Fréttablaðið - 09.01.2010, Blaðsíða 28

28 9. janúar 2010 LAUGARDAGUR
Hamborgarhryggir, rjúpur, kalkúnar og anda-
bringur. Nú þegar flest jólaboðin eru yfirstaðin
fara margir að huga að því að hreyfa sig meira
og borða minna. Fréttablaðið leitaði ráða hjá
nokkrum einkaþjálfurum og spurðu þá hvort þeir
lumuðu á einhverjum ráðum um hvernig megi
koma sér í gott form eftir jólin.
Að losa sig við
jólakúluna
YESMINE OLSON
„Mjög gott ráð er að fara í göngutúr daglega ef veður
leyfir. Fyrir þá sem eiga eftir að mæta í fleiri matarboð
á næstunni þá er sniðugt ráð að taka pásu á milli
aðalréttarins og eftirréttarins til að melta svolítið í
stað þess að borða sig of saddan. Annars mæli ég
með því að fólk sem ætlar að hefja líkamsrækt á nýju
ári setji sér markmið til lengri tíma og gefist ekki upp
strax á fyrstu viku eins og margir gera. Það hjálpar
manni oft af stað að vera með skemmtilegan lagalista
á iPodinum sínum til að æfa við.“
KONRÁÐ VALUR GÍSLASON
„Það er mikilvægt að koma mataræðinu í rútínu,
borða 5-6 litlar máltíðir yfir daginn og alls ekki
gleyma morgunmatnum. Einnig er gott að skipta út
kjötinu fyrir meira léttmeti líkt og fisk, kjúkling og
salat og auka neyslu grænmetis og ávaxta. Ég mæli
einnig með því að fólk drekki mikið vatn og hreyfi sig.
Fátt er betra en að svitna vel eftir mikla saltneyslu.“
SÖLVI FANNAR VIÐARSSON
„Öll hreyfing styttir tímann sem það tekur fyrir fæð-
una að fara í gegnum meltingarkerfið og því er gott
að fara út að ganga og drekka mikið af vatni eða tei.
Þeir sem drekka kaffi eða gosdrykki ættu að passa sig
á að drekka jafn mikið af vatni með af því að kaffi og
gos er mjög vatnslosandi. Svo er nauðsynlegt að sofa
vel og borða vatnsríka fæðu eins og grænmeti, ávexti
og gróft kornmeti.“
BORGHILDUR
SVERRISDÓTTIR
„Helsta og besta ráðið sem ég gef öllum eftir jólin
er að ákveða hér og nú að breyta lífsvenjum sínum.
Best er að gera það með litlum hænuskrefum, það
er að breyta og bæta eitthvað tengt heilsunni í hverri
viku, að minnsta kosti næstu 12-15 vikurnar. Þeir
sem ætla nú að beina hugsun sinni í átt að betri
lífsvenjum ættu að byrja á því að auka hreyfinguna
í hverri viku. Meiri hreyfing í þessari viku en í þeirri
síðustu þangað til að þið eruð farin að hreyfa ykkur
hressilega 5-6 daga vikunnar. Hvað mataræði varðar
er trefjaríkur morgunmatur mikilvægur, gróft brauð
og kornmeti, fiskur, kjúklingur, magurt og ferskt kjöt,
ávextir og grænmeti á hverjum degi, litlar máltíðir og
vatnsdrykkja reglulega yfir daginn. Ég vil líka meina
að grænt te sé mjög þýðingarmikið til að fækka
aukakílóum.“
Staðgreiðsluverð kr. 26.250*
Nýja S2120 ryksugan frá Miele er lágvær, létt, kraftmikil og með
stórum poka. Parketbursti að andvirði kr. 9.320 fylgir frítt með.
Suðurlandsbraut 20, Reykjavík | Sími 588 0200 | www.eirvik.is
Sparaðu með Miele
Þú sparar
kr. 15.882
Opið í dag laugardag frá kl. 11:00-15:00
Fullt verð kr. 32.812
*Gildir á meðan birgðir endast.