona Hilt-
on-systranna og var einnig góð
vinkona Nicole Richie en náði
aldrei sömu frægð og vinkon-
ur hennar. Johnson átti í sam-
bandi við Courtenay Semel,
dóttur forstjóra Yahoo, en Semel
var á tíma orðuð við leikkonuna
Lindsay Lohan.
Johnson skilur eftir sig eina
dóttur, Ava Marylin, sem hún
ættleiddi árið 2007 frá Kasak-
stan. Foreldrar Johnson hafa nú
umsjá með barninu.
Erfingi lést
LÁTIN Casey Johnson, erfingi að hrein-
lætis- og snyrtivörufyrirtækinu Johnson
& Johnson, fannst látin á heimili sínu
þrítug að aldri.
SPÁÐ Í KYNHNEIGÐ
Tímaritið The
Enquirer heldur því
fram að fjöldi þekktra
einstaklinga hafi enn
ekki komið út úr
skápnum. Tímaritið
nefndi meðal annars
stjörnur á borð við
Hugh Jackman og
Tyru Banks.